video viral: ବିବାହ ଫଟୋସୁଟ୍ ବେଳେ ଅଘଟଣ! କନ୍ୟାଙ୍କୁ ଟାଣିନେଲା ବେଲୁନ୍

ଇସ୍ତାନବୁଲ୍: ବିବାହ ର ଫଟୋ ସାରା ଜୀବନ ପାଇଁ ଏକ ସୁନ୍ଦର ସ୍ମୃତି ହୋଇ ରହିଥାଏ।

ଏହାକୁ ଆହୁରି ସ୍ୱତନ୍ତ୍ର କରିବା ପାଇଁ ଲୋକେ ଭିନ୍ନ ଭିନ୍ନ ସ୍ଥାନ, ଆକର୍ଷଣୀୟ ସାଜସଜ୍ଜା ଏବଂ ନିଆରା ଫଟୋସୁଟ୍‌ର ସାହାଯ୍ୟ ନେଇଥାନ୍ତି।

କେହି ପାହାଡ଼ ମଧ୍ୟରେ ଫଟୋ ଉଠାଇବାକୁ ପସନ୍ଦ କରନ୍ତି ତ ଆଉ କେହି ସମୁଦ୍ର କୂଳର ସୁନ୍ଦର ପରିବେଶକୁ ନିଜର ବିଶେଷ ମୁହୂର୍ତ୍ତରେ ସାମିଲ କରିବାକୁ ଚାହାନ୍ତି।

Advertisment ନିକଟରେ ଏକ ଫଟୋସୁଟ୍‌ ସମୟରେ ଏଭଳି ଏକ ଘଟଣା ଘଟିଛି, ଯାହାକୁ ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ।

ସୋସିଆଲ ମିଡିଆରେ ତୁର୍କୀର ଇସ୍ତାନବୁଲ୍‌ରେ ଜଣେ କନ୍ୟାଙ୍କ ଫଟୋସୁଟ୍‌ର ଏକ ଭିଡିଓ ଭାଇରାଲ୍ ହେଉଛି।

ଏଥିରେ ପ୍ରବଳ ପବନ ଯୋଗୁଁ କନ୍ୟାଙ୍କ ହାତରେ ଥିବା ବଡ଼ ବଡ଼ ବେଲୁନ୍ ତାଙ୍କୁ ଟାଣିବାକୁ ଲାଗିଥିଲା।

କିଛି ସମୟ ପାଇଁ ତାଙ୍କର ସନ୍ତୁଳନ ବିଗିଡ଼ି ଯାଇଥିଲା।

ବେଲୁନ ନବବଧୂଙ୍କୁ ଉଡ଼ାଇ ନେଉଥିଲା।

ତେବେ ଫଟୋଗ୍ରାଫରଙ୍କ ଉପସ୍ଥିତ ବୁଦ୍ଧି ଯୋଗୁଁ ଏକ ବଡ଼ ଅଘଟଣ ଟଳିଯାଇଥିଲା।

ସମୁଦ୍ର କୂଳରେ ଚାଲିଥିଲା ଫଟୋସୁଟ୍‌ ଏହି ଘଟଣା ୨୦୨୬ ଅକ୍ଟୋବର ୨୬ରେ ତୁର୍କୀର ଇସ୍ତାନବୁଲ୍‌ର ବସ୍‌ଫୋରସ୍‌ ପ୍ରଣାଳୀ ନିକଟରେ ଘଟିଥିବା କୁହାଯାଉଛି।

ଜଣେ କନ୍ୟା ନିଜ ବିବାହ ସମ୍ପର୍କିତ ଫଟୋ ଉଠାଉଥିଲେ।

ଏଥିପାଇଁ ସମୁଦ୍ର ଏବଂ ଏହାର ଆଖପାଖର ସୁନ୍ଦର ପରିବେଶକୁ ସ୍ଥାନ ଭାବେ ବଛାଯାଇଥିଲା।

ଫଟୋକୁ ଆକର୍ଷଣୀୟ କରିବା ପାଇଁ କନ୍ୟାଙ୍କ ହାତରେ ବଡ଼ ବଡ଼ ବେଜ୍ ରଙ୍ଗର ବେଲୁନ୍‌ର ଏକ ଗୁଚ୍ଛ ଦିଆଯାଇଥିଲା।

ଆରମ୍ଭରେ ସବୁକିଛି ସ୍ୱାଭାବିକ ଥିଲା।

କନ୍ୟା କ୍ୟାମେରା ସାମ୍ନାରେ ପୋଜ୍ ଦେଉଥିବା ବେଳେ ଫଟୋଗ୍ରାଫର ବିଭିନ୍ନ ଆଙ୍ଗଲ୍‌ରୁ ଫଟୋ ଉଠାଉଥିଲେ।

କିନ୍ତୁ ସମୁଦ୍ର ଆଡ଼ୁ ହଠାତ୍ ଜୋରରେ ପବନ ବହିବାରୁ ପରିସ୍ଥିତି ବଦଳିଯାଇଥିଲା। İstanbul Boğazı kenarında, elindeki çok sayıda dekoratif balonun etkisiyle sürüklenen bir gelin, fotoğraf çekimi sırasında zor anlar yaşadı.

