ଆମେରିକା-ଇରାନ ମଧ୍ୟରେ ପୁଣି ବଡ଼ ଯୁଦ୍ଧ ସଙ୍କେତ; ସାମ୍ନାକୁ ଆସିଲା ୫ଟି ବଡ଼ କାରଣ

Oct 24, 2026 - 23:10

ଆମେରିକା-ଇରାନ ମଧ୍ୟରେ ପୁଣି ବଡ଼ ଯୁଦ୍ଧ ସଙ୍କେତ; ସାମ୍ନାକୁ ଆସିଲା ୫ଟି ବଡ଼ କାରଣ

ୱାସିଂଟନ୍ : ମଧ୍ୟପ୍ରାଚ୍ୟରେ ଆମେରିକା ଓ ଇସ୍ରାଏଲ ପକ୍ଷରୁ ଜାରି ରହିଥିବା ସାମରିକ ଗତିବିଧି କାରଣରୁ ଇରାନ ସହ ଏକ ବଡ଼ ଯୁଦ୍ଧର ସଙ୍କେତ ମିଳୁଛି ।

ବିଗତ କିଛି ସପ୍ତାହ ମଧ୍ୟରେ ଉଭୟ ପକ୍ଷରୁ ମିଳୁଥିବା ୫ଟି ପ୍ରମୁଖ ସଙ୍କେତ ଏହି ଆଶଙ୍କାକୁ ଅଧିକ ଦୃଢ଼ କରୁଛି, ଯାହା ସମଗ୍ର ଉପସାଗରୀୟ ଅଞ୍ଚଳକୁ ସାମରିକ ମହାସଂଗ୍ରାମ ଆଡ଼କୁ ଠେଲି ଦେଇଛି ।

ବିଶେଷଜ୍ଞଙ୍କ ଅନୁଯାୟୀ, ଆସନ୍ତା ଦୁଇ ସପ୍ତାହ ମଧ୍ୟରେ ଆମେରିକା ର ମଧ୍ୟବର୍ତ୍ତୀକାଳୀନ ନିର୍ବାଚନ ଏବଂ ଇସ୍ରାଏଲର ଅକ୍ଟୋବର ୨୭ ନିର୍ବାଚନ ଏହି ଆକ୍ରମଣର ସମୟ ନିର୍ଦ୍ଧାରଣ କରିବ ।

ଇରାନ ନିଜର ଆଣବିକ ୟୁରେନିୟମ୍ ସମର୍ପଣ କରିବାକୁ ଏବଂ ଅନ୍ତର୍ଜାତୀୟ ତୈଳ ବାଣିଜ୍ୟର ପ୍ରମୁଖ ମାର୍ଗ ହର୍ମୁଜ୍ ପ୍ରଣାଳୀ ଖୋଲିବାକୁ ମନା କରିବା ପରେ ପରିସ୍ଥିତି ଅତ୍ୟନ୍ତ ଜଟିଳ ହୋଇଛି ।

Advertisment Pollution: ବିଶ୍ୱର ୨୫ ପ୍ରଦୂଷିତ ସହର ମଧ୍ୟରେ ଭାରତର ୨୨; ମିରଟ ଦ୍ୱିତୀୟ ଓ ପଞ୍ଚମ ସ୍ଥାନରେ ପାନିପଥ ପ୍ରଥମ ବଡ଼ ସଙ୍କେତ ହେଉଛି ଆମେରିକା ପକ୍ଷରୁ ତୃତୀୟ ବୃହତ୍ ଆଣବିକ ଯୁଦ୍ଧ ଜାହାଜ 'ୟୁଏସ୍‌ଏସ୍ ଥିଓଡୋର ରୁଜଭେଲ୍ଟ'କୁ ମଧ୍ୟପ୍ରାଚ୍ୟ ଅଭିମୁଖେ ପଠାଯାଇଛି, ଯାହା ଦ୍ୱାରା ନଭେମ୍ବର ପ୍ରାରମ୍ଭ ସୁଦ୍ଧା ସେଠାରେ ୨୦,୦୦୦ରୁ ଅଧିକ ଆମେରିକୀୟ ସୈନିକ ଓ ଶତାଧିକ ଯୁଦ୍ଧ ବିମାନ ମୁତୟନ ହେବେ ।

ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ଶକ୍ତି ଓ ଆଣବିକ କେନ୍ଦ୍ରଗୁଡ଼ିକୁ ଧ୍ୱଂସ କରିବା ପାଇଁ ବିଶ୍ୱର ସବୁଠାରୁ ବଡ଼ ଅଣ-ଆଣବିକ ବୋମା 'ମଦର ଅଫ୍ ଅଲ୍ ବଂବ୍‌ସ' ବ୍ୟବହାର କରିବାକୁ ଚେତାବନୀ ଦେଇଛନ୍ତି ।

ଦ୍ୱିତୀୟ ସଙ୍କେତ ସ୍ୱରୂପ, ଇରାନ ଏହାର ଜବାବରେ ଏକ ସଙ୍ଗେ ୩୦ଟି ବାଲିଷ୍ଟିକ୍ କ୍ଷେପଣାସ୍ତ୍ର ଉତ୍‌କ୍ଷେପଣ କରି ସାମରିକ ଅଭ୍ୟାସ କରିବା ସହ ନୂତନ ଅସ୍ତ୍ର 'ଫାଦର ଅଫ୍ ଅଲ୍ ବଂବ୍‌ସ'ର ପ୍ରଦର୍ଶନ କରିଛି ଏବଂ ଜର୍ମାନୀରେ ଥିବା ଆମେରିକାର ସାମରିକ ଘାଟି ଉପରେ ଆକ୍ରମଣ ଧମକ ଦେଇଛି ।

ତୃତୀୟ ଗୁରୁତ୍ୱପୂର୍ଣ୍ଣ ସଙ୍କେତ ହେଉଛି, ଆମେରିକା ପକ୍ଷରୁ ସାଉଦି ଆରବ, ବାହାରିନ, କତର ଏବଂ ୟୁଏଇରେ ରହୁଥିବା ନିଜର ନାଗରିକମାନଙ୍କ ପାଇଁ ଜରୁରୀକାଳୀନ ସୁରକ୍ଷା ମାର୍ଗଦର୍ଶିକା ଜାରି କରାଯାଇଛି ଏବଂ ଅକ୍ଟୋବର ୨୧ରେ ସାଉଦି ଆରବରୁ ନିଜର କୂଟନୀତିଜ୍ଞ ଓ ସେମାନଙ୍କ ପରିବାରକୁ ଫେରାଇ ନିଆଯାଇଛି ।

ଚତୁର୍ଥ ସଙ୍କେତ ସ୍ୱରୂପ, ଭାରତ ସରକାର ମଧ୍ୟ ସାଉଦି ଆରବରେ ଥିବା ନିଜ ନାଗରିକଙ୍କ ପାଇଁ ଆଲର୍ଟ ଜାରି କରିଛନ୍ତି, କାରଣ ରିୟାଦ ବିମାନ ବନ୍ଦରରେ ହୁତି ବିଦ୍ରୋହୀଙ୍କ ଆକ୍ରମଣରେ ଜଣେ ଭାରତୀୟଙ୍କ ମୃତ୍ୟୁ ଘଟିଛି ଏବଂ ଭାରତୀୟ ବିମାନ ସଂସ୍ଥାଗୁଡ଼ିକ ସେମାନଙ୍କର ବିମାନ ସେବା ସମ୍ପୂର୍ଣ୍ଣ ସ୍ଥଗିତ କରିଛନ୍ତି ।

ପଞ୍ଚମ ସଙ୍କେତ ଭାବେ, ଇସ୍ରାଏଲର ଅନେକ ପ୍ରତିରକ୍ଷା ଯୁଦ୍ଧ ବିମାନ ଚଳିତ ସପ୍ତାହରେ ଇରାନ ସୀମାନ୍ତ ନିକଟରେ ଉଡ଼ାଣ ଭରିଛନ୍ତି, ଯାହା ଆଗାମୀ ଦିନରେ ଏକ ବଡ଼ ସାମରିକ ସଂଘର୍ଷର ଆଶଙ୍କାକୁ ବହୁଗୁଣିତ କରିଛି ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ sambad-ସମ୍ବାଦ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।