Flavio Bolsonaro: ନିର୍ବାଚନରେ ଜାଲିଆତି ହୋଇଛି, ମୁଁ ବ୍ରାଜିଲର ପ୍ରକୃତ ନେତା: ଫ୍ଲାଭିଓ

ୱାସିଂଟନ: ବ୍ରାଜିଲର ସେନେଟର ଫ୍ଲାଭିଓ ବୋଲସୋନାରୋ ଆମେରିକାର ମିଆମିରେ ପହଞ୍ଚିଛନ୍ତି।

ପହଞ୍ଚିବା ପରେ ସେ ନିଜକୁ ବ୍ରାଜିଲର ପ୍ରକୃତ ନେତା ବୋଲି ଘୋଷଣା କରି ଅଭିଯୋଗ କରିଛନ୍ତି ଯେ, ଦେଶର ସୁପ୍ରିମକୋର୍ଟ ଏବଂ ରାଷ୍ଟ୍ରପତି ଲୁଇଜ୍ ଇନାସିଓ ଲୁଲା ଡା ସିଲଭା ନିର୍ବାଚନରେ ​​ଜାଲିଆତି କରିଛନ୍ତି ଏବଂ ତାଙ୍କୁ କ୍ଷମତାରୁ ବଞ୍ଚିତ ରଖିଛନ୍ତି।

ତେବେ ଲୁଲା ପ୍ରାୟ ୪୫ ଲକ୍ଷ ଭୋଟରେ ନିର୍ବାଚନରେ ​​ବିଜୟୀ ହୋଇଛନ୍ତି।

Advertisment ସୁପ୍ରିମକୋର୍ଟ ଫ୍ଲାଭିଓଙ୍କୁ ପାସପୋର୍ଟ ସମର୍ପଣ କରିବାକୁ ନିର୍ଦ୍ଦେଶ ଦେଇଥିଲେ, ଯାହାକୁ ସେ ଅବମାନନା କରିଥିଲେ।

ଆମେରିକା ପହଞ୍ଚିବାରେ ସାହାଯ୍ୟ କରିଥିବାରୁ ସେ ଆର୍ଜେଣ୍ଟିନା ରାଷ୍ଟ୍ରପତି ଜାଭିୟର ମେଲାନିଆଙ୍କୁ ଧନ୍ୟବାଦ ଜଣାଇବା ସହ ତାଙ୍କ ପରିବାରକୁ ଆମେରିକାର ଭିସା ପ୍ରଦାନ କରିଥିବା ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଧନ୍ୟବାଦ ଜଣାଇଥିଲେ।

ପୋଷ୍ଟ ଡିଲିଟ୍ କରି ନୂତନ ଚିଠି ସେୟାର ଫ୍ଲାଭିଓ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ଖୋଲା ଚିଠି ପୋଷ୍ଟ କରି ପ୍ରଥମେ ନିଜକୁ ନିର୍ବାଚିତ ରାଷ୍ଟ୍ରପତି ଘୋଷଣା କରିଥିଲେ।

ପରେ ସେ ପୋଷ୍ଟଟିକୁ ଡିଲିଟ୍ କରି ଏକ ନୂତନ ଚିଠି ସେୟାର କରିଥିଲେ।

ଯେଉଁଥିରେ ନିଜକୁ ବ୍ରାଜିଲର ପ୍ରକୃତ ନେତା ବୋଲି ଘୋଷଣା କରି କହିଥିଲେ, ତାଙ୍କର ୬ କୋଟି ସମର୍ଥକ ଏବଂ ସମଗ୍ର ବ୍ରାଜିଲ ଜାଣିବା ଉଚିତ୍ ଯେ, ସେ ଦେଶର ନେତା।

ସେ ଅଭିଯୋଗ କରିଛନ୍ତି, ଭୋଟ୍ ଚୋରିରେ ସମ୍ପୃକ୍ତ ଥିବା ଲୋକମାନେ ଏକ ଅପରାଧୀ ସଂଗଠନର ଅଂଶ।

ସେମାନେ ଦେଶରେ ଏକ ଏକଛତ୍ରବାଦ ଶାସନ କରୁଛନ୍ତି।

ବ୍ରାଜିଲର ଫେଡେରାଲ ନିର୍ବାଚନ କୋର୍ଟ, ଅନେକ ଦେଶର ନେତା, ଅନ୍ତର୍ଜାତୀୟ ପର୍ଯ୍ୟବେକ୍ଷକ ଏବଂ ଫ୍ଲାଭିଓ ଲୁଲାଙ୍କ ନିଜସ୍ୱ ଦଳ ଲୁଲାଙ୍କ ବିଜୟକୁ ସ୍ୱୀକୃତି ଦେଇଛନ୍ତି।

ନିର୍ବାଚନ କମିସନ ମୁଖ୍ୟ କାସିଓ ନୁନେସ୍ ମାର୍କେସ୍ ମଧ୍ୟ କହିଛନ୍ତି, ନିର୍ବାଚନ ଆଇନ ଏବଂ ସାମ୍ବିଧାନିକ ମାନଦଣ୍ଡ ଅନୁଯାୟୀ କରାଯାଇଥିଲା।

