Good news: ଏକକ କନ୍ୟାମାନଙ୍କ ପାଇଁ ଖୁସି ଖବର...

"ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସି) ଉଚ୍ଚଶିକ୍ଷା ପଢ଼ୁଥିବା ଛାତ୍ରୀମାନଙ୍କୁ ଆର୍ଥିକ ସହାୟତା ଦେବା ପାଇଁ "ପୋଷ୍ଟଗ୍ରାଜୁଏଟ୍‌ ଇନ୍ଦିରା ଗାନ୍ଧୀ ସ୍କଲାର୍‌ସିପ୍‌ ଫର୍‌ ସିଙ୍ଗଲ୍ ଗାର୍ଲ ଚାଇଲ୍‌ଡ" ଯୋଜନା ଚଳାଉଛି।

ଏହି ଯୋଜନା ଅଧୀନରେ, ଯେଉଁ ଛାତ୍ରୀ ସେମାନଙ୍କ ପିତାମାତାଙ୍କ ଏକମାତ୍ର ସନ୍ତାନ ଏବଂ ମାଷ୍ଟର ଡିଗ୍ରୀ (ପିଜି) ପଢ଼ୁଛନ୍ତି ସେମାନଙ୍କୁ ଆର୍ଥିକ ସହାୟତା ଦେଇଥାଏ।

ଏହି ଛାତ୍ରବୃତ୍ତିର ଉଦ୍ଦେଶ୍ୟ ହେଉଛି ଦେଶର ଝିଅମାନଙ୍କ ମଧ୍ୟରେ ଉଚ୍ଚଶିକ୍ଷାକୁ ପ୍ରୋତ୍ସାହିତ କରିବା ଏବଂ ଉଚ୍ଚ ଅଧ୍ୟୟନ ପାଇଁ ଉତ୍ସାହିତ କରିବା।

ଯୋଜନା ଅଧୀନରେ, ଯୋଗ୍ୟ ଛାତ୍ରୀମାନଙ୍କୁ ୨ ବର୍ଷ ପାଇଁ ଆର୍ଥିକ ସହାୟତା ପ୍ରଦାନ କରାଯାଏ, ଯାହାଦ୍ବାରା ବିନା କୌଣସି ବାଧାରେ ସେମାନେ ପାଠପଢ଼ା ଜାରି ରଖିପାରିବେ।Advertisment From struggle: ସଂଘର୍ଷରୁ ସଫଳତା, ଶୀର୍ଷରେ ରାଧିକା   ମନୋନୀତ ଛାତ୍ରୀମାନଙ୍କୁ ପ୍ରତିବର୍ଷ ୩୬,୨୦୦ ଟଙ୍କାର ଛାତ୍ରବୃତ୍ତି ଦିଆଯାଏ।

୨ବର୍ଷରେ ମୋଟ୍‌ ୭୨,୪୦୦ ଟଙ୍କା ଡିବିଟି ମାଧ୍ୟମରେ ହିତାଧିକାରୀଙ୍କ ଆଧାର-ସଂଲଗ୍ନ ବ୍ୟାଙ୍କ ଆକାଉଣ୍ଟକୁ ସିଧାସଳଖ ଟ୍ରାନ୍ସଫର୍‌ ହୁଏ।

ପ୍ରତିବର୍ଷ ପ୍ରାୟ ୩,୦୦୦ ନୂତନ ଛାତ୍ରୀଙ୍କୁ ଏହି ଯୋଜନାରେ ସାମିଲ କରାଯାଏ।

ଏହି ଛାତ୍ରବୃତ୍ତିର ବୈଶିଷ୍ଟ୍ୟ ହେଉଛି ଏଥିରେ ପରିବାର ସମ୍ବନ୍ଧିତ କୌଣସି ଆୟ ବିବରଣୀର ଆବଶ୍ୟକତା ପଡ଼େନାହିଁ।

