ମିଆମି ବିମାନବନ୍ଦରରେ କାର୍ଗୋ ବିମାନ ଦୁର୍ଘଟଣା, ୫ ମୃତ

Sep 07, 2026 - 11:51

ମିଆମି ବିମାନବନ୍ଦରରେ କାର୍ଗୋ ବିମାନ ଦୁର୍ଘଟଣା, ୫ ମୃତ

ନନ୍ଦିଘୋଷ ବ୍ୟୁରୋ : ମିଆମି ଆନ୍ତର୍ଜାତୀୟ ବିମାନବନ୍ଦରରେ ଏକ ଆମାଜନ ପ୍ରାଇମ୍ ଏୟାର କାର୍ଗୋ ବିମାନ ରନୱେରେ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ଅତି କମରେ ୫ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ୨୧ ଏୟାର ଦ୍ୱାରା ପରିଚାଳିତ ପ୍ରାଇମ୍ ଏୟାର ଫ୍ଲାଇଟ୍ ୭୫୯୮ର ବୋଇଂ ୭୬୭-୩୦୦ ବିମାନଟି ସାନ୍ ଜୁଆନ୍, ପୁଏର୍ଟୋ ରିକୋରୁ ମିଆମି ଆସୁଥିଲା। ବିମାନଟି ହଠାତ୍ ଭାରସାମ୍ୟ ହରାଇ ରନୱେରୁ ବାହାରିଯାଇଥିଲା। ପରେ ଏହା ଅନେକ ଯାନକୁ ଧକ୍କା ଦେବା ପରେ ବିମାନରେ ନିଆଁ ଲାଗିଯାଇଥିଲା। ଖବର ପାଇ ୬୦ରୁ ଅଧିକ ମିଆମି-ଡେଡ୍ ଅଗ୍ନିଶମ ଓ ଉଦ୍ଧାରକାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ସହ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।

ଦୁର୍ଘଟଣା ପରେ ବିମାନବନ୍ଦରର ସମସ୍ତ ରନୱେ ଓ ଟ୍ୟାକ୍ସିୱେ ବନ୍ଦ କରାଯାଇଥିବାବେଳେ ଗ୍ରାଉଣ୍ଡ ଷ୍ଟପ୍ ଜାରି କରାଯାଇଥିଲା। ଫଳରେ ବିମାନ ଚଳାଚଳ ଗୁରୁତର ଭାବେ ପ୍ରଭାବିତ ହୋଇଛି। ଦୁର୍ଘଟଣାର କାରଣ ଜଣାପଡ଼ିନଥିବାବେଳେ ଫେଡେରାଲ୍ ଏଭିଏସନ୍ ଆଡମିନିଷ୍ଟ୍ରେସନ୍ (FAA) ଘଟଣାର ତଦନ୍ତ କରୁଛି। ଜାତୀୟ ପରିବହନ ସୁରକ୍ଷା ବୋର୍ଡ (NTSB) ମଧ୍ୟ ଘଟଣା ସମ୍ପର୍କିତ ତଥ୍ୟ ସଂଗ୍ରହ କରୁଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।