Earthquake: ୪ ଦିନରେ ୭ଟି ଭୂକମ୍ପ: ବିଶ୍ୱ ବଡ଼ ବିପର୍ଯ୍ୟୟ ଆଡ଼କୁ ମୁହାଁଉଛି କି? ବୈଜ୍ଞାନିକମାନେ କ’ଣ କହୁଛନ୍ତି

"ନୂଆଦିଲ୍ଲୀ: ଗତ ଚାରି ଦିନ ମଧ୍ୟରେ ବିଶ୍ୱର ବିଭିନ୍ନ ଅଞ୍ଚଳରେ ସାତଟି ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି।

ବିଶେଷକରି ଭେନେଜୁଏଲା, ଜାପାନ, ଆଫଗାନିସ୍ତାନ ଓ ପାକିସ୍ତାନରେ ବାରମ୍ବାର ଭୂକମ୍ପ ଘଟିବା ପରେ ଅନେକଙ୍କ ମନରେ ପ୍ରଶ୍ନ ଉଠିଛି- ଏହା କ"ଣ କୌଣସି ବଡ଼ ବୈଶ୍ୱିକ ବିପର୍ଯ୍ୟୟର ସଙ୍କେତ?

ତେବେ ଭୂକମ୍ପ ବିଜ୍ଞାନୀମାନଙ୍କ କହିବା ଅନୁସାରେ, ଏପରି ଘଟଣାକୁ ଏକ ବଡ଼ ବିଶ୍ୱସ୍ତରୀୟ ବିପଦର ପୂର୍ବାଭାସ ବୋଲି କହିବା ପାଇଁ ବୈଜ୍ଞାନିକ ପ୍ରମାଣ ନାହିଁ।Advertisment ସବୁଠୁ ଅଧିକ କ୍ଷୟକ୍ଷତି ଭେନେଜୁଏଲାରେ ଘଟିଛି।

ଜୁନ୍ ୨୪ରେ ମାତ୍ର ୩୯ ସେକେଣ୍ଡ ବ୍ୟବଧାନରେ ୭.୨ ଓ ୭.୫ ତୀବ୍ରତାର ଦୁଇଟି ଶକ୍ତିଶାଳୀ ଭୂକମ୍ପ ଆସିଥିଲା।

ଏଥିରେ ଅନେକ କୋଠା ଭୁଶୁଡ଼ି ପଡ଼ିଥିଲା ଏବଂ ବ୍ୟାପକ ଧ୍ୱଂସଲୀଳା ସୃଷ୍ଟି ହୋଇଥିଲା।

ମୃତକଙ୍କ ସଂଖ୍ୟା ୧,୪୦୦ ଅତିକ୍ରମ କରିଥିବା ବେଳେ ହଜାର ହଜାର ଲୋକ ଏବେ ମଧ୍ୟ ନିଖୋଜ ଅଛନ୍ତି।

ଉଦ୍ଧାରକାରୀ ଦଳ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରୁଥିବା ସତ୍ତ୍ୱେ ବାରମ୍ବାର ଆସୁଥିବା ପଶ୍ଚାତ୍ କମ୍ପନ ଉଦ୍ଧାର କାର୍ଯ୍ୟକୁ ବାଧା ଦେଉଛି।

ଆହୁରି ପଢ଼ନ୍ତୁ: Piyush Goyal: କେନ୍ଦ୍ର ବାଣିଜ୍ୟ ମନ୍ତ୍ରୀଙ୍କ ଗ୍ରୀସ୍‌ ଗସ୍ତ ଏହା ପରେ ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୬.୦ ତୀବ୍ରତାର ଭୂକମ୍ପ ହୋଇଥିଲା।

ଏହାର କମ୍ପନ ପାକିସ୍ତାନର ଅନେକ ଅଞ୍ଚଳରେ ମଧ୍ୟ ଅନୁଭୂତ ହୋଇଥିଲା।

ପାକିସ୍ତାନର ବଲୁଚିସ୍ତାନରେ ୨୦ରୁ ଅଧିକ ଲୋକ ଆହତ ହେବା ସହ ପ୍ରାୟ ୧୨୫ଟି ଘର କ୍ଷତିଗ୍ରସ୍ତ ହୋଇଛି।

ଏହା ପୂର୍ବରୁ ମଧ୍ୟ ସେହି ଅଞ୍ଚଳରେ ୫.୪ ତୀବ୍ରତାର ଆଉ ଏକ ଭୂକମ୍ପ ହୋଇଥିଲା।

ଆହୁରି ପଢ଼ନ୍ତୁ: Cricket: ଅନ୍ତର୍ଜାତୀୟ କ୍ରିକେଟ୍‌ରୁ ଅଚାନକ ସନ୍ୟାସ ନେଲେ ବେନ୍ ଷ୍ଟୋକ୍ସ ଭୂକମ୍ପ ବିଶେଷଜ୍ଞମାନଙ୍କ କହିବା ଅନୁସାରେ, ପୃଥିବୀର ଟେକ୍ଟୋନିକ୍ ପ୍ଲେଟ୍‌ଗୁଡ଼ିକ ନିରନ୍ତର ଗତିଶୀଳ ହେବା କାରଣରୁ ବାରମ୍ବାର ଭୂକମ୍ପ ଘଟିଥାଏ।

ଭେନେଜୁଏଲା କ୍ୟାରିବିଆନ୍ ଓ ଦକ୍ଷିଣ ଆମେରିକୀୟ ପ୍ଲେଟ୍‌ର ସୀମାରେ ଅବସ୍ଥିତ ଥିବା ବେଳେ ଆଫଗାନିସ୍ତାନ ଓ ପାକିସ୍ତାନ ଭାରତୀୟ ଓ ୟୁରେସିଆନ୍ ପ୍ଲେଟ୍‌ର ସଂଘର୍ଷ ଅଞ୍ଚଳରେ ରହିଛି।

ଏହି କାରଣରୁ ଏସବୁ ଅଞ୍ଚଳରେ ମଧ୍ୟମ ଓ ବଡ଼ ଧରଣର ଭୂକମ୍ପ ସାଧାରଣ ଘଟଣା।

ବୈଜ୍ଞାନିକମାନେ ସ୍ପଷ୍ଟ କରିଛନ୍ତି ଯେ, ପୃଥିବୀର ଭିନ୍ନ ଭିନ୍ନ ଅଞ୍ଚଳରେ ପର ପର ଭୂକମ୍ପ ହେବାର ଅର୍ଥ ଏହା ନୁହେଁ ଯେ ଏକ ବିଶାଳ ବୈଶ୍ୱିକ ଭୂକମ୍ପ ଆସିବାକୁ ଯାଉଛି।

ବର୍ତ୍ତମାନ ସମୟରେ ଭୂକମ୍ପର ଠିକ୍ ସମୟ, ସ୍ଥାନ କିମ୍ବା ତୀବ୍ରତା ପୂର୍ବାନୁମାନ କରିବା ସମ୍ଭବ ନୁହେଁ।

ତେଣୁ ଆତଙ୍କିତ ନ ହୋଇ ଭୂକମ୍ପପ୍ରବଣ ଅଞ୍ଚଳରେ ସୁରକ୍ଷା ନିୟମ ପାଳନ କରିବା, ସଚେତନ ରହିବା ଓ ସ୍ଥାନୀୟ ପ୍ରଶାସନଙ୍କ ନିର୍ଦ୍ଦେଶ ମାନିବା ହିଁ ଉଚିତ ବୋଲି ସେମାନେ ପରାମର୍ଶ ଦେଇଛନ୍ତି।"