ସପ୍ତାହ ବ୍ୟାପୀ ଚାଲିଥିବା ‘ଅପରେସନ୍ ଅନ୍ୱେଷଣ’କୁ ବଡ଼

Sep 10, 2026 - 16:53

ନନ୍ଦିଘୋଷ ବ୍ୟୁରୋ :ସପ୍ତାହ ବ୍ୟାପୀ ଚାଲିଥିବା ‘ଅପରେସନ୍ ଅନ୍ୱେଷଣ’କୁ ବଡ଼ ସଫଳତା । ବିଭିନ୍ନ ରାଜ୍ୟରୁ ୧୦୧ ଜଣ ଶିଶୁଙ୍କୁ ଉଦ୍ଧାର କରାଯାଇଛି । ଯେଉଁଥିରେ ୨ ଜଣ ଛୋଟ ଶିଶୁ ଅଛନ୍ତି । ରାଜ୍ୟ ବାହାରକୁ ୧୭ ଟିମ ଯାଇଥିଲା ବେଳେ ଉଦ୍ଧାର ହୋଇଥିବା ଶିଶୁଙ୍କ ମଧ୍ୟରେ ୫୨ ଜଣ ନାବାଳକ, ୪୮ ଜଣ ନାବାଳିକା ଅଛନ୍ତି । ସର୍ବାଧିକ ୩୦ ଜଣ ଶିଶୁଙ୍କୁ ପଶ୍ଚିମବଙ୍ଗରୁ ଉଦ୍ଧାର କରାଯାଇଛି ।

ତାମିଲନାଡୁ, କର୍ଣ୍ଣାଟକ, ଆନ୍ଧ୍ରପ୍ରଦେଶରୁ ମଧ୍ୟ କିଛି ଶିଶୁଙ୍କୁ ଉଦ୍ଧାର କରାଯାଇଛି । ସମସ୍ତ ଶିଶୁଙ୍କୁ ଉଦ୍ଧାର କରିବା ପରେ ଓଡ଼ିଶା ଅଣାଯାଇଛି । ପୂରା ପ୍ରକ୍ରିୟା ରାଜ୍ୟ ସରକାରଙ୍କ ମହିଳା ଓ ଶିଶୁ କଲ୍ୟାଣ ବିଭାଗ ଦ୍ୱାରା ମନିଟରିଂ ହେଉଛି । କିଛି ଶିଶୁଙ୍କୁ ବାପା ମା’ଙ୍କ ଜାଣତରେ ଅନ୍ୟତ୍ର ନିଆଯାଇଥିବା ବେଳେ ଆଉ କିଛିଙ୍କୁ ଅପହରଣ କରାଯାଇଥିଲା ।

ବିଗତ ୫ ବର୍ଷରେ ୨୪ ହଜାର ଶିଶୁ ନିଖୋଜ ନେଇ କିଛିଦିନ ତଳେ ବିଧାନସଭାରେ ତଥ୍ୟ ପ୍ରକାଶ ପାଇବା ପରେ ଅପରେସନକୁ ବ୍ୟାପକ କରାଯାଇଥିଲା । ସେମାନଙ୍କୁ ଚାଇଲଡ ପର୍ଣ୍ଣଗ୍ରାଫି କିମ୍ବା ଦେହ ବେପାରରେ ଲିପ୍ତ କରାଯାଉଥିବା ଅଭିଯୋଗ ସାମ୍ନାକୁ ଆସିବା ପରେ ଆକ୍ସନ ମୋଡ଼କୁ ଆସିଥିଲା ଓଡିଶା ପୋଲିସର କ୍ରାଇମ ଏଗେନଷ୍ଟ ୱିମେନ ଆଣ୍ଡ ଚିଲଡ୍ରେନ ଉଇଙ୍ଗ ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।