ଜନ୍ତର ମନ୍ତର ଆକ୍ରମଣ ମାମଲା: ଆଜି ସ୍ୱତନ୍ତ୍ର ଭରଦ୍ୱାଜଙ୍କ ଜାମିନ ଶୁଣାଣି

Sep 14, 2026 - 11:02

ଜନ୍ତର ମନ୍ତର ଆକ୍ରମଣ ମାମଲା: ଆଜି ସ୍ୱତନ୍ତ୍ର ଭରଦ୍ୱାଜଙ୍କ ଜାମିନ ଶୁଣାଣି

ନନ୍ଦିଘୋଷ ବ୍ୟୁରୋ : ଦିଲ୍ଲୀ ଜନ୍ତର ମନ୍ତରରେ ସିଜେପି ଆନ୍ଦୋଳନ ସମୟରେ ନିଶୁ ଆଜାଦଙ୍କ ବାପା ସଞ୍ଜୟ ଆଜାଦଙ୍କୁ ଆକ୍ରମଣ ଅଭିଯୋଗ ମାମଲାରେ ଆଜି ସୋସିଆଲ ମିଡିଆ ଇନଫ୍ଲୁଏନ୍ସର ସ୍ୱତନ୍ତ୍ର ଭରଦ୍ୱାଜଙ୍କ ଜାମିନ ଆବେଦନର ଶୁଣାଣି ହେବ। ପଟିଆଲା ହାଉସ କୋର୍ଟର ସ୍ପେଶାଲ ଜଜ୍‌ଙ୍କ ନିକଟରେ ଏହି ମାମଲାର ଶୁଣାଣି ହେବାକୁ ଧାର୍ଯ୍ୟ ହୋଇଛି। ସ୍ୱତନ୍ତ୍ର ବର୍ତ୍ତମାନ ବିଚାର ବିଭାଗୀୟ ହେପାଜତରେ ଅଛନ୍ତି ଏବଂ ସେପ୍ଟେମ୍ବର ୨୧ ପର୍ଯ୍ୟନ୍ତ ତାଙ୍କୁ ଜୁଡିସିଆଲ୍ କଷ୍ଟଡିରେ ରଖାଯାଇଛି। ସ୍ୱତନ୍ତ୍ର ନିଜ ଜାମିନ ଆବେଦନରେ ନିଜ ବିରୋଧରେ ଲଗାଯାଇଥିବା ଅଭିଯୋଗକୁ ଖଣ୍ଡନ କରିଛନ୍ତି। ଜନ୍ତର ମନ୍ତର ଘଟଣା ପରେ ଏକ ପଡକାଷ୍ଟରେ ସେ ସଞ୍ଜୟ ଆଜାଦଙ୍କୁ ଆକ୍ରମଣ କରିଥିବା ଦାବି କରିଥିବା ଭିଡିଓ ଭାଇରାଲ ହୋଇଥିଲା। ଏହାପରେ ଦିଲ୍ଲୀ ପୋଲିସ ଉତ୍ତରପ୍ରଦେଶର ବୁଲନ୍ଦସହରରୁ ତାଙ୍କୁ ଗିରଫ କରିଥିଲା।

ଏହି ମାମଲାରେ SC/ST ଆଇନ ସମେତ ଅନ୍ୟାନ୍ୟ ଧାରାରେ ମାମଲା ରୁଜୁ ହୋଇଥିବା ରିପୋର୍ଟ ରହିଛି। ତେବେ ଘଟଣାକୁ ନେଇ ପୋଲିସର ତଦନ୍ତ ଓ ଉଭୟ ପକ୍ଷର ଦାବି ନେଇ ବିଭିନ୍ନ ତଥ୍ୟ ସାମ୍ନାକୁ ଆସିଛି। ପୋଲିସ ପକ୍ଷରୁ ସଞ୍ଜୟ ଆଜାଦଙ୍କ ଆଘାତ ସମ୍ପର୍କରେ କିଛି ଦାବିକୁ ଖଣ୍ଡନ ମଧ୍ୟ କରାଯାଇଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।