୬୫ ଲକ୍ଷରୁ ଅଧିକ ଟଙ୍କାର ହେରଫେର ଅଭିଯୋଗ: ବନ୍ଧା ହେଲେ ବରିଷ୍ଠ କିରାଣି

Oct 18, 2026 - 13:46

୬୫ ଲକ୍ଷରୁ ଅଧିକ ଟଙ୍କାର ହେରଫେର ଅଭିଯୋଗ: ବନ୍ଧା ହେଲେ ବରିଷ୍ଠ କିରାଣି

ନନ୍ଦିଘୋଷ ବ୍ୟୁରୋ: ନନ୍ଦିଘୋଷ ଟିଭିର ମହାପ୍ରଭାବ। ଖବର ପ୍ରସାରଣ ପରେ ଆକ୍ସନ୍ ମୋଡରେ ଭିଜିଲାନ୍ସ । ୬୫ ଲକ୍ଷ ଟଙ୍କାରୁ ଅଧିକ ଅର୍ଥ ଅପବ୍ୟବହାର ଅଭିଯୋଗରେ ଶେଷରେ ବନ୍ଧା ହେଲେ ଜଙ୍ଗଲ ବିଭାଗର ବାବୁ।

ସୂଚନା ଅନୁଯାୟୀ, ଢେଙ୍କାନାଳ ଡିଭିଜନାଲ ଫରେଷ୍ଟ ଅଫିସରଙ୍କ କାର୍ଯ୍ୟାଳୟରେ ବରିଷ୍ଠ କିରାଣି ଭାବେ କାର୍ଯ୍ୟରତ ଥିବା ସୁଜିତ ଜେନାଙ୍କ ନାଁରେ ଦରମା, ପେନସନ୍, ଏରିଅର୍ ଠାରୁ ଆରମ୍ଭ କରି ବିଭିନ୍ନ ସରକାରୀ ଯୋଜନାର ଟଙ୍କା ହେରଫେର କରିଥିବା ନେଇ ସାଘାଂତିକ ଅଭିଯୋଗ ହୋଇଥିଲା । ସେ ପ୍ରାୟ ୩୭ ଲକ୍ଷ ୮୩ ହଜାର ୧୯୪ ଟଙ୍କାର ଅପବ୍ୟବହାର କରିଥିବା ନେଇ ଅଭିଯୋଗ ହୋଇଥିଲା । ଏହି ମାମଲାରେ ଆଉ ଦୁଇ ଜଣଙ୍କୁ ମଧ୍ୟ ଗିରଫ କରାଯାଇଛି । ଗିରଫ ଦୁଇ ଜଣ ହେଲେ ସୌମ୍ୟ ରଞ୍ଜନ ବେହେରା ଓ ରଶ୍ମି ରଞ୍ଜନ ସ୍ୱାଇଁ । ସୌମ୍ୟ ରଞ୍ଜନଙ୍କ ନାଁରେ ୧୦ ଲକ୍ଷ ୪୮ ହଜାର ୮୬୬ ଟଙ୍କା ଓ ରଶ୍ମି ରଞ୍ଜନ ସ୍ୱାଇଁଙ୍କ ନାଁରେ ୮ ଲକ୍ଷ ୮୬ ହଜାର ୧୯୩ ଟଙ୍କାର ଅପବ୍ୟବହାର ନେଇ ଅଭିଯୋଗ ହୋଇଥିଲା।

ଅନ୍ୟପଟେ, ସୁଜିତଙ୍କ ମାଆ ସତ୍ୟଭାମା ଜେନାଙ୍କ ନାଁରେ ମଧ୍ୟ ୮ ଲକ୍ଷ ୭୨ ହଜାର ୫୨୦ ଟଙ୍କାର ଅପବ୍ୟବହାର ଅଭିଯୋଗରେ ଦର୍ଶାଯାଇଛି। ଟଙ୍କା ଚଳୁ କରି ଫେରାର ଅଭିଯୋଗର ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ଆକ୍ସନ ନେଇଛି ଭିଜିଲାନ୍ସ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।