DUSU Election Results: ଡିୟୁଏସ୍‌ୟୁ ନିର୍ବାଚନ: କଡ଼ା ପ୍ରତିଦ୍ବନ୍ଦ୍ବିତାରେ ଏବିଭିପି ସଭାପତି ପଦ ଓ ଅନ୍ୟ ପଦରେ ବିଜୟୀ

"ନୂଆଦିଲ୍ଲୀ: ୨୦୨୬ ଦିଲ୍ଲୀ ବିଶ୍ବବିଦ୍ୟାଳୟ ଛାତ୍ର ସଂଘ (ଡିୟୁଏସ୍‌ୟୁ) ନିର୍ବାଚନରେ କଡ଼ା ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିଛି।

ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ୪ଟି ପ୍ରମୁଖ ପଦବୀରୁ ୩ଟିରେ ବିଜୟୀ ହୋଇଛି।

ଗୋଟିଏ ପଦବୀରେ ସ୍ବାଧୀନ ପ୍ରାର୍ଥୀ ଜିତିଛନ୍ତି।

ଏବିଭିପିର ୟଶ୍‌ ଦବାସ୍‌ ସଭାପତି ପଦରେ ବାଜି ମାରି ନେଇଛନ୍ତି।

୨୦ ରାଉଣ୍ଡ ଭୋଟ ଗଣନା ପରେ ଦବାସ୍‌ ଏନ୍‌ଏସ୍‌ୟୁଆଇର ବିଜୟ ଶଙ୍କର ମୀନାଙ୍କୁ ୨୦୫୩ ଖଣ୍ଡ ଭୋଟରେ ପରାସ୍ତ କରିଛନ୍ତି।

ଦବାସ୍‌ ୨୪,୫୭୬ ଭୋଟ ପାଇଥିବାବେଳେ ମୀନା ୨୨,୫୨୩ ଭୋଟ ପାଇଛନ୍ତି।

ସ୍ବାଧୀନ ପ୍ରାର୍ଥୀ ଦୀପାଂଶୁ ସୋକିନ୍‌ ଉପସଭାପତି ପଦ ଜିତିଥିବାବେଳେ ଏବିଭିପିର ରିୟା ଚୌଡି ସମ୍ପାଦକ ଓ ଲକ୍ଷ୍ୟ ରାଜ ସିଂହ ଯୁଗ୍ମ ସମ୍ପାଦକ ପଦବୀରେ ବିଜୟୀ ହୋଇଛନ୍ତି।Advertisment ଅନେକ ରାଉଣ୍ଡରେ ଦେଖିବାକୁ ମିଳିଥିଲା ତୀବ୍ର ପ୍ରତିଦ୍ବନ୍ଦ୍ବିତା  ଚାରିଟି ପ୍ରମୁଖ ପଦବୀ ପାଇଁ ପ୍ରମୁଖ ଛାତ୍ର ସଙ୍ଗଠନ ଏବିଭିପି, ଏନ୍‌ଏସ୍‌ୟୁଆଇ ଓ ଏଆଇଏସ୍‌ଏ-ଏସ୍‌ଏଫ୍‌ଆଇ ମେଣ୍ଟ ମଧ୍ୟରେ ତୀବ୍ର ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିଥିଲା।

ଅନେକ ସ୍ବାଧୀନ ଓ ଅନ୍ୟ ପ୍ରାର୍ଥୀ ମଧ୍ୟ ପ୍ରମୁଖ ପଦବୀ ପାଇଁ ଲଢ଼େଇ କରୁଥିଲେ।

ବିଶ୍ବବିଦ୍ୟାଳୟର ନର୍ଥ କ୍ୟାମ୍ପସ୍‌ ସ୍ଥିତ ସ୍ପୋର୍ଟ୍ସ ଷ୍ଟାଡିୟମର ମଲ୍ଟି ପର୍ପଜ ହଲରେ ଶନିବାର ସକାଳ ୮ଟାରେ ଭୋଟ ଗଣତି ଆରମ୍ଭ ହୋଇଥିଲା।

ଅନେକ ରାଉଣ୍ଡରେ ତୀବ୍ର ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିଥିଲା, ବିଶେଷକରି ସଭାପତି ପଦ ପାଇଁ ଅଧିକ କଡ଼ା ଲଢ଼େଇ ହୋଇଥିଲା।

ଉପସଭାପତି ପଦରେ ସୋକିନ୍‌ ଏବିଭିପିର ଇସୁ ମୌର୍ଯ୍ୟ ଓ ଏନ୍‌ଏସ୍‌ୟୁଆଇର ବୀର୍‌ ଚତ୍ରଥଙ୍କୁ ପରାସ୍ତ କରିଥିଲେ।

ସମ୍ପାଦକ ପଦ ପାଇଁ ରିୟା ଚୌଡି ଏନ୍‌ଏସ୍‌ୟୁଆଇର ନମ୍ରତା ଚୌଧୁରୀଙ୍କୁ ପରାସ୍ତ କରିଛନ୍ତି।

ଯୁଗ୍ମ ସମ୍ପାଦକ ନିର୍ବାଚନରେ ​​ଲକ୍ଷ୍ମୀ ରାଜ ସିଂ ଏନ୍‌ଏସ୍‌ୟୁଆଇର ଗୋପାଳ ଚୌଧୁରୀ ଓ ସମାଜବାଦୀ ଛାତ୍ର ସଭାର ବିଶେଷ ଯାଦବଙ୍କୁ ପରାସ୍ତ କରିଛନ୍ତି।

୨୦୨୬ ଡିୟୁଏସ୍‌ୟୁ ନିର୍ବାଚନ ପାଇଁ ଶୁକ୍ରବାର ୫୨ଟି ମତଦାନ କେନ୍ଦ୍ରରେ ୪୦.୪୬ ପ୍ରତିଶତ ମତଦାନ ହୋଇଥିଲା।

ଚାରିଟି ପ୍ରମୁଖ ପଦବୀ ପାଇଁ ମୋଟ ୨୦ ପ୍ରାର୍ଥୀ ମୈଦାନରେ ଥିଲେ।

Mamata Banerjee: ମମତାଙ୍କୁ ପୁଣି ବଡ଼ ଝଟକା: ନନ୍ଦିଗ୍ରାମ ପରେ ଏବେ ରେଜିନଗର ଉପନିର୍ବାଚନରୁ ପ୍ରାର୍ଥୀପତ୍ର ପ୍ରତ୍ୟାହାର କଲେ ଟିଏମସି ପ୍ରାର୍ଥୀ "