Maharastra: ୬୦ ଦିନରେ ଶୁଣାଣି ଶେଷ: ଶିଶୁକନ୍ୟା ଦୁଷ୍କର୍ମ ଓ ହତ୍ୟା ମାମଲାରେ ଦୋଷୀଙ୍କୁ ମୃତ୍ୟୁଦଣ୍ଡାଦେଶ

"ପୁଣେ: ମହାରାଷ୍ଟ୍ରର ପୁଣେ ଜିଲ୍ଲାରେ ୩ ବର୍ଷର ଜଣେ ଶିଶୁକନ୍ୟାଙ୍କୁ ଦୁଷ୍କର୍ମ କରି ହତ୍ୟା କରିଥିବା ୬୫ ବର୍ଷୀୟ ବ୍ୟକ୍ତିଙ୍କୁ ସୋମବାର ଏକ ସ୍ୱତନ୍ତ୍ର ଅଦାଲତ ମୃତ୍ୟୁଦଣ୍ଡରେ ଦଣ୍ଡିତ କରିଛନ୍ତି।

ଘଟଣା ଘଟିବାର ମାତ୍ର ୬୦ ଦିନ ମଧ୍ୟରେ ମାମଲାର ଶୁଣାଣି ଶେଷ କରି ରାୟ ପ୍ରକାଶ କରାଯାଇଥିବାରୁ ଏହା ଦ୍ରୁତ ବିଚାର ପ୍ରକ୍ରିୟାର ଏକ ଉଦାହରଣ ଭାବେ ଚର୍ଚ୍ଚାରେ ରହିଛି।Advertisment ଦୋଷୀ ଭୀମରାଓ କାମ୍ବଲେ ଗତ ମେ ୧ ତାରିଖରେ ପୁଣେ ଜିଲ୍ଲାର ନାସରାପୁର ଗ୍ରାମରେ ୩ ବର୍ଷର ଶିଶୁକନ୍ୟାଙ୍କୁ ପ୍ରଲୋଭନ ଦେଖାଇ ଏକ ଗୁହାଳଘରକୁ ନେଇଥିଲେ।

ସେଠାରେ ସେ ଶିଶୁକନ୍ୟାଙ୍କୁ ଦୁଷ୍କର୍ମ କରିବା ପରେ ହତ୍ୟା କରିଥିଲେ।

ତଦନ୍ତ ସମୟରେ ପୁଲିସ ପରିସ୍ଥିତିଜନିତ ପ୍ରମାଣ ଓ ବୈଜ୍ଞାନିକ ସାକ୍ଷ୍ୟ ସଂଗ୍ରହ କରିଥିଲା, ଯାହା ଆଧାରରେ ଅଭିଯୋଗ ପ୍ରମାଣିତ ହୋଇଥିଲା।

ପୂର୍ବରୁ ଜୁନ୍‌ ୨୫ ତାରିଖରେ ସ୍ୱତନ୍ତ୍ର ପୋକ୍ସୋ ଅଦାଲତ ଭୀମରାଓ କାମ୍ବଲେଙ୍କୁ ଅପହରଣ, ଦୁଷ୍କର୍ମ ଓ ହତ୍ୟା ସମେତ ସମସ୍ତ ଅଭିଯୋଗରେ ଦୋଷୀ ସାବ୍ୟସ୍ତ କରିଥିଲେ।

ଏହା ପରେ ଦଣ୍ଡ ଘୋଷଣାକୁ ୨୯ ଜୁନ୍‌ ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା।

ଆହୁରି ପଢନ୍ତୁ : Lord Jagannath: ଝାରସୁଗୁଡ଼ା ଜିଲ୍ଲାର ସମସ୍ତ ଜଗନ୍ନାଥ ମନ୍ଦିରରେ ଦେବସ୍ନାନ ପୂର୍ଣ୍ଣିମା ସ୍ୱତନ୍ତ୍ର ବିଚାରପତି ଏସ୍‌ଆର୍‌ ସାଲୁଙ୍କେ ରାୟରେ କହିଛନ୍ତି ଯେ, ଏହା "ବିରଳରୁ ବିରଳତମ" ଅପରାଧ ଶ୍ରେଣୀରେ ପଡ଼ୁଛି।

ଅତ୍ୟନ୍ତ ନିଷ୍ଠୁର ଓ ଅମାନବିକ ଏହି ଅପରାଧ ପାଇଁ ସର୍ବୋଚ୍ଚ ଦଣ୍ଡ ହିଁ ଉପଯୁକ୍ତ।

ତେବେ ଆଇନ ଅନୁଯାୟୀ ଏହି ମୃତ୍ୟୁଦଣ୍ଡକୁ କାର୍ଯ୍ୟକାରୀ କରିବା ପୂର୍ବରୁ ଏହାକୁ ଉଚ୍ଚ ଅଦାଲତର ଅନୁମୋଦନ ଆବଶ୍ୟକ।

ଏହି ମାମଲାର ଦ୍ରୁତ ତଦନ୍ତ ଓ ଶୁଣାଣିକୁ ବିଭିନ୍ନ ମହଲରୁ ସ୍ୱାଗତ କରାଯାଇଛି।"