ବୈଶିଙ୍ଗାରେ ବଡ଼ ବ୍ୟାଙ୍କ ଡକାୟତି ଯୋଜନା ପଣ୍ଡ, ୫ରୁ ଅଧିକ ସନ୍ଦିଗ୍ଧ ଅଟକ

Sep 15, 2026 - 11:34

ବୈଶିଙ୍ଗାରେ ବଡ଼ ବ୍ୟାଙ୍କ ଡକାୟତି ଯୋଜନା ପଣ୍ଡ, ୫ରୁ ଅଧିକ ସନ୍ଦିଗ୍ଧ ଅଟକ

ନନ୍ଦିଘୋଷ ବ୍ୟୁରୋ : ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଞ୍ଚଳରେ ଏକ ବଡ଼ ଧରଣର ବ୍ୟାଙ୍କ ଡକାୟତି ଯୋଜନାକୁ ପଣ୍ଡ କରିବାରେ ପୋଲିସ ସଫଳ ହୋଇଛି । ଆନ୍ତଃରାଜ୍ୟ ଡକାୟତ ଗ୍ୟାଙ୍ଗ୍ ର ୫ ଜଣଙ୍କୁ ଅଟକ ରଖିବା କାର୍ ଜବତ କରିଛି ପୋଲିସ୍ । ମାନଗୋବିନ୍ଦପୁର ସ୍ଥିତ ୟୁନିୟନ ବ୍ୟାଙ୍କ ଶାଖାରେ କିଛି ଦୁର୍ବୃତ୍ତ ପଶି ଲୁଟ୍ ଉଦ୍ୟମ ଚଳାଇଥିବା ବେଳେ ପୋଲିସ ଅତର୍କିତ ଚଢ଼ାଉ କରିଥିଲା। ପୁଲିସ ଗାଡ଼ିର ସାଇରନ ଶୁଣି ଡକାୟତ ଦଳ ତରବରିଆ ଭାବେ ଏକ କାର୍ ଯୋଗେ ଘଟଣାସ୍ଥଳରୁ ଖସି ପଳାଇବାକୁ ଚେଷ୍ଟା କରିଥିଲେ । ମାଣତ୍ରୀ–ବୈଶିଙ୍ଗା ମୁଖ୍ୟ ରାସ୍ତାରେ ସେମାନଙ୍କୁ ପିଛା କରି ବୈଶିଙ୍ଗା ଛକ ନିକଟରେ କାର୍‌ଟିକୁ କାବୁ କରିଥିଲା ପୋଲିସ । ପଶ୍ଚିମବଙ୍ଗ ନମ୍ବର ପ୍ଲେଟ୍ ଥିବା ଏକ କାର୍ ଜବତ କରାଯିବା ସହ ୫ରୁ ଅଧିକ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ରଖାଯାଇ ଥାନାରେ ପଚରାଉଚରା କରାଯାଉଛି । ପ୍ରାଥମିକ ତଦନ୍ତରୁ ଏହି ଆନ୍ତଃରାଜ୍ୟ ଡକାୟତ ଗ୍ୟାଙ୍ଗ୍ ରାଜ୍ୟର ବିଭିନ୍ନ ଜିଲ୍ଲାରେ ପୂର୍ବରୁ ଘଟିଥିବା ବହୁ ଚର୍ଚ୍ଚିତ ବ୍ୟାଙ୍କ ଚୋରି ଓ ଲୁଟ୍ ମାମଲାରେ ସମ୍ପୃକ୍ତ ଥିବା ସନ୍ଦେହ କରାଯାଉଛି ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।