ପୁଣି ବିବାଦରେ ପୀୟୂଷ ତ୍ରିପାଠୀ, ହସ୍ପିଟାଲ କର୍ମଚାରୀଙ୍କୁ ମାଡ଼ ଅଭିଯୋଗ

Nov 01, 2026 - 16:40

ନନ୍ଦିଘୋଷ ବିୁରୋ: ପୁଣି ବିବାଦରେ ସିଂହବାହିନୀ ଯାତ୍ରା ପାର୍ଟିର ପୀୟୂଷ ତ୍ରିପାଠୀ। ହସପିଟାଲ କର୍ମଚାରୀଙ୍କୁ ମାରଧର କରିବା ଅଭିଯୋଗ ହୋଇଛି। ଭଦ୍ରକ ଜିଲ୍ଲା ବେତଡ଼ାରେ ନାଟକ ପରେ ଜଣେ କଳାକାର ପ୍ରଶାନ୍ତ ମାଝୀ ଆତ୍ମହତ୍ୟା କରିଥିବାର ଅଭିଯୋଗ ହୋଇଥିଲା। ପୀୟୂଷ ତ୍ରିପାଠୀ ଓ ଅନ୍ୟ କିଛି ଯାତ୍ରା କଳାକାର ପ୍ରଶାନ୍ତଙ୍କ ମୃତଦେହକୁ ହସପିଟାଲ ଆଣିଥିଲେ। ବ୍ୟବଚ୍ଛେଦ ପାଇଁ କିଛି ସାମଗ୍ରୀ କିଣିବାକୁ ହସପିଟାଲର ଅସ୍ଥାୟୀ କର୍ମଚାରୀ ନିରଞ୍ଜନ ଗୋଛାୟତ କିଛି ଟଙ୍କା ମାଗିଥିବା ଯାତ୍ରା ପାର୍ଟିର କଳାକାର କହିଛନ୍ତି। ଏହାକୁ ନେଇ ଯୁକ୍ତି ତର୍କ ହୋଇଥିଲା ଓ ନିରଞ୍ଜନଙ୍କୁ ପୀୟୂଷ ତ୍ରିପାଠୀ ଧକ୍କା ମାରିଥିବା ଅଭିଯୋଗ ହୋଇଛି। ଯାତ୍ରା ପାର୍ଟିର ଅନ୍ୟ କିଛି କଳାକାର ବି ନିରଞ୍ଜନଙ୍କୁ ମାଡ଼ ମାରିବାକୁ ଗୋଡ଼ାଇଥିବା ସେ ଅଭିଯୋଗ କରିଛନ୍ତି। ଏହାକୁ ନେଇ ସୋର ଥାନାରେ ଅଭିଯୋଗ କରିଥିଲେ ନିରଞ୍ଜନ। ପୋଲିସ ପୀୟୂଷ ତ୍ରିପାଠୀଙ୍କୁ ଥାନାକୁ ଡକାଇ ପଚରା ଉଚରା କରିଛି। ପରେ ନିରଞ୍ଜନଙ୍କୁ କ୍ଷମା ମାଗିଥିଲେ ପୀୟୂଷ ତ୍ରିପାଠୀ । ଏହା ପରେ ବିବାଦର ସମାଧାନ ହୋଇଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।