Google Maps: କିଏ ଦିଏ ଖବର? ରାସ୍ତାରେ ଭିଡ଼ ଅଛି କେମିତି ଜାଣିପାରେ ଗୁଗୁଲ ମ୍ୟାପ

ଭୁବନେଶ୍ୱର: ଆଜିର ଦିନରେ କୌଣସି ଅଜଣା ସ୍ଥାନକୁ ଯିବା ପାଇଁ କିମ୍ବା ଦୈନନ୍ଦିନ ଯାତାୟାତରେ ସବୁଠାରୁ ବଡ଼ ସାଥୀ ପାଲଟିଛି ' ଗୁଗଲ ମ୍ୟାପ୍ ' ।

କିନ୍ତୁ ଆପଣ କେବେ ଚିନ୍ତା କରିଛନ୍ତି କି, ଘରୁ ବାହାରିବା ପୂର୍ବରୁ ଗୁଗଲ ମ୍ୟାପ୍ କିପରି ଆଗୁଆ ଜାଣିପାରେ ଯେ କେଉଁ ରାସ୍ତାରେ ଜାମ୍ ଅଛି ଏବଂ କେଉଁ ରାସ୍ତାରେ ଟ୍ରାଫିକ ଜାମ ନାହିଁ | ବାସ୍ତବରେ ଗୁଗୁଲକୁ କେହି ଖବର ଦେଇଥାଏ କି?

ଆଜି ଆମେ ଆପଣଙ୍କୁ ଏନେଇ ବିସ୍ତୃତ ସୂଚନା ଦେବୁ | Advertisment ୧.

ଲାଇଭ୍ ଡାଟା ଏବଂ ଜିପିଏସ୍ (GPS) ଟ୍ରାକିଂ :ଗୁଗଲ ମ୍ୟାପ୍ ମୁଖ୍ୟତଃ ଆପଣଙ୍କ ସ୍ମାର୍ଟଫୋନ୍ ଜରିଆରେ କାମ କରିଥାଏ।

ଯେତେବେଳେ ଲକ୍ଷାଧିକ ଲୋକେ ସେମାନଙ୍କ ଫୋନରେ ଜିପିଏସ୍ (GPS) ଲୋକେସନ୍ ଅନ୍ କରି ଗୁଗଲ ମ୍ୟାପ୍ ବ୍ୟବହାର କରନ୍ତି, ସେତେବେଳେ ସେମାନଙ୍କ ଗାଡ଼ିର ଗତି ଏବଂ ଅବସ୍ଥାନ ସୂଚନା ଗୁଗଲ୍ ସର୍ଭରକୁ ଚାଲିଯାଏ।

ଯଦି ଏକ ନିର୍ଦ୍ଦିଷ୍ଟ ରାସ୍ତାରେ ଗାଡ଼ିଗୁଡ଼ିକର ଗତି ହଠାତ୍ ମନ୍ଥର ହୋଇଯାଏ କିମ୍ବା ଅଟକି ଯାଏ, ତେବେ ଗୁଗଲ୍ ବୁଝିଯାଏ ଯେ ସେଠାରେ ଟ୍ରାଫିକ୍ ଜାମ୍ ରହିଛି।

ଆହୁରି ପଢନ୍ତୁ: EOW: ୮୦ କୋଟି ଟଙ୍କା ହଡ଼ପ ଅଭିଯୋଗ: ପୂର୍ବତନ ରାଜ୍ୟସଭା ସାଂସଦ ଏନ୍ ଭାସ୍କର ରାଓଙ୍କ ରାୟଗଡ଼ା ଘରେ ପଶିଲା ଇ ଓ ଡବ୍ଲୁ ୨.

କ୍ରାଉଡ୍‌ସୋର୍ସିଂ ଏବଂ ୟୁଜର୍ସଙ୍କ ଭୂମିକା :ରାସ୍ତାରେ ଯାତ୍ରା କରୁଥିବା ପ୍ରତ୍ୟେକ ବ୍ୟକ୍ତିଙ୍କ ଫୋନ୍ ଏକ ପ୍ରକାର ସେନସର୍ ଭାବେ କାମ କରେ।

