୨୦% କ୍ରାସ ହେଲା ରାମଦେବଙ୍କ ପତଞ୍ଜଳି ସେୟାର, କମ୍ପାନୀ ଦେଲା ସଫେଇ
ନୂଆଦିଲ୍ଲୀ,୧୫।୭: ସେୟାର ବଜାରରେ ବୁଧବାର ଖୁବ୍ ଭଲ ଦିନ ଥିଲା। ସେନସେକ୍ସ ଓ ନିଫ୍ଟି ଦୁଇଟି ଇଣ୍ଡେକ୍ସ ମାର୍କେଟ କ୍ଳୋଜ୍ ହେବା ପରେ ଗ୍ରୀନ୍ ଜୋନ୍ରେ ବନ୍ଦ ହୋଇଛି। ସେନସେକ୍ସ ଯେଉଁଠି ୧୩୦ ପଏଣ୍ଟ, ତେବେ ନିଫ୍ଟି ୨୬ ପଏଣ୍ଟ ଉପରକୁ ଉଠି ଯାଇଥିଲା। କିନ୍ତୁ ଯୋଗଗୁରୁ ରାମଦେବଙ୍କ କମ୍ପାନୀ ପତଞ୍ଜଳି ଫୁଡସ୍ର ସେୟାର ସମ୍ପୂର୍ଣ୍ଣ ଭାବରେ କ୍ରାସ୍ ହୋଇଯାଇଛି। କାରବାର ବେଳେ ଏହା ପ୍ରାୟ ୨୦% ପର୍ଯ୍ୟନ୍ତ ଖସି ଯାଇଥିଲା। ତେବେ ଶେଷ କାରବାର ଘଣ୍ଟାରେ ଏହାର ହ୍ରାସ ଖୁବ୍ ଧିମା ପଡିଛି, କିନ୍ତୁ ପୁଣିଥରେ ପତଞ୍ଜଳି ଫୁଡସ୍ ସେୟାର ଓ ଅନ୍ତରେ ମାମୁଲି ସୁଧାର ପରେ ୧୪% ହ୍ରାସ ପାଇ ବନ୍ଦ ହୋଇଛି।
୫୨ ସପ୍ତାହ ଲୋ’ ପରେ ପତଞ୍ଜଳିର ସେୟାର
ସେୟାର ମାର୍କେଟରେ ବୁଧବାର କାରବାର ଆରମ୍ଭ ହେବାପରେ ପତଞ୍ଜଳି ଫୁଡସ୍ର ସେୟାର ନିଜର ଗତ କାରବାର ବନ୍ଦ ୪୦୭.୪୦ ଟଙ୍କାର ତୁଳନାରେ ଫ୍ଲାଟ ଓପନ ହୋଇଛି। କିନ୍ତୁ ପୁଣିଥରେ ଅଚାନକ କିଛି ଏଭଳି ହୋଇଥିଲା ଯେ, ନିବେଶକଙ୍କ ଭିତରେ ହଇଚଇ ସୃଷ୍ଟି ହୋଇଥିଲା ଓ ପତଞ୍ଜଳି ଫୁଡସ୍ ସେୟାର ଦେଖିବା ମାତ୍ରେ କ୍ରାସ ହୋଇଯାଇଥିଲା।ଦିନ ୧୨ଟା ସୁଦ୍ଧା, ବାବା ରାମଦେବଙ୍କ କମ୍ପାନୀର ଷ୍ଟକ୍ ପ୍ରାୟ ୧୯.୫୨ ପ୍ରତିଶତ ହ୍ରାସ ପାଇ ୩୨୮ ଟଙ୍କାରେ ପହଞ୍ଚିଥିଲା, ଯାହାକି ୫୨ ସପ୍ତାହର ନୂତନ ସର୍ବନିମ୍ନ ମୂଲ୍ୟ। ତେବେ ଶେଷ କାରବାର ଘଣ୍ଟାରେ ପତଞ୍ଜଳିର ସେୟାର ହ୍ରାସ କିଛିଟା ହ୍ରାସ ପାଇଥିଲା, ତଥାପି ଏହା ୧୪.୭୩ ପ୍ରତିଶତ ହ୍ରାସ ପାଇ ୩୪୭.୫୦ ଟଙ୍କାରେ ବନ୍ଦ ହୋଇଥିଲା। କମ୍ପାନୀର ବଜାର ପୁଞ୍ଜି ମଧ୍ୟ ୧୨,୬୨୦ କୋଟି ଟଙ୍କାକୁ ହ୍ରାସ ପାଇଥିଲା।ପତଞ୍ଜଳିର ସେୟାର ହ୍ରାସ ପାଇବାର କାରଣ!
