ବ୍ରେଥ ଟେଷ୍ଟରେ ବିଫଳ, ଏୟାର ଇଣ୍ଡିଆ ପାଇଲଟ ସସପେଣ୍ଡ

Sep 26, 2026 - 12:43

ବ୍ରେଥ ଟେଷ୍ଟରେ ବିଫଳ, ଏୟାର ଇଣ୍ଡିଆ ପାଇଲଟ ସସପେଣ୍ଡ

ନନ୍ଦିଘୋଷ ବ୍ୟୁରୋ : ଦୂର ହେଉନି ଏୟାର ଇଣ୍ଡିଆ ପାଇଲଟଙ୍କ ମନମାନି। ମଦ ପିଇବା ଅଭିଯୋଗରେ ସସପେଣ୍ଡ ହୋଇଛନ୍ତି ପାଇଲଟ। ଜୁରିଚ ଏୟାରପୋର୍ଟରେ ବ୍ରେଥ ଆନାଲାଇଜର ଟେଷ୍ଟରେ ବିଫଳ ହେବା ପରେ ଜଣେ ପାଇଲଟଙ୍କୁ ସସପେଣ୍ଡ କରାଯାଇଛି। ଦିଲ୍ଲୀକୁ ଆସିବାକୁ ଥିବା ବିମାନରେ ଚଢିବା ପୂର୍ବରୁ ସେ ଟେଷ୍ଟରେ ବିଫଳ ହୋଇଥିଲେ। ପରେ ତାଙ୍କୁ ସାଧାରଣ ଯାତ୍ରୀ ଭାବେ ଭାରତକୁ ବିମାନରେ ପଠାଇ ଦିଆଯାଇଛି। ତାଙ୍କର ଚୂଡ଼ାନ୍ତ ମେଡିକାଲ ପରୀକ୍ଷା ହେବ ବୋଲି ସୂଚନା ମିଳିଛି। ଗତ ସେପ୍ଟେମ୍ବର ୬ରେ ଏହି ଘଟଣା ଘଟିଥିବା ସୂଚନା ମିଳିଛି। ପାଇଲଟଜଣକ ଇଣ୍ଡିଆର ଏଆଇ-୧୫୧ କୁ ଜୁରିଚରୁ ନୂଆଦିଲ୍ଲୀ ଆଣିବାର ଥିଲା। ଏସମ୍ପର୍କରେ ବେସାମରିକ ବିମାନ ଚଳାଚଳ ମହାନିର୍ଦ୍ଦେଶକଙ୍କୁ ଅବଗତ କରାଯାଇଛି। ପୂର୍ବରୁ ଫୁକେଟ-ଦିଲ୍ଲୀ ବିମାନରେ ଜଣେ ପାଇଲଟ ନିଶାଗ୍ରସ୍ତ ଥିବା ଘଟଣା ସାରା ବିଶ୍ବରେ ଚର୍ଚ୍ଚାର କାରଣ ପାଲଟିଥିଲା। ଗତ ଅଗଷ୍ଟ ୪ରେ ବିମାନଟି ଅକସ୍ମାତ ତଳକୁ ଖସିବା ଯୋଗୁ ୨୪ ଯାତ୍ରୀ ଆହତ ହୋଇଥିଲେ ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।