CJP Protest: କିଏ ଏହି ଯୁବତୀ ରିୟା ? ଅଟକାଇ ଦେଲେ ପୁଲିସ୍‌ ଭ୍ୟାନ୍‌

"କନକ ବ୍ୟୁର‌ୋ: ଦିଲ୍ଲୀ ଜନ୍ତମନ୍ତରରେ ଚାଲିଥିବା  ସିଜେପିର ଆନ୍ଦାଳନରେ ମୁଖ୍ୟ ଆକର୍ଷଣ ସାଜିଛନ୍ତି ୨୭ ବର୍ଷୀୟ  ଯୁବତୀ ରିୟା ।

ଦିଲ୍ଳୀ ପୁଲିସ୍‌  ଭ୍ୟାନ୍‌ ଆଗରେ ଏକାକି  ଛିଡା ହୋଇ ବିର‌ୋଧ ପ୍ରଦର୍ଶନକାରୀଙ୍କକୁ ମୁକାଇାଲେ ।

ରିୟା ଯେଉଁ  ଭ୍ୟାନ୍‌କୁ ଅଟକାଇଥିଲେ ସେଥିରେ ଆନ୍ଦୋଳନରତ ଛାତ୍ରମାନେ ଥିଲେ।

ପୁଲିସ୍‌ ସେମାନଙ୍କୁ ଆରେଷ୍ଟ କରି ନେଉଥିଲା।

କିନ୍ତୁ ଏକାକି ପୁଲିସ୍‌ ଭ୍ୟାନ୍‌ ଆଗରେ ଆସି ଛିଡା ହୋଇପଡିଲେ ରିୟା ।

ଗ‌ୋଟିଏ ଇଞ୍ଚି ମଧ୍ୟ ସେଠୁ ହଟିଲେ ନାହିଁ।

ପୁଲିସ୍ର ସତ ଚେଷ୍ଟା  ପରେ  ମଧ୍ୟ  ରିହାଙ୍କୁ ଭ୍ୟାନ୍‌ ଆଗରୁ ହଟାଇବାରେ ବିଫଳ ହେଲେ ପୁଲିସ୍‌।

ଶେଷରେ ହାର୍‌ ମାନିଲା ପୁଲିସ୍‌, ବିର‌ୋଧ  ପ୍ରଦର୍ଶନକ‌ାରୀ ଛାତ୍ରଙ୍କୁ  ଛାଡିବାକୁ ବାଧ୍ୟ  ହୋଇଥିଲା ।

ଏହାପରେ  ସ‌ୋସିଆଲ ମିଡିଆରେ ରିହାକୁ ନେଇ ଖୁବ୍‌ ପ୍ରଶଂସା ଛୁଟୁଛି ।

ତେବେ ଏତେ ସାହାସୀ, ଏତେ ଦୃଢ଼ମନା ଯୁବତୀ ରିହା କିଏ ?

ଯିଏ ଏବେ ଜନ୍ତରମନ୍ତରରେ  ଚାଲିଥିବା  ଛାତ୍ର ଆନ୍ଦୋଳନର ଏକ ସ୍ବତନ୍ତ୍ର ଚେହେରା ପାଲଟିଛନ୍ତି।

Advertisment ଅଧିକ ପଢନ୍ତୁ:  CJP Protest: ପ୍ରତିବାଦକାରୀଙ୍କ ବିରୋଧରେ କୌଣସି ଏଫଆଇଆର ରୁଜୁ ହେବାକୁ ଦେବୁ ନାହିଁ: ସିଜେପି ମୁଖପାତ୍ରଙ୍କ ବଡ଼ ମନ୍ତବ୍ୟ ରିୟା ଅହିର  ଜଣେ ମଡେଲ, ଆକ୍ଟର ଏବଂ ଇଣ୍ଟରପ୍ରେନ୍ୟୁର ।

ରିୟା ସାମାଜିକ  ଏବଂ ରାଜ‌େନୈତିକ ପ୍ରସଙ୍ଗ ଉପରେ  ନିଜର ମତ ଖ‌ୋଲାଖୋଲି ଭାବେ  ରଖିଥାନ୍ତି।

ଜଣେ ମହିଳା ଉଦ୍ୟୋଗୀ  ଭାବରେ ସେ ହାତତିଆରି ପୋଷାକ ମଧ୍ୟ ପ୍ରସ୍ତୁତ କରନ୍ତି।

ତାଙ୍କର 'ରିୟାସତ' ନାମରେ ନିଜର ଏକ କ୍ଲୋଥିଙ୍ଗ ବ୍ରାଣ୍ଡ ଅଛି।

ରିୟାଙ୍କର  ନୃତ୍ୟ ପ୍ରତି ମଧ୍ୟ ବହୁତ ରୁଚି ରହିଛି।

ସେ ଅନେକ ମ୍ୟୁଜିକ୍ ଭିଡିଓରେ ମଧ୍ୟ ଅଭିନୟ କରିଛନ୍ତି, ଯେଉଁଥିରେ ତାଙ୍କର ସଦ୍ୟତମ ଗୀତ ହେଉଛି 'ଦିଲବରା', ଯାହା ଫେବୃଆରୀ ୨୦୨୫ରେ ରିଲିଜ୍ ହୋଇଥିଲା।

