ମହାଦେବଙ୍କୁ ଦର୍ଶନ କରି ଘରକୁ ଫେରୁଥିବା ବେଳେ ଚାଲିଗଲା କାଉଡିଆଙ୍କ ଜୀବନ

Aug 17, 2026 - 12:40

ମହାଦେବଙ୍କୁ ଦର୍ଶନ କରି ଘରକୁ ଫେରୁଥିବା ବେଳେ ଚାଲିଗଲା କାଉଡିଆଙ୍କ ଜୀବନ

କବିସୂର୍ଯ୍ୟନଗର: ଶ୍ରାବଣ ସୋମବାରରେ କାଉଡିଆଙ୍କ ମୃତ୍ୟୁ ଘଟିଛି l ମହାଦେବଙ୍କୁ ପାଣି ଢ଼ାଳି ଘରକୁ ଫେରିବା ସମୟରେ କାଉଡିଆ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ l

ସୂଚନାଯୋଗ୍ୟ, କନ୍ଧମାଳ ଜିଲ୍ଲା ରାଇକିୟା ଡୋଡିଙ୍ଗିଆର ଲିଚୁ ବିନ୍ଧାଣି ଗଞ୍ଜାମ ଜିଲ୍ଲା ଆସିକା ନିକଟ ଋଷୁକୂଲ୍ୟା ସଙ୍ଗମ ସ୍ଥଳରୁ ଜଳ ନେଇ କବିସୂର୍ଯ୍ୟନଗର ବ୍ଲକ ଯମୁନାଗିରି ପାହାଡ଼ରେ ବିଜେ ବାବା ଶୀଧେଶ୍ୱରଙ୍କ ନିକଟକୁ ଯାଇଥିଲେ। ଆଜି ଭୋରରୁ ସେ ଜଳଲାଗି କରିଥିଲେ l ବାବାଙ୍କୁ ଜଳଲାଗି କରିବାପରେ ୧୨ ସହ ପାହାଚ ଓଲ୍ହାଇବା ତକଳୁ ଆସୁଥିବା ବେଳେ ଅଧାରାସ୍ତାରେ ସେ ଗୁରୁତର ହୋଇଥିଲେ l ପାଖରେ ଥିବା କାଉଡିଆମାନେ ତାଙ୍କୁ ଘଟଣାସ୍ଥଳରୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଚିକିତ୍ସା ନିମନ୍ତେ ପ୍ରଥମେ କବିସୂର୍ଯ୍ୟନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରେ ଆସିକା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଦୁଃଖର ବିଷୟ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ sambad-ସମ୍ବାଦ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।