ପତଞ୍ଜଳି ସେୟାର କ୍ରାସ୍ ପଛରେ ଥିବା କାରଣ ବିଷୟରେ, ରିପୋର୍ଟଗୁଡ଼ିକ ସୂଚାଇ ଦିଏ ଯେ କମ୍ପାନୀ ସହିତ ଜଡିତ ଏକ ବ୍ଲକ ଡିଲ୍ ଖବର ପରେ ଷ୍ଟକର ଗୁରୁତ୍ୱପୂର୍ଣ୍ଣ ହ୍ରାସ ଘଟିଥିଲା। ଏହି ବ୍ଲକ ଡିଲ୍ ରେ ପ୍ରତି ସେୟାର ୩୫୫ ଟଙ୍କା ମୂଲ୍ୟରେ ୫୪ ଲକ୍ଷରୁ ଅଧିକ ସେୟାରର ବିନିମୟ ହୋଇଥିଲା। ଏହି କାରବାରର ମୋଟ ମୂଲ୍ୟ ପ୍ରାୟ ୧୯୫ କୋଟି ଥିଲା, ଯାହା ଫଳରେ ପତଞ୍ଜଳି ସେୟାରରେ ଭଲ ବିକ୍ରୟ ହୋଇଥିଲା।
କମ୍ପାନୀର ସଫେଇ
ପତଞ୍ଜଳି ଫୁଡ୍ସ ଏକ ଏକ୍ସଚେଞ୍ଜ ଫାଇଲିଂରେ କହିଛି ଯେ କମ୍ପାନୀ ସ୍ୱାଭାବିକ ଭାବରେ କାର୍ଯ୍ୟ କରୁଛି, ଏହାର ବ୍ୟବସାୟିକ ଉଦ୍ଦେଶ୍ୟ ଏବଂ ଅଭିବୃଦ୍ଧି ଉପରେ ଧ୍ୟାନ ଦେଉଛି। ସେୟାର ମୂଲ୍ୟରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ନେଇ ମ୍ୟାନେଜମେଣ୍ଟ କରିଛି ଯେ ବର୍ତ୍ତମାନ ଏପରି କୌଣସି ଗୁରୁତ୍ୱପୂର୍ଣ୍ଣ ଘଟଣା, ସୂଚନା କିମ୍ବା ପରିସ୍ଥିତି ନାହିଁ ଯାହା ପାଇଁ SEBI ତାଲିକାଭୁକ୍ତ ନିୟମାବଳୀ ଅନୁଯାୟୀ ଷ୍ଟକ୍ ଏକ୍ସଚେଞ୍ଜ ସହିତ ସେୟାର କରିବା ଆବଶ୍ୟକ। ପତଞ୍ଜଳି ଫୁଡ୍ସ ଲିମିଟେଡ୍ ମୁଖ୍ୟତଃ ଭାରତରେ ଖାଦ୍ୟ ତେଲ ଏବଂ FMCG ପ୍ରଡକ୍ଟର ମାନୁଫାକଚରିଂ ଏବଂ ବିକ୍ରୟରେ ନିୟୋଜିତ। କମ୍ପାନୀର ପ୍ରମୁଖ ପ୍ରଡକ୍ଟ ମଧ୍ୟରେ ସୋୟାବିନ୍ ତେଲ, ସୋରିଷ ତେଲ, ଘିଅ, ବିସ୍କୁଟ, ନୁଡୁଲ୍ସ, ଜୁସ୍ ଏବଂ ଅନ୍ୟାନ୍ୟ ପ୍ୟାକେଜ୍ ହୋଇଥିବା ଖାଦ୍ୟ ରହିଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