ଫ୍ଲାଭିଓଙ୍କ ବକ୍ତବ୍ୟ ଉପରେ ମତାମତ ଦେବାକୁ ଟ୍ରମ୍ପ ମନା କରିଦେଇଛନ୍ତି।

ତେବେ ସେ ପୂର୍ବରୁ ବ୍ରାଜିଲର ନିର୍ବାଚନକୁ ଅଜବ ବୋଲି କହିଥିଲେ।

ପରିବାରକୁ ସୁରକ୍ଷା ଦେବା ପାଇଁ ଦେଶ ଛାଡ଼ିଛନ୍ତି ଫ୍ଲାଭିଓ ନିର୍ବାଚନ ଜାଲିଆତିର କୌଣସି ଠୋସ୍ ପ୍ରମାଣ ଦେଇନାହାନ୍ତି।

ସେ ଅଭିଯୋଗ କରିଛନ୍ତି ଯେ ଲୁଲାଙ୍କ ସମର୍ଥକ ସୁପ୍ରିମକୋର୍ଟର ଜଣେ ବିଚାରପତି ଭୋଟ୍ ସମୟକୁ ଦୁଇ ଘଣ୍ଟା ବୃଦ୍ଧି କରିଥିଲେ।

ଲୁଲାଙ୍କ ଦଳ ଅଭିଯୋଗ କରିଛି ଯେ, ଉତ୍ତର-ପୂର୍ବ ରାଜ୍ୟଗୁଡ଼ିକର ଭୋଟରମାନଙ୍କୁ ଭୋଟ୍ ଦେବାରୁ ବାରଣ କରାଯାଇଥିଲା।

ଏହି ସମୟରେ ଫ୍ଲାଭିଓଙ୍କ ଦଳ ମଧ୍ୟ ଦକ୍ଷିଣ ରାଜ୍ୟଗୁଡ଼ିକରେ ବର୍ଷା ଯୋଗୁଁ ସମୟ ବୃଦ୍ଧି କରିବାକୁ ଦାବି କରିଥିଲା।

ଇନସ୍ପରର ପ୍ରଫେସର ପେଡ୍ରୋ ବର୍ଗୋସଙ୍କ ବିଶ୍ଳେଷଣ ଅନୁଯାୟୀ, ଅତିରିକ୍ତ ଦୁଇ ଘଣ୍ଟା ମଧ୍ୟରେ ୩୫ ହଜାରରୁ କମ୍ ଭୋଟ ପଡ଼ିଥିଲା।

ଏହା ମୋଟ ଭୋଟର ପ୍ରାୟ ୦.୦୩ ପ୍ରତିଶତ ଥିଲା।

ବିଶେଷଜ୍ଞମାନେ କହିଛନ୍ତି ଯେ, ନିର୍ବାଚନ ବାତିଲ ପାଇଁ ଫ୍ଲାଭିଓଙ୍କ ଦାବି ସଫଳ ହେବାର ସମ୍ଭାବନା ବହୁତ କମ୍।

ଫ୍ଲାଭିଓ କହିଛନ୍ତି ଯେ, ସେ ବ୍ରାଜିଲ ଛାଡି ନାହାନ୍ତି, ବରଂ ନିଜକୁ ଏବଂ ତାଙ୍କ ପରିବାରକୁ ସୁରକ୍ଷା ଦେବା ପାଇଁ ଦେଶ ଛାଡିଛନ୍ତି।

ଲୁଲା ଏବଂ ସୁପ୍ରିମକୋର୍ଟଙ୍କୁ ତାଙ୍କୁ ଟାର୍ଗେଟ କରୁଥିବା ସେ ଅଭିଯୋଗ କରିଛନ୍ତି।

Sonia Gandhi Book: ରାଜୀବ ଗାନ୍ଧୀଙ୍କୁ PM କରିବାକୁ ଚାହୁଁନଥିଲେ ସୋନିଆ!, ବହିରେ ଖୋଲିବେ ଜୀବନର ଅନେକ ଗୁମର ଫ୍ଲାଭିଓଙ୍କ ପିତା ପୂର୍ବତନ ରାଷ୍ଟ୍ରପତି ଜାଇର ବୋଲସୋନାରୋ ମଧ୍ୟ ୨୦୨୨ ମସିହାରେ ଲୁଲାଙ୍କଠାରୁ ହାରିବା ପରେ ଆମେରିକା ପଳାଇ ଯାଇଥିଲେ।

ବ୍ରାଜିଲ ଫେରିବା ପରେ ତାଙ୍କୁ ଏକ ବିପ୍ଳବ ଷଡ଼ଯନ୍ତ୍ର ପାଇଁ ୨୭ ବର୍ଷ ଜେଲଦଣ୍ଡ ଦିଆଯାଇଥିଲା।

ବ୍ରାଜିଲରେ ବିଶ୍ୱର ଦ୍ୱିତୀୟ ବୃହତ୍ତମ ଦୁର୍ଲଭ ଖଣିଜ ପଦାର୍ଥର ସଂରକ୍ଷଣ ଅଛି।

ଲୁଲା ଆମେରିକା ଉପରେ ବୋଲସୋନାରୋ ପରିବାରକୁ ପୁଣି ଥରେ କ୍ଷମତାକୁ ଆଣିବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି।

ଆମେରିକା ସରକାର ବ୍ରାଜିଲର ଘରୋଇ ବ୍ୟାପାରରେ ହସ୍ତକ୍ଷେପ କରିବା ଅଭିଯୋଗକୁ ଅସ୍ୱୀକାର କରିଛନ୍ତି।