ଟ୍ୟାକ୍ସି, ବସ୍ ଏବଂ ବ୍ୟକ୍ତିଗତ ଗାଡ଼ି ଚାଳକମାନେ ଯେତେବେଳେ ଏହି ଆପ୍ ବ୍ୟବହାର କରନ୍ତି, ସେତେବେଳେ ରିଅଲ୍-ଟାଇମ୍ ଟ୍ରାଫିକ୍ ଅପଡେଟ୍ ସ୍ୱୟଂକ୍ରିୟ ଭାବେ ଅପଡେଟ୍ ହୋଇଯାଏ।

ଏହାବ୍ୟତୀତ ଗୁଗଲର ଅନ୍ୟ ଏକ ଆପ୍ 'Waze' ମାଧ୍ୟମରେ ମଧ୍ୟ ଲୋକମାନେ ଦୁର୍ଘଟଣା, ପୋଲିସ ଚେକିଂ କିମ୍ବା ରାସ୍ତାବନ୍ଦ ସମ୍ପର୍କରେ ରିପୋର୍ଟ କରିଥାଆନ୍ତି, ଯାହା ମ୍ୟାପ୍‌କୁ ଆହୁରି ସଠିକ୍ କରିଥାଏ।

୩.

ପୁରୁଣା ତଥ୍ୟ ବା ହିଷ୍ଟୋରିକାଲ୍ ଡାଟା : କେବଳ ଲାଇଭ୍ ଡାଟା ନୁହେଁ, ଗୁଗଲ ପାଖରେ ବର୍ଷ ବର୍ଷର ପୁରୁଣା ଟ୍ରାଫିକ୍ ତଥ୍ୟ ମହଜୁଦ୍ ଥାଏ।

କେଉଁ ସମୟରେ, କେଉଁ ଦିନ ଏବଂ କେଉଁ ରାସ୍ତାରେ ଅଧିକ ଭିଡ଼ ହୁଏ, ତାର ଏକ ବିସ୍ତୃତ ଡାଟାବେସ୍ ଗୁଗଲ୍ ପାଖରେ ଥାଏ।

ଏହାରି ଆଧାରରେ ମ୍ୟାପ୍ ଆଗୁଆ ଆକଳନ କରିପାରେ ଯେ ଆଗକୁ ଯାଇ ଆପଣଙ୍କୁ ଜାମ୍‌ର ସାମ୍ନା କରିବାକୁ ପଡ଼ିବ କି ନାହିଁ।

ଆହୁରି ପଢନ୍ତୁ: Cricket: ଭାରତ ବିପକ୍ଷ ଦିନିକିଆ ଶୃଙ୍ଖଳାରୁ ବାଦ୍‌ ପଡ଼ିଲେ ନ୍ୟୁଜିଲାଣ୍ଡର ଏହି ଅଭିଜ୍ଞ ଖେଳାଳି ୪.

କୃତିମ ବୁଦ୍ଧିମତା (AI) ଏବଂ ମେସିନ୍ ଲର୍ନିଂ :ଗୁଗଲ୍ ଏହାର ଟ୍ରାଫିକ୍ ପୂର୍ବାନୁମାନକୁ ଅଧିକ ନିର୍ଭୁଲ କରିବା ପାଇଁ AI ଏବଂ Graph Neural Networks ଭଳି ଅତ୍ୟାଧୁନିକ ପ୍ରଯୁକ୍ତିବିଦ୍ୟା ବ୍ୟବହାର କରିଥାଏ।

ଏହା ପାଣିପାଗ, ରାସ୍ତାକାମ, ଦୁର୍ଘଟଣା ଏବଂ ସ୍ଥାନୀୟ କାର୍ଯ୍ୟକ୍ରମକୁ ଦୃଷ୍ଟିରେ ରଖି ସବୁଠାରୁ ସବୁଜ ଏବଂ ଶୀଘ୍ର ପହଞ୍ଚିବା ଭଳି ବିକଳ୍ପ ରାସ୍ତା ବାଛିବାରେ ସାହାଯ୍ୟ କରେ।

ଏହିପରି ଭାବେ ଟେକ୍ନୋଲୋଜି ଏବଂ ଲୋକଙ୍କ ସହଯୋଗର ଏକାଠି ମିଶ୍ରଣ ଯୋଗୁଁ ଗୁଗଲ ମ୍ୟାପ୍ ମାଧ୍ୟମରେ ଆମେ ନିମିଷକ ମଧ୍ୟରେ ଟ୍ରାଫିକ୍ ସ୍ଥିତି ଏବଂ ସଠିକ୍ ସମୟ ସମ୍ପର୍କରେ ସୂଚନା ପାଇପାରୁଛୁ।