ଭାରତ ଲାଗି ବଢ଼ିଲା ଟାରିଫ ବିପତ୍ତି

Sep 17, 2026 - 12:26

ନନ୍ଦିଘୋଷ ବ୍ୟୁରୋ : ଭାରତ ଲାଗି ବଢ଼ିଲା ଟାରିଫ ବିପତ୍ତି। ଆମେରିକା ପ୍ରତିନିଧି ସଭାରେ ଗୃହୀତ ହୋଇଛି ରୁଷିଆ ବିରୋଧୀ କଟକଣା ବିଲ୍। ଏହି ବିଲ୍ ଯୋଗୁ ରୁଷିଆଠାରୁ ତୈଳ କ୍ରୟ କରୁଥିବା ରାଷ୍ଟ୍ର ବିରୋଧରେ ଆମେରିକା ରାଷ୍ଟ୍ରପତି ଜାରି କରିପାରିବେ ୧୦୦ ପ୍ରତିଶତ କଟକଣା। ଏହି ନିଷ୍ପତ୍ତି ବଳରେ ଭାରତ, ଚୀନ ସମେତ ରୁଷଆଠାରୁ ତୈଳ କ୍ରୟ କରୁଥିବା ବିଭିନ୍ନ ରାଷ୍ଟ୍ର କଟକଣାର ଶିକାର ହୋଇପାରନ୍ତି। ପ୍ରତିନିଧି ସଭା ଭୋଟରେ ଡେମୋକ୍ରାଟଙ୍କ ସହ ରିପବ୍ଲିକାନ ସାଂସଦ ହାତ ମିଳାଇବା ଯୋଗୁ ଏହି ପ୍ରସ୍ତାବ ୨୬୨-୧୫୯ରେ ଗୃହୀତ ହୋଇଛି। ଦି ଲିଣ୍ଡସେ ଓ. ଗ୍ରାହମ ସାଙ୍କସନିଙ୍ଗ ରୁଷିଆ ଆଣ୍ଡ ଇରାନ ଆକ୍ଟ ଅଫ ୨୦୨୬କୁ ପୂର୍ବରୁ ସିନେଟରେ ୮୬-୧୧ଭୋଟରେ ସ୍ବୀକୃତି ମିଳିଥିଲା। ବର୍ତ୍ତମାନ ଏହି ବିଲକୁ ରାଷ୍ଟ୍ରପତିଙ୍କ ମଞ୍ଜୁରୀ ଲାଗି ପଠାଯାଇଛି। ଖୁବ୍ ଶୀଘ୍ର ଏହା ଆଇନରେ ପରିଣତ ହେବ। ଏହି ଆଇନ ଯୋଗୁ ରୁଷିଆକୁ ଆର୍ଥିକ କ୍ଷତି ସହିବାକୁ ପଡିପାରେ। ୟୁକ୍ରେନ ବିରୋଧୀ ଯୁଦ୍ଧ ଜାରି ରହିଥିବାବେଳେ ଆମେରିକାର ଏହି ଆଇନ ରୁଷିଆ ଲାଗି ଅନେକ ସଙ୍କଟ ସୃଷ୍ଟି କରିବ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।