ଯୋଗ୍ୟ ଛାତ୍ରୀମାନେ ସେମାନଙ୍କର ଆର୍ଥିକ ସ୍ଥିତି ନିର୍ବିଶେଷରେ ଆବେଦନ କରିପାରିବେ।

ଏହି ଯୋଜନାରୁ ଲାଭ ପାଇବା ପାଇଁ ଛାତ୍ରୀ ତାଙ୍କ ପିତାମାତାଙ୍କ ଏକମାତ୍ର ସନ୍ତାନ ହେବା ଆବଶ୍ୟକ।

କେବଳ ଝିଅ ଓ କୌଣସି ପୁଅ ନଥିବା ପରିବାର ମଧ୍ୟ ଯୋଗ୍ୟ।

ଯମଜ କିମ୍ବା ଏକାସାଙ୍ଗରେ ଜନ୍ମ ହୋଇଥିବା ଦୁଇଟି ଝିଅ ବି ଆବେଦନ କରିପାରିବେ।

ମାଷ୍ଟର୍‌ ଡିଗ୍ରୀର ପ୍ରଥମ ବର୍ଷ ପ୍ରବେଶ ସମୟରେ ଆବେଦନକାରୀଙ୍କ ବୟସ ୩୦ ବର୍ଷ କିମ୍ବା ତା"ଠାରୁ କମ୍‌ ହେବା ଜରୂରୀ।

ଏହାସହ, ସେ ଏକ ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟ ବା କଲେଜରେ ନିୟମିତ, ପୂର୍ଣ୍ଣକାଳୀନ ମାଷ୍ଟର ଡିଗ୍ରୀ ପାଠ୍ୟକ୍ରମର ପ୍ରଥମ ବର୍ଷରେ ପଢ଼ୁଥିବା ଦରକାର।

Oil imports from Russia: ରୁଷ୍‌ରୁ ତେଲ ଆମଦାନି ବଢ଼ିଲା: ପାରାଦୀପକୁ ଆସିଛି ୨ ବର୍ଷର ସର୍ବାଧିକ    ଏହା କେବଳ ଅଣ-ବୃତ୍ତିଗତ ସ୍ନାତକୋତ୍ତର ପାଠ୍ୟକ୍ରମ ପାଇଁ ଉପଲବ୍ଧ।

ଏଥିରେ ଏମ୍‌ଏ, ଏମ୍‌ଏସ୍‌ସି ଓ ଏମ୍‌କମ୍‌ ଭଳି ସାଧାରଣ ପିଜି ପାଠ୍ୟକ୍ରମ ଅନ୍ତର୍ଭୁକ୍ତ।

ଇଞ୍ଜିନିୟରିଂ, ଡାକ୍ତରୀ, ଆଇନ ଓ ଅନ୍ୟ ବୃତ୍ତିଗତ ପାଠ୍ୟକ୍ରମ ପଢ଼ୁଥିବା ଛାତ୍ରୀମାନେ ଏଥିପାଇଁ ଯୋଗ୍ୟ ନୁହନ୍ତି।

ଡିଷ୍ଟାନ୍ସ ଏଜୁକେସନ୍‌ ଓ ଓପନ୍‌ ଲର୍ଣ୍ଣିଂ ପଢ଼ୁଥିବା ଛାତ୍ରୀମାନେ ଏହାର ଲାଭ ପାଇବେନାହିଁ।

ଏହି ବୃତ୍ତି ପାଇଁ ଆବେଦନ ନ୍ୟାସ୍‌ନାଲ୍‌ ସ୍କଲାର୍‌ସିପ୍‌ ପୋର୍ଟ‌ାଲ୍‌ ମାଧ୍ୟମରେ କରାଯାଏ।

ଆଗ୍ରହୀ ଛାତ୍ରୀମାନଙ୍କୁ ପୋର୍ଟାଲ୍‌ରେ ପଞ୍ଜୀକରଣ କରିବାକୁ ପଡ଼ିବ ଏବଂ "ପୋଷ୍ଟଗ୍ରାଜୁଏଟ୍‌ ଇନ୍ଦିରା ଗାନ୍ଧୀ ସ୍କଲାର୍‌ସିପ୍‌ ଫର୍‌ ସିଙ୍ଗଲ୍ ଗାର୍ଲ ଚାଇଲ୍‌ଡ" ଯୋଜନାକୁ ଚୟନ କରିବାକୁ ପଡ଼ିବ।"