RJD: ବିହାରରେ ଛାତ୍ରମାନଙ୍କ ସମର୍ଥନରେ ଆର୍‌ଜେଡିର ପ୍ରଦର୍ଶନ

"ପାଟନା: ବିହାରର ସିୱାନରେ ଛାତ୍ର ଆନ୍ଦୋଳନ ସମୟରେ ଏକେ-୪୭ ରୁ ଗୁଳିଚାଳନା ପ୍ରସଙ୍ଗକୁ ନେଇ ତେଜସ୍ବୀ ଯାଦବଙ୍କ ନେତୃତ୍ବରେ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ବୁଧବାର ରାସ୍ତାକୁ ଓହ୍ଲାଇଛି।

ଆର୍‌ଜେଡି ପାଟନାର ଜେପି ଗୋଲମ୍ବରରୁ ଲୋକଭବନ ପର୍ଯ୍ୟନ୍ତ ମାର୍ଚ୍ଚ କରିଥିଲେ।

ଆର୍‌‌ଜେଡି କର୍ମୀଙ୍କୁ ରାସ୍ତାରୁ ହଟେଇବାକୁ ପୁଲିସ ଅନେକ ସ୍ଥାନରେ ବ୍ୟାରିକେଡ କରିଥିଲା।

କିନ୍ତୁ ଆର୍‌ଜେଡି କର୍ମୀ ପୁଲିସ ବ୍ୟାରିକେଡ ଭାଙ୍ଗି ଆଗକୁ ବଢ଼ିଥିଲେ।

କେତେକ କର୍ମକର୍ତ୍ତା ରାସ୍ତା ଉପରେ ଶୋଇପଡ଼ିଥିଲେ।

ପୁଲିସ ପ୍ରଦର୍ଶନକାରୀଙ୍କୁ ଘଉଡ଼େଇବାକୁ ପାଣି ତୋପ ମାଡ଼ କରିଥିଲା।Advertisment ଆହୁରି ପଢନ୍ତୁ :MMDR Amendment Bill: ୨୦୨୪ରେ ଆମେ ୫୦ ହଜାର କୋଟି ଟଙ୍କାର ବଳକା ରାଜସ୍ୱ ଛାଡ଼ି ଯାଇଥିଲୁ: ନବୀନ ବିହାର ବିଧାନସଭାରେ ବିରୋଧୀ ଦଳ ନେତା ତେଜସ୍ୱୀ ଯାଦବ ବ୍ୟାରିକେଡ ଭାଙ୍ଗି ଆଗକୁ ବଢ଼ିଥିଲେ।

ଅପରାହ୍ଣରେ ପୁଲିସ ତେଜସ୍ବୀ, ମିସା ଭାରତୀଙ୍କ ସମେତ ଅନେକ ଆର୍‌ଜେଡି କର୍ମୀଙ୍କୁ ଅଟକ ରଖିଛି।

ପୁଲିସ ତେଜସ୍ବୀଙ୍କୁ ସଚିବାଳୟ ପୁଲିସ ଷ୍ଟେସନକୁ ନେଇଯାଇଛି।

ସିୱାନରେ ଛାତ୍ରଙ୍କ ପ୍ରତିବାଦ ସମୟରେ ଏକେ-୪୭ ରାଇଫଲ୍ ବ୍ୟବହାରକୁ ନେଇ ବିବାଦର ପୃଷ୍ଠଭୂମିରେ ଏହି ଶୋଭାଯାତ୍ରା କରାଯାଇଛି।

ବିହାର ସରକାର ସୁପ୍ରିମକୋର୍ଟକୁ କହିଛନ୍ତି ଯେ, ଭିଡ଼ରେ ଫସିଯିବା ପରେ ଜଣେ ପୁଲିସ କନଷ୍ଟେବଳ ଏକ ଏକେ-୪୭ ରୁ ଆକାଶକୁ ଚାରି ରାଉଣ୍ଡ ଗୁଳି ଚଳାଇଥିଲେ।

ସରକାର କହିଛନ୍ତି ଯେ, ଗୁଳିଚାଳନା ସମୟରେ କୌଣସି ପ୍ରଦର୍ଶନକାରୀ ଆହତ ହୋଇନାହାନ୍ତି ଓ କନଷ୍ଟେବଳଙ୍କୁ ନିଲମ୍ବିତ କରାଯାଇଛି।

ଆହୁରି ପଢନ୍ତୁ :Constable training: ବେଆଇନ ନିଶା କାରବାର ରୋକିବା ଦିଗରେ ଅବକାରୀ ବିଭାଗର ଭୂମିକା ଗୁରୁତ୍ୱପୂର୍ଣ୍ଣ: ମନ୍ତ୍ରୀ  ମାର୍ଚ୍ଚରେ ଅଂଶଗ୍ରହଣ କରିଥିବା ଆର୍‌ଜେଡି ସାଂସଦ ମୀସା ଭାରତୀ ସିୱାନରେ ଛାତ୍ର ପ୍ରତିବାଦ ସମୟରେ ଏକେ-୪୭ ବ୍ୟବହାର ହୋଇଥିବା ରିପୋର୍ଟ ଉପରେ ପ୍ରଶ୍ନ ଉଠାଇଥିଲେ।

ସେ ଅଭିଯୋଗ କରିଥିଲେ ଯେ ବିହାର ସରକାର ଛାତ୍ରମାନଙ୍କ ଭବିଷ୍ୟତକୁ ହତ୍ୟା କରୁଛନ୍ତି।

ପଦଯାତ୍ରାରେ ଯୋଗ ଦେଇଥିବା ଆର୍‌ଜେଡି ସାଂସଦ ମନୋଜ ଝା କହିଛନ୍ତି ଯେ, ସାରା ଦେଶରେ ବିଶେଷକରି ବିହାରରେ, ଛାତ୍ର ଓ ଯୁବକମାନେ ବାରମ୍ବାର ପ୍ରଶ୍ନପତ୍ର ଲିକ୍ ଓ ବେକାରୀକୁ ନେଇ କ୍ରୋଧିତ।

ସେମାନେ ଭାଷଣବାଜି ନୁହେଁ, ସମାଧାନ ଚାହୁଛନ୍ତି।

ଆର୍‌ଜେଡି ବିଧାୟକ ଆଲୋକ କୁମାର ମେହେଟା କହିଛନ୍ତି ଯେ, ତାଙ୍କ ଦଳ ଛାତ୍ର ଓ ଯୁବକମାନଙ୍କ ସହିତ ମିଶି ରାଜ୍ୟପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିବାକୁ ଏହି ଯାତ୍ରା କରିଛନ୍ତି।

ଏହା ପ୍ରଶ୍ନପତ୍ର ଲିକ୍‌କୁ ନେଇ ସେମାନଙ୍କର ଚିନ୍ତାକୁ ଉଜାଗର କରୁଛି।

"