VRS ନେବେ ଆର୍ ଏସ୍ ଗୋପାଳନ୍ ! ଏଥିପାଇଁ କରିଛନ୍ତି ଆବେଦନ

Oct 01, 2026 - 11:57

VRS ନେବେ ଆର୍ ଏସ୍ ଗୋପାଳନ୍ ! ଏଥିପାଇଁ କରିଛନ୍ତି ଆବେଦନ

ନନ୍ଦିଘୋଷ ବ୍ୟୁରୋ : ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ ଆର୍ ଏସ୍ ଗୋପଳନ ଭିଆରଏସ ପାଇଁ ଆବେଦନ କରିଥିବା ଜଣାପଡ଼ିଛି। ୨୦୦୫ ବ୍ୟାଚର ଆଇଏଏସ ଅଧିକାରୀ ତଥା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଗୋପାଳନ ଚାକିରିରୁ ସ୍ୱେଚ୍ଛାକୃତ ଅବସର ପାଇଁ ଆବେଦନ କରିଛନ୍ତି। ଆବେଦନପତ୍ର ମୁଖ୍ୟ ଶାସନ ସଚିବଙ୍କୁ ପ୍ରଦାନ କରିଥିବା ସୂଚନା ମିଳିଛି। ତାଙ୍କ ଭିଆରଏସ ଆବେଦନକୁ ନେଇ ସରକାରୀ ମହଲରେ ବହୁତ ଚର୍ଚ୍ଚା ହେଲାଣି। କାହିଁକି ହଠାତ ଜଣେ ବରିଷ୍ଠ ଆଇଏଏସ ଅଧିକାରୀ ସରକାରୀ ଚାକିରିରୁ ସ୍ୱେଚ୍ଛାକୃତ ଅବସର ପାଇଁ ଆବେଦନ କରିଛନ୍ତି ବୋଲି ପ୍ରଶ୍ନ ଉଠିଛି। ତାମିଲନାଡୁର ମୂଳ ବାସିନ୍ଦା ଆର ଏସ ଗୋପାଳନ ଓଡ଼ିଶା କ୍ୟାଡରରେ ଆଇଏଏସ ଅଧିକାରୀ। ସେ ୨୦୨୬ ଜୁଲାଇ ମାସରେ ଚାକିରିରୁ ଅବସର ନେଇଥାନ୍ତେ। ଆହୁରି ୧୧ ମାସ ତାଙ୍କ ଚାକିରି ସମୟ ଥିଲା। ଏବେ ଦୁଇଟି ଗୁରୁତ୍ୱପୂର୍ଣ୍ଣ ଦାୟିତ୍ୱ ସେ ତୁଲାଉଛନ୍ତି। ମୁଖ୍ୟ ନିର୍ବାଚନ ଅଧିକାରୀ ଭାବେ କାର୍ଯ୍ୟ କରିବା ସହ ଅତିରିକ୍ତ ଦାୟିତ୍ୱ ଅବକାରୀ ସଚିବ ଦାୟିତ୍ୱରେ ଅଛନ୍ତି। ରାଜ୍ୟରେ ଏସ୍‌ଆଇଆର ପ୍ରକ୍ରିୟାକୁ ନେଇ ବିତର୍କ ଚାଲିଥିଲା ବେଳେ ମୁଖ୍ୟ ନିର୍ବାଚନ ଅଧିକାରୀ ନିଜେ ସ୍ୱେଚ୍ଛାକୃତ ଅବସର ପାଇଁ ଆବେଦନ କରିବା ଘଟଣା ଆଲୋଚନାର ବିଷୟ ହୋଇଛି। …

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।