ବଳିତାରେ ନେଲ୍ ପଲିସ୍ ଲଗାଇଲେ ଜଳିବ ଦୀପ? ନା ଡାକିଆଣିବ ବିପଦ!

ନୂଆଦିଲ୍ଲୀ: ଦୀପାବଳି ଆସିଲେ ଘରେ ଘରେ ଜଳେ ଦୀପ, ଆଲୋକରେ ଝଲସିଉଠେ ଘର ଅଗଣା ।

ହେଲେ ଦୀପ ଜଳାଇବାର ଖୁସି ଭିତରେ ଯଦି ବାରମ୍ବାର ଲିଭିଯାଏ ଦୀପ, ତେବେ ବିରକ୍ତି ଲାଗିବା ସ୍ୱାଭାବିକ ।

କେତେବେଳେ ପବନର ଝଟକା ତ ଆଉ କେତେବେଳେ ବଳିତାର ସମସ୍ୟା ପାଇଁ ଲିଭିଯାଏ ଦୀପ ।

ଆଉ ତାକୁ ପୁଣି ଜଳାଇବାରେ ଯାଏ ସମୟ ।

ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଛି ଏକ ଟିପ୍ସ, ଯାହାକୁ ଆପଣାଇଲେ ତେଲ ସରିବା ଯାଏଁ ଜଳିବ ଦୀପ ।

ହେଲେ ଏହି ଟିପ୍ସ ଆପଣଙ୍କୁ କେତେ ସୁରକ୍ଷା ଦେବ, ଆଉ କେତେ ବିପଦ ଡାକିଆଣିବ, ଜାଣିବା ନିହାତି ଜରୁରୀ ।

ଦୀପାବଳିରେ ଦୀପକୁ ଦୀର୍ଘ ସମୟ ଜଳାଇ ରଖିବା ପାଇଁ ଏକ ଟିପ୍ସ ଭାଇରାଲ୍ ହେଉଛି ।

ଏଥିପାଇଁ ପ୍ରଥମେ ମାଟି ଦୀପରେ ରଖନ୍ତୁ ତୁଳା ବଳିତା ।

ଆବଶ୍ୟକ ଅନୁସାରେ ଦୀପରେ ତେଲ ଭରନ୍ତୁ ।

ଏହାପରେ ବଳିତାର ଉପର ଅଂଶରେ ନେଲ୍ ପଲିସ୍ ଲଗାଇବାକୁ କୁହାଯାଉଛି ।

ଦାବି ଅନୁସାରେ ଏହାଦ୍ୱାରା ଦୀପ ଦୀର୍ଘ ସମୟ ଜଳିବ ।

ହେଲେ ଏହି ଟିପ୍ସକୁ ଆଖି ବୁଜି ବିଶ୍ୱାସ କରିବା ଆଦୌ ଠିକ୍ ନୁହେଁ ।

Advertisment Death: ମୃତ୍ୟୁ ପୂର୍ବରୁ ଭିଡିଓ କରି ପତ୍ନୀ ଓ ଶ୍ୱଶୁର ଘର ଲୋକଙ୍କ ଉପରେ ଆଣିଲେ ନିର୍ଯାତନା ଅଭିଯୋଗ, ଆଖି ବୁଜିଲେ ବିଜେପି ନେତାଙ୍କ ପୁଅ ନେଲ୍ ପଲିସ୍‌ରେ ଥିବା କିଛି ରାସାୟନିକ ପଦାର୍ଥ ଜ୍ୱଳନଶୀଳ ହୋଇପାରେ ।

ତେଣୁ ଜଳୁଥିବା ଦୀପର ବଳିତାରେ ନେଲ୍ ପଲିସ୍ ଲଗାଇବା ଏକ ସୁରକ୍ଷିତ ଉପାୟ ନୁହେଁ ।

ଏହାଦ୍ୱାରା ଅଗ୍ନିକାଣ୍ଡର ଆଶଙ୍କା ବଢ଼ିପାରେ ।

ତେଣୁ ଦୀପକୁ ଦୀର୍ଘ ସମୟ ଜଳାଇ ରଖିବା ପାଇଁ ନେଲ୍ ପଲିସ୍‌ର ବ୍ୟବହାର କରନ୍ତୁ ନାହିଁ ।

ଦୀପକୁ ଦୀର୍ଘ ସମୟ ଜଳାଇ ରଖିବା ପାଇଁ ବଳିତାର ଆକାର ଠିକ୍ ରଖନ୍ତୁ ।

ଅତି ଲମ୍ବା ବଳିତା ଶୀଘ୍ର ଜଳିପାରେ ।

ଦୀପକୁ ସମତଳ ଓ ସ୍ଥିର ସ୍ଥାନରେ ରଖନ୍ତୁ ।

ପବନରୁ ସୁରକ୍ଷା ପାଇଁ ଦୀପ ଚାରିପଟେ ଉପଯୁକ୍ତ ଜାଲି ବା ଆବରଣ ରଖିପାରିବେ ।

ହେଲେ ଜଳୁଥିବା ଦୀପକୁ କେବେ ବି ପରଦା, କପଡ଼ା ବା କାଗଜ ପାଖରେ ରଖନ୍ତୁ ନାହିଁ ।

ଆଉ ରାତିସାରା ଦୀପ ଜଳାଇ ରଖିବା ବଦଳରେ ଏହା ଉପରେ ନଜର ରଖନ୍ତୁ ।

ଦୀପାବଳିର ଆଲୋକ ଘରକୁ ଖୁସି ଆଣୁ, ବିପଦ ନୁହେଁ ।

ତେଣୁ ଭାଇରାଲ୍ ଟିପ୍ସ ଆପଣାଇବା ପୂର୍ବରୁ ସୁରକ୍ଷାକୁ ଦିଅନ୍ତୁ ପ୍ରଥମ ପ୍ରାଥମିକତା ।