ବନ୍ଧୁକ ମୁନରେ ଅଳଙ୍କାର ଲୁଟ୍; ୧୨ ଘଣ୍ଟାରେ ଅଭିଯୁକ୍ତକୁ ଧରିଲା ପାରାଦୀପ ପୋଲିସ

Sep 27, 2026 - 10:05

ବନ୍ଧୁକ ମୁନରେ ଅଳଙ୍କାର ଲୁଟ୍; ୧୨ ଘଣ୍ଟାରେ ଅଭିଯୁକ୍ତକୁ ଧରିଲା ପାରାଦୀପ ପୋଲିସ

ନନ୍ଦିଘୋଷ ବ୍ୟୁରୋ : ବନ୍ଧୁକ ମୁନରେ ଅଳଙ୍କାର ଲୁଟ୍ ଘଟଣାରେ ପାରାଦୀପ ପୋଲିସକୁ ସଫଳତା। ମାତ୍ର ୧୨ ଘଣ୍ଟା ମଧ୍ୟରେ ରାତା ରାତି ଅଭିଯୁକ୍ତକୁ ଉଠାଇ ଆଣିଲା ପୋଲିସ। ଅଭିଯୁକ୍ତ ନିକଟରୁ ସମସ୍ତ ଅଳଙ୍କାର ଜବତ କରାଯାଇଛି। ଡକାୟତିରେ ବ୍ୟବହୃତ ବନ୍ଧୁକ ଓ ଅନ୍ୟ ସାମଗ୍ରୀ ବି ଜବତ କରିଛି ପୋଲିସ। ତାରିଣୀଗଡା ଗିରିଧାରୀ ଛକ ନିକଟରେ ଥିବା ଏକ କୋଠା ଘରୁ ଅଭିଯୁକ୍ତକୁ ଧରିବାରେ ସଫଳ ହୋଇଛି ପୋଲିସ। ଗତକାଲି ତାରିଣୀଗଡାରେ ଥିବା ଏକ ଅଳଙ୍କାର ଦୋକାନରୁ ହୋଇଥିଲା ଡକାୟତି। ଜଣେ ଯୁବକ ହଠାତ୍ ଦୋକାନ ଭିତରକୁ ପଶି ଆସି ବନ୍ଧୁକ ଦେଖାଇ ଭୟଭୀତ କରିବା ସହିତ ୨୦ ଲକ୍ଷରୁ ଅଧିକ ଟଙ୍କାର ଅଳଙ୍କାର ଲୁଟି ନେଇଥିଲା। ପୋଲିସ ଘଟଣାସ୍ଥଳରୁ ସିସିଟିଭି ଫୁଟେଜ ଯାଞ୍ଚ କରିବା ସହିତ ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସହାୟତାରେ ତଦନ୍ତ ଆରମ୍ଭ କରିଥିଲା। ସବୁ ଦିଗକୁ ତଦନ୍ତ କରିବା ପରେ ପୋଲିସ ଅଭିଯୁକ୍ତକୁ ଗିରଫ କରିଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।