Balonların gelini sürüklemesi nedeniyle çekim bir türlü gerçekleştirilemedi. pic.twitter.com/BOvbWd5nB6 — Anbean (@anbeanews) October 28, 2026 ପବନର ଚାପରେ ବିଗିଡ଼ିଗଲା ସନ୍ତୁଳନ ବେଲୁନ୍‌ଗୁଡ଼ିକର ଆକାର ବହୁତ ବଡ଼ ଥିଲା।

ପବନର ଜୋରଦାର ଝଟକା ଲାଗିବା ମାତ୍ରେ ସେଗୁଡ଼ିକ ଗୋଟିଏ ଦିଗକୁ ଟାଣି ହୋଇଯାଇଥିଲା।

କନ୍ୟା ନିଜ ହାତରେ ବେଲୁନ୍‌ଗୁଡ଼ିକୁ ଧରିଥିବାରୁ ପବନର ଚାପ ତାଙ୍କ ଶରୀର ଉପରେ ମଧ୍ୟ ପଡ଼ିଥିଲା।

ସେ ନିଜକୁ ସମ୍ଭାଳିବାକୁ ଚେଷ୍ଟା କରୁଥିଲେ ମଧ୍ୟ ବେଲୁନ୍‌ର ଟାଣ ଯୋଗୁଁ ସିଧା ଠିଆ ହେବା କଷ୍ଟକର ହୋଇପଡ଼ିଥିଲା।

ସେ ପଛକୁ ପାଦ ବଢ଼ାଇ ନିଜର ସନ୍ତୁଳନ ରକ୍ଷା କରିବାକୁ ଚେଷ୍ଟା କରିଥିଲେ।

କିଛି ସମୟ ମଧ୍ୟରେ ସ୍ଥିତି ଏପରି ହୋଇଥିଲା ଯେ ସେ ବେଲୁନ୍‌ ସହିତ ସମୁଦ୍ର କୂଳରେ ଥିବା କାନ୍ଥ ଆଡ଼କୁ ସେ ଟାଣି ହୋଇଯାଉଥିଲେ।

ଭିଡିଓରୁ ଲାଗୁଛି ଯେ ପବନର ଚାପ ତାଙ୍କୁ ଭୂମିରୁ ଉପରକୁ ଉଠାଇ ଦେଇପାରିଥାନ୍ତା।

ପରିସ୍ଥିତି ବିଗିଡ଼ୁଥିବା ଦେଖି ଫଟୋଗ୍ରାଫର ତୁରନ୍ତ କନ୍ୟାଙ୍କ ପାଖକୁ ଦୌଡ଼ି ଯାଇଥିଲେ।

ସେ କନ୍ୟାଙ୍କୁ ଧରି ପକାଇବାରୁ ସେ ପାଖରେ ଥିବା କାନ୍ଥରେ ପିଟି ହେବାରୁ ବର୍ତ୍ତି ଯାଇଥିଲେ।

ଯଦି ଠିକ୍ ସମୟରେ ଫଟୋଗ୍ରାଫର ତାଙ୍କୁ ସାହାଯ୍ୟ କରି ନଥାନ୍ତେ, ତେବେ ସେ ପଡ଼ିଯାଇ ଆହତ ହୋଇପାରିଥାନ୍ତେ।

ତେବେ ଖୁସିର କଥା ହେଉଛି, ପ୍ରାରମ୍ଭିକ ଭୟ ପରେ ଫଟୋସୁଟ୍‌ ଅନ୍ୟ କୌଣସି ସମସ୍ୟା ବିନା ସମ୍ପୂର୍ଣ୍ଣ ହୋଇଥିଲା।

କନ୍ୟାଙ୍କର ମଧ୍ୟ କୌଣସି ଆଘାତ ଲାଗି ନଥିଲା।

ଋଣ ଖିଲାପୀଙ୍କ ଘରେ ତାଲା!

୭ ଡିସିମିଲ ଜମି ସହ କୋଠାଘର ସିଲ୍ କଲା ଏନଫୋର୍ସମେଣ୍ଟ ଟିମ୍