ପିଡିଏସ ଚାଉଳର ଚୋରାକାରବାର ବିରୋଧରେ ତଦନ୍ତ ଜୋରଦାର

Sep 15, 2026 - 18:35

ନନ୍ଦିଘୋଷ ବ୍ୟୁରୋ : ପିଡିଏସ ଚାଉଳର ଚୋରାକାରବାର ବିରୋଧରେ ତଦନ୍ତ ଜୋରଦାର । ଟ୍ରାନ୍ସପୋର୍ଟ କଣ୍ଟ୍ରାକ୍ଟର, ଟ୍ରକ ଡ୍ରାଇଭର ଓ ରାଇସ ମିଲ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି । ସୁନ୍ଦରଗଡ ଜିଲ୍ଲାରେ ଦିନକୁ ଦିନ ବଢୁଛି ପିଡିଏସ୍ ଚୋରା କାରବାର । ଟ୍ରାନ୍ସପୋର୍ଟ କଣ୍ଟ୍ରାକ୍ଟର ଓ ଟ୍ରକ ଡ୍ରାଇଭର କଣ୍ଟ୍ରୋଲ ଡିଲରଙ୍କ ଗୋଦାମକୁ ୨୮୦ ବସ୍ତା ପିଡିଏସ ଚାଉଳ ନେବା ପରିବର୍ତ୍ତେ କୁଆଁରମୁଣ୍ଡା ଠାରେ ଥିବା ଜୟ ଗୋସାଇଁ ରାଇସ ମିଲ ପରିସରକୁ ନେଇଥିବା ଅଭିଯୋଗ ହୋଇଥିଲା । ଅଭିଯୋଗ ପରେ ଯୋଗାଣ ବିଭାଗ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇ ଟ୍ରକ ସହିତ ଚାଉଳ ଜବତ କରାଯାଇଥିଲା। ଏହାସହ ସରକାରୀ କଣ୍ଟ୍ରୋଲ ଡିଲରଙ୍କ ଗୋଦାମରୁ ଷ୍ଟକ ରେକର୍ଡ ଠାରୁ ୧୫୧ ବସ୍ତା ଅଧିକ ଚାଉଳ ଥିବା ଜଣା ପଡିଥିଲା । ଏନେଇ ସମସ୍ତ ଚାଉଳ ଜବତ କରାଯାଇ ଡିଲରଙ୍କୁ ନିଲମ୍ବିତ କରାଯିବା ସହ କଣ୍ଟ୍ରୋଲ ଡିଲରଙ୍କ ନାମରେ ବ୍ରାହ୍ମଣୀ ତରଙ୍ଗ ଥାନାରେ ଯୋଗାଣ ବିଭାଗ ପକ୍ଷରୁ ଅଭିଯୋଗ ହୋଇଛି । ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ପିଡିଏସ ଚୋର କାରବାରରେ ସମ୍ପୃକ୍ତ ଥିବା ସମସ୍ତ ଅଭିଯୁକ୍ତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ରାଉରକେଲା ସରକାରୀ ଡିଲର ଆସୋସିଏସନ୍ ପକ୍ଷରୁ ଦାବି ହୋଇଛି।….

ପିଡିଏସ ଚାଉଳର ଚୋରା କାରବାରର ତଦନ୍ତ କରିବା ପାଇଁ ଗଠିତ ହୋଇଥିବା ୭ ଜଣିଆ ଟିମ ପ୍ରାଥମିକ ତଦନ୍ତ ରିପୋର୍ଟ ପ୍ରଦାନ କରିଛନ୍ତି । RMC ଜଏଣ୍ଟ କମିଶନର, ଦୂଇଜଣ ଆଡିସନାଲ CSO, ଦୁଇଜଣିଆ କମିଟି ମାର୍କେଟିଙ୍ଗ ଇନ୍ସପେକ୍ଟର ଓ ଦୁଇଜଣ ତହସିଲଦାର ଘଟଣାର ପ୍ରାର୍ଥମିକ ତଦନ୍ତ ଶେଷ କରିବା ପରେ ରିପୋର୍ଟ ଦେଇଛନ୍ତି ।

ଟ୍ରାନ୍ସପୋର୍ଟ କଣ୍ଟ୍ରାକ୍ଟର ସନ୍ତୋଷ ଯାଦବ ଓ ଟ୍ରକ୍ ଡ୍ରାଇଭରଙ୍କ ନାମରେ ରଘୁନାଥପାଲ୍ଲି ଥାନାରେ ମାମଲା ରୁଜୁ ହେବା ପରେ ଉଭୟ ଫେରାର ହୋଇ ଯାଇଥିବା ଅଭିଯୋଗ ହୋଇଛି । ଦୁଇ ଫେରାର ଅଭିଯୁକ୍ତଙ୍କୁ ଗିରଫ କରିବା ପାଇଁ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଜାରି ରହିଥିବା ସୁଚନା ମିଳିଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।