Malaika Arora: ମଲାଇକାଙ୍କୁ ବିବାହ ପ୍ରସ୍ତାବ ଦେଲେ ମିକା ସିଂ, କହିଲେ ‘ମୋଠାରୁ ଧନୀ ବର ମିଳିବନି’

ମୁମ୍ବାଇ: ବଲିଉଡ୍ ଅଭିନେତ୍ରୀ ମଲାଇକା ଆରୋରା ଓ ପ୍ରସିଦ୍ଧ ଗାୟକ ମିକା ସିଂ ଙ୍କୁ ନେଇ ଏବେ ଚର୍ଚ୍ଚା ଜୋର୍ ଧରିଛି।

ଏକ ଆୱାର୍ଡ ଶୋ'ରେ ଉଭୟ ଷ୍ଟେଜ୍‌ରେ ଏକାଠି ହେବା ପରେ ମିକା ମଜାଳିଆ ଢଙ୍ଗରେ ମଲାଇକାଙ୍କୁ ବିବାହ ପ୍ରସ୍ତାବ ଦେଇଥିଲେ।

ଏହି ସମୟରେ ଉଭୟଙ୍କ ମଧ୍ୟରେ ହୋଇଥିବା ମଜାମସ୍ତିର ଭିଡିଓ ସୋସିଆଲ ମିଡିଆ ରେ ଚର୍ଚ୍ଚାର ବିଷୟ ପାଲଟିଛି।

Advertisment ଆୱାର୍ଡ ଶୋ'ରେ ମଲାଇକାଙ୍କୁ ଦେଖିବା ପରେ ମିକା ଲୋକପ୍ରିୟ ଗୀତ 'ମୁଝସେ ଶାଦି କରୋଗି' ଗାଇବା ଆରମ୍ଭ କରିଥିଲେ।

ଗୀତ ଗାଇ ଗାଇ ସେ ମଲାଇକାଙ୍କୁ ବିବାହ ପ୍ରସ୍ତାବ ଦେବା ଭଳି ଅଭିନୟ କରିଥିଲେ।

ଅନ୍ୟପଟେ ମଲାଇକା ହସି ହସି ମୁଣ୍ଡ ହଲାଇ ମନା କରୁଥିବାର ନଜର ଆସିଥିଲେ।

ଏହି ଦୃଶ୍ୟ ଦେଖି ସେଠାରେ ଉପସ୍ଥିତ ଦର୍ଶକମାନେ ମଧ୍ୟ ଖୁବ୍ ମଜା ନେଇଥିଲେ।

ମିକାଙ୍କ ଆତ୍ମବିଶ୍ୱାସକୁ ପ୍ରଶଂସା ମିକା ଏତିକିରେ ଅଟକି ନଥିଲେ।

ସେ ମଲାଇକାଙ୍କୁ ମଜାଳିଆ ଢଙ୍ଗରେ କହିଥିଲେ ଯେ, ତାଙ୍କଠାରୁ ଅଧିକ ଧନୀ ବ୍ୟକ୍ତି ମଲାଇକାଙ୍କୁ ମିଳିବେ ନାହିଁ।

ଏପରିକି ଉପସ୍ଥିତ ଅନ୍ୟ ଲୋକଙ୍କୁ ମଧ୍ୟ ସେ ମଜା କରି ଗରିବ ବୋଲି କହିଥିଲେ।

ମିକାଙ୍କ ଏହି କଥା ଶୁଣି ମଲାଇକା ହସି ହସି ତାଙ୍କୁ ଆଲିଙ୍ଗନ କରିଥିଲେ।

ପରେ ମିକା ଦର୍ଶକଙ୍କୁ ମଲାଇକାଙ୍କ ପାଇଁ ଜୋରଦାର ତାଳି ମାରିବାକୁ ମଧ୍ୟ କହିଥିଲେ।

ଭାଇରାଲ ହେଉଛି ଭିଡିଓ ଏହି ଭିଡିଓ ସାମ୍ନାକୁ ଆସିବା ପରେ ପ୍ରଶଂସକମାନେ ବିଭିନ୍ନ ମଜାଦାର ପ୍ରତିକ୍ରିୟା ଦେଉଛନ୍ତି।

କେହି ମିକାଙ୍କ ଆତ୍ମବିଶ୍ୱାସକୁ ପ୍ରଶଂସା କରୁଥିବା ବେଳେ ଆଉ କେହି ମଲାଇକାଙ୍କୁ ବିବାହ କରିନେବାକୁ ପରାମର୍ଶ ଦେଇ ମଜା କରିଛନ୍ତି।

କିଛି ପ୍ରଶଂସକ ଉଭୟଙ୍କ ଷ୍ଟେଜ୍‌ରେ ଥିବା ମଜାଦାର କେମିଷ୍ଟ୍ରିକୁ ମଧ୍ୟ ପସନ୍ଦ କରିଛନ୍ତି।

ତେବେ ଏହାକୁ ଏକ ମଜାମସ୍ତିର ମୁହୂର୍ତ୍ତ ଭାବେ ଦେଖାଯାଉଛି; ପ୍ରକୃତ ବିବାହ ପ୍ରସ୍ତାବ ସମ୍ପର୍କରେ କୌଣସି ଘୋଷଣା ହୋଇନାହିଁ।

ଇଣ୍ଡିଆ ବୁକ୍ ଅଫ୍ ରେକର୍ଡସ୍‌ରେ ଲେଖାଇଲା ନାମ ବ୍ୟକ୍ତିଗତ ଜୀବନ କଥା କହିବାକୁ ଗଲେ, ମିକା ସିଂ ନିଜର ଗାୟକୀ ପାଇଁ ପଞ୍ଜାବୀ ଓ ବଲିଉଡ୍ ସଙ୍ଗୀତ ଜଗତରେ ବେଶ୍ ପରିଚିତ।

ଅନ୍ୟପଟେ ମଲାଇକା ଆରୋରା ରିଅଲିଟି ଶୋ', ଫ୍ୟାଶନ୍ ଓ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମରେ ସକ୍ରିୟ ଅଛନ୍ତି।

ଆୱାର୍ଡ ଶୋ'ରେ ଉଭୟଙ୍କ ଏହି ହାସ୍ୟରସପୂର୍ଣ୍ଣ ମୁହୂର୍ତ୍ତ ଏବେ ପ୍ରଶଂସକଙ୍କ ମଧ୍ୟରେ ଚର୍ଚ୍ଚା ବଢ଼ାଇଛି।