Gujarat Police: ଗୁଜରାଟରେ ଧରାପଡ଼ିଲେ ୟୁପିର ୩ ଲୁଟେରା, ୭୪.୭୫ ଲକ୍ଷ ଟଙ୍କାର ସମ୍ପତ୍ତି ଜବତ

ଅହମ୍ମଦାବାଦ: ଉତ୍ତରପ୍ରଦେଶ ରେ ଲୁଟ୍‌ କରି ଗୁଜରାଟ ଦେଇ ଖସିଯିବାକୁ ଉଦ୍ୟମ କରୁଥିବା ଏକ ଆନ୍ତଃରାଜ୍ୟ ଲୁଟେରା ଦଳର ୩ ଜଣଙ୍କୁ ଗୁଜରାଟ ପୁଲିସ ଗିରଫ କରିଛି।

ସେମାନଙ୍କଠାରୁ ୬୪ ଲକ୍ଷ ଟଙ୍କା ନଗଦ, ୫ଟି ମୋବାଇଲ୍‌ ଫୋନ୍‌ ଓ ଏକ କାର୍‌ ଜବତ କରାଯାଇଛି।

ଜବତ ସମ୍ପତ୍ତିର ମୋଟ ମୂଲ୍ୟ ୭୪.୭୫ ଲକ୍ଷ ଟଙ୍କା ହେବ।

ଗୁଜରାଟର ପାଟଣ ଜିଲ୍ଲା ପୁଲିସର ସ୍ଥାନୀୟ ଅପରାଧ ଶାଖା (ଏଲ୍‌ସିବି) ପାଟଣ-ସିଦ୍ଧପୁର ରାଜପଥରେ ଏହି ଚଢ଼ଉ କରିଛି।

Advertisment ପୁଲିସ ସୂଚନା ଅନୁସାରେ, ଉତ୍ତରପ୍ରଦେଶର ଲକ୍ଷ୍ନୌସ୍ଥିତ ଆଶିୟାନା ଥାନା ଅଞ୍ଚଳରୁ ଅକ୍ଟୋବର ୨୩ ତାରିଖରେ ୬୪ ଲକ୍ଷ ଟଙ୍କା ଲୁଟ୍‌ ହୋଇଥିଲା।

ଏହି ଘଟଣାରେ ସମ୍ପୃକ୍ତ ଅଭିଯୁକ୍ତମାନେ ଗୁଜରାଟ ଆଡ଼କୁ ଖସିଯାଇଥିବା ସୂଚନା ପାଇ ପାଟଣ ଏଲ୍‌ସିବି ତଦନ୍ତ ଆରମ୍ଭ କରିଥିଲା।

ଏହାପରେ ରୁଷିକ ନଗର ନିକଟ ପାଟଣ-ସିଦ୍ଧପୁର ରାଜପଥରେ ପୁଲିସ ଘେରାବନ୍ଦୀ କରିଥିଲା।

ସନ୍ଦେହଜନକ ଭାବେ ଯାଉଥିବା ଏକ କାର୍‌କୁ ଅଟକାଇ ଯାଞ୍ଚ କରିବାରୁ ସେଥିରୁ ୫୦୦ ଟଙ୍କିଆ ନୋଟ୍‌ର ୧୨୮ଟି ବଣ୍ଡଲ୍‌ରେ ଥିବା ୬୪ ଲକ୍ଷ ଟଙ୍କା ମିଳିଥିଲା।

ଏହା ସହ ୭୫ ହଜାର ଟଙ୍କା ମୂଲ୍ୟର ୫ଟି ମୋବାଇଲ୍‌ ଫୋନ୍‌ ଓ ପ୍ରାୟ ୧୦ ଲକ୍ଷ ଟଙ୍କା ମୂଲ୍ୟର କାର୍‌ ଜବତ ହୋଇଥିଲା।

୫ ସହଯୋଗୀଙ୍କୁ ଖୋଜୁଛି ପୁଲିସ ଗିରଫ ତିନି ଅଭିଯୁକ୍ତ ହେଲେ ଦବେ ୟଶକୁମାର, ପ୍ରଜ୍ଞେଶକୁମାର ଓ ପଟେଲ ଜୟକୁମାର।

ସେମାନଙ୍କ ବିରୋଧରେ ଲକ୍ଷ୍ନୌର ଆଶିୟାନା ଥାନାରେ ପୂର୍ବରୁ ଲୁଟ୍‌ ମାମଲା ରୁଜୁ ହୋଇଥିବା ଯାଞ୍ଚରୁ ଜଣାପଡ଼ିଥିଲା।

ପାଟଣ ପୁଲିସ ଭାରତୀୟ ନାଗରିକ ସୁରକ୍ଷା ସଂହିତା, ୨୦୨୩ ଅନୁସାରେ ଜବତ ସମ୍ପତ୍ତିକୁ ନିଜ ହେପାଜତକୁ ନେଇ ଅଭିଯୁକ୍ତମାନଙ୍କୁ ଗିରଫ କରି ପାଟଣ ସହରର ବି ଡିଭିଜନ୍‌ ଥାନାକୁ ହସ୍ତାନ୍ତର କରିଛି।

ପଚରାଉଚରା ସମୟରେ ଅଭିଯୁକ୍ତମାନେ ଉତ୍ତରପ୍ରଦେଶରେ ଆଉ ଦୁଇଟି ଲୁଟ୍‌ ଘଟଣାରେ ସମ୍ପୃକ୍ତ ଥିବା ସୂଚନା ମିଳିଛି।

ଏହି ଦଳର ଆଉ ୫ ଜଣ ସଦସ୍ୟ ଚିରାଗ, କଲ୍ଲୁ, ସତ୍ୟମ୍, ରାହୁଲ ଓ ଫୁକ୍କି ଯାଦବ ଫେରାର ଅଛନ୍ତି।

ସେମାନଙ୍କୁ ଧରିବା ପାଇଁ ଗୁଜରାଟ ପୁଲିସ ତଲାସି ଜାରି ରଖିଛି।

ଏହି ଗିରଫଦାରି ପରେ ଦଳର ଅନ୍ୟ ସଦସ୍ୟ, ଲୁଟ୍‌ର ଯୋଜନା ଓ ଅନ୍ୟ ଅପରାଧରେ ସେମାନଙ୍କ ସମ୍ପୃକ୍ତି ସମ୍ପର୍କରେ ଅଧିକ ତଦନ୍ତ ଚାଲିଛି।

ରାମନଗରୀରେ ଜଳିବ ୩୦ ଲକ୍ଷ ଦୀପ, ରାମାୟଣର ସାତ କାଣ୍ଡ ଉପସ୍ଥାପନ କରିବେ ୧୦୦୦ କଳାକାର