ଯାତ୍ରା ପେଣ୍ଡାଲରେ ନିଶା ମହାରଣାଙ୍କୁ ଚେୟାର ମାଡ, ଆଠଗଡ଼ରେ ହଙ୍ଗାମା

Sep 07, 2026 - 11:19

ଯାତ୍ରା ପେଣ୍ଡାଲରେ ନିଶା ମହାରଣାଙ୍କୁ ଚେୟାର ମାଡ, ଆଠଗଡ଼ରେ ହଙ୍ଗାମା

ନନ୍ଦିଘୋଷ ବ୍ୟୁରୋ : ଯାତ୍ରା ପେଣ୍ଡାଲରେ ଅଭିନୟ କରୁଥିବା ବେଳେ ଅଭିନେତ୍ରୀ ନିଶା ମହାରଣାଙ୍କ ଉପରକୁ ଚେୟାର ଓ ପାଣି ବୋତଲ ଫୋପାଡ଼ିଲେ ଦର୍ଶକ। ଆଠଗଡ଼ କଇଥ ଛକରେ ତାରିଣୀ ଗଣନାଟ୍ୟର ପ୍ରଥମ ରାତିରେ ‘ନିଶା ନିଶା ରାତି’ ଯାତ୍ରା ପରିବେଷଣ ସମୟରେ ଏଭଳି ହଙ୍ଗାମା ଦେଖିବାକୁ ମିଳିଛି। ନିଶା ମହାରଣା ଅଭିନୟ କରୁଥିବା ସମୟରେ ଆପତ୍ତିଜନକ ଦୃଶ୍ୟକୁ ନେଇ କିଛି ଦର୍ଶକ ଅସନ୍ତୋଷ ପ୍ରକାଶ କରିଥିଲେ। ଏହାପରେ ଷ୍ଟେଜ ଉପରକୁ ଚେୟାର ଓ ପାଣି ବୋତଲ ଫୋପାଡ଼ି ଥିଲେ। ଫଳରେ ଯାତ୍ରା ପେଣ୍ଡାଲ ଭିତରେ ଅଶାନ୍ତିକର ପରିବେଶ ସୃଷ୍ଟି ହୋଇଥିଲା।

ଯାତ୍ରାରେ ଆପତ୍ତିଜନକ ଦୃଶ୍ୟ ପରିବେଷଣକୁ ନେଇ ଦର୍ଶକଙ୍କ ବିରୋଧ ଘଟଣା ବଢ଼ିବାରେ ଲାଗିଛି। କେଉଁଠି ଦର୍ଶକ କଳାକାରଙ୍କୁ ବିରୋଧ କରୁଥିବା ବେଳେ ଆଉ କେଉଁଠି ଚେୟାର ଫୋପାଡ଼ି ପ୍ରତିବାଦ କରୁଥିବା ଦେଖାଯାଉଛି। ଆଠଗଡ଼ର ଏହି ଘଟଣାକୁ ନେଇ ଯାତ୍ରା ପେଣ୍ଡାଲରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।