ନିଶାସକ୍ତ ଡ୍ରାଇଭରଙ୍କ ଆତଙ୍କ, ୨ କାର୍କୁ ଧକ୍କା ପରେ ୨ ବାଇକ୍ ଘୋଷାଡ଼ିଲା SUV
ନନ୍ଦିଘୋଷ ବ୍ୟୁରୋ : ପୁଣି ରାଜଧାନୀରେ ନିଶାସକ୍ତ ଡ୍ରାଇଭରଙ୍କ ଆତଙ୍କ। ଭୋର୍ ସମୟରେ ମଞ୍ଚେଶ୍ୱର ଥାନା ଅଧୀନ ପଳାଶୁଣୀ ଛକ ନିକଟ ୧୬ ନମ୍ବର ଜାତୀୟ ରାଜପଥରେ ଘଟିଛି ଭୟଙ୍କର ଦୁର୍ଘଟଣା। ଏକ ନିଶାସକ୍ତ ଡ୍ରାଇଭରଙ୍କ SUV ପ୍ରଥମେ ଦୁଇଟି କାର୍କୁ ଧକ୍କା ଦେବା ପରେ ଦୁଇଟି ବାଇକ୍କୁ ଘୋଷାଡ଼ି ନେଇଥିଲା।
ଦୁର୍ଘଟଣା ପରେ ଡ୍ରାଇଭର ଜଣକ ବସ୍ରେ ଚଢ଼ି ଫେରାର ହେବାକୁ ଉଦ୍ୟମ କରିଥିଲେ। ତେବେ ସ୍ଥାନୀୟ ଲୋକେ ତାଙ୍କୁ କାବୁ କରିଥିଲେ। ଖବର ପାଇ ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଡ୍ରାଇଭରଙ୍କୁ ଅଟକ ରଖି ପଚରାଉଚରା କରୁଛି ଏହି ଦୁର୍ଘଟଣାରେ ୩ ଜଣ ଆହତ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି। ଗୁରୁତରଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଗୁରୁତର ଆହତ ଜଣକ ଭଦ୍ରକ ଜିଲ୍ଲା ଆରଡ଼ି ଅଞ୍ଚଳର କମଳାକାନ୍ତ ପାଢ଼ୀ ବୋଲି ଜଣାପଡ଼ିଛି। କମଳାକାନ୍ତଙ୍କ ଭାଇଙ୍କ କହିବା ଅନୁସାରେ, ଜଗା ଦର୍ଶନ ପାଇଁ ସେମାନେ ଆରଡ଼ିରୁ ପୁରୀ ଯାଉଥିଲେ। ପଳାଶୁଣୀ ଛକ ନିକଟରେ କାର୍ ରଖି ପାଣି ପିଉଥିବା ସମୟରେ ନିଶାସକ୍ତ SUV ଡ୍ରାଇଭର ତାଙ୍କ କାର୍କୁ ଧକ୍କା ଦେଇଥିଲେ। ଘଟଣାକୁ ନେଇ ପୋଲିସ ତଦନ୍ତ ଜାରି ରଖିଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
Odisha Press & Media
Learn Data Science & Analytics at IAIAC.IN
Learn in-demand data skills with hands-on projects and mentor support.
/sambad/media/media_files/2026/08/21/sfhsffsfhfhs-2026-08-21-02-22-21.jpg)
/sambad/media/media_files/2026/08/10/adgdagadggd-2026-08-10-01-17-24.jpg)
/sambad/media/media_files/2026/08/10/elephant-2026-08-10-01-13-06.jpg)