ଭାରି ଇଶ୍ବର ବିଶ୍ବାସୀ  ରିୟା  ରିୟା ସ୍ୱଭାବରୁ ବହୁତ ଧାର୍ମିକ ଏବଂ ଈଶ୍ଵରଙ୍କ ଉପରେ ତାଙ୍କର ଅଗାଧ ବିଶ୍ୱାସ ରହିଛି।

ସେ ପ୍ରତିଦିନ ମନ୍ଦିରକୁ ଯାଇ ଭଗବାନଙ୍କ ପୂଜା-ଅର୍ଚ୍ଚନା କରନ୍ତି।

୨୭ ବର୍ଷୀୟା ମଡେଲ ରିହା  ଅହିର  କେବେ ହେଲେ ଭାବି ନଥିବେ ଯେ ସେ ବୁଧବାର ଦିନ ଶିବାଜୀ ପାର୍କରେ ହୋଇଥିବା ବିକ୍ଷୋଭ ପ୍ରଦର୍ଶନର ମୁଖ୍ୟ ଚେହେରା ପାଲଟିଯିବେ।

ତେବେ  ସବୁଠାରୁ ଆଶ୍ଚର୍ଯ୍ୟକର କଥା ଯେ ରିହା ଏହି ଆନ୍ଦୋଳନରେ ସାମିଲ  ନଥିଲେ।

ରିୟା  କୋହିନୂର ସ୍କୋୟାରରୁ ଶିବାଜୀ ପାର୍କ ଆଡ଼କୁ ଯାଉଥିଲେ।

ସେହି ସମୟରେ ସେ ଦେଖିଲେ ଯେ ପୋଲିସର ଏକ ଭ୍ୟାନରେ ଅଟକ ରଖାଯାଇଥିବା ଆନ୍ଦୋଳନକାରୀମାନଙ୍କୁ ଭର୍ତ୍ତି କରାଯାଇଛି।

ସେ ତୁରନ୍ତ ଭ୍ୟାନ୍ ଆଡ଼କୁ ମାଡ଼ି ଯାଇଥିଲେ ଏବଂ ଗାଡ଼ି ଆଗରେ ଛିଡ଼ା ହୋଇଯାଇଥିଲେ।

ପୋଲିସଙ୍କ ସହ ତାଙ୍କର ପ୍ରବଳ ଯୁକ୍ତିତର୍କ ମଧ୍ୟ ହୋଇଥିଲା।

ପୁଲିସ ତାଙ୍କୁ କହିଥିଲେ ଯେ ସେମାନେ କିଛି ବାଟ ଆଗକୁ ଯାଇ  ଆନ୍ଦୋଳନକାରୀଙ୍କୁ ଛାଡ଼ିଦେବେ।

ଏହା ଉପରେ ରିହା କହିଥିଲେ ଯେ, "ଯଦି ଛାଡ଼ିବାର ଅଛି, ତେବେ ଏବେ ହିଁ ଛାଡ଼।" ସେ ପୋଲିସ ଆଗରେ ନିଜ ଜିଦ୍‌ରେ ଅଟଳ ରହିଥିଲେ।

ଶେଷରେ ରିହାଙ୍କ ଉଦ୍ୟମ ରଙ୍ଗ ଆଣିଥିଲା ଏବଂ ପୋଲିସ ସମସ୍ତ ଆନ୍ଦୋଳନକାରୀଙ୍କୁ ଛାଡ଼ିବାକୁ ବାଧ୍ୟ ହୋଇଥିଲା।

ଏହି ଭିଡିଓ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ରିୟାଙ୍କୁ ଖୁବ୍ ପ୍ରଶଂସା କରାଯାଉଛି।

ରିୟାଙ୍କ ଅଭିଯୋଗ ଯେ ପୋଲିସ ନିଜ କାମ ଦାୟିତ୍ୱର ସହ କରୁନାହିଁ।

ଯଦି ସେମାନେ ଏପରି କରିବେ ନାହିଁ, ତେବେ ଆମକୁ ଆମର ସାଥୀ ନାଗରିକମାନଙ୍କ ଦାୟିତ୍ୱ ନିଜେ ଉଠାଇବାକୁ ପଡ଼ିବ।

ରିୟା ଗଣମାଧ୍ୟମକୁ କହିଛନ୍ତି ଯେ, ସେ ଦଳିତ ନୁହନ୍ତି, ଓବିସି  ନୁହନ୍ତି କିମ୍ବା ତାଙ୍କ ପିତା ଜଣେ ଚାଷୀ ନୁହନ୍ତି।

ତଥାପି ସେ ଛାତ୍ରଛାତ୍ରୀଙ୍କ ପାଇଁ ସ୍ୱର ଉତ୍ତୋଳନ କରିବେ, କାରଣ ସେମାନଙ୍କ ସହ ହୋଇଥିବା ମାଡ଼ପିଟ ସମ୍ପୂର୍ଣ୍ଣ ଭୁଲ୍ ଥିଲା।

ତେବେ ରିୟାଙ୍କ ଏପରି କାର୍ଯ୍ୟ ପାଇଁ ତାଙ୍କୁ  ସ‌ୋସିଆଏ ମିଡିଆରେ ଭୂୟସୀ ପ୍ରଶଂସା କରାଯାଉଛି ..

"