ଜବରଦସ୍ତ ବିଜୟ ପରେ ଭାଜପାକୁ ଏମିତି ଅନୁରୋଧ କଲେ ପ୍ରଶାନ୍ତ କିଶୋର: ମୁଖ୍ୟମନ୍ତ୍ରୀଙ୍କୁ ତୁରନ୍ତ…
ପାଟନା,୩।୮: ଜନ ସୂରଜ ପାର୍ଟି (JSP)ର ପ୍ରତିଷ୍ଠାତା ପ୍ରଶାନ୍ତ କିଶୋର ବାଙ୍କିପୁର ଉପନିର୍ବାଚନରେ ବିଜୟ ହାସଲ କରିଛନ୍ତି। ସେ ଭାଜପା ପ୍ରାର୍ଥୀ ନୀରଜ କୁମାରଙ୍କୁ ପରାସ୍ତ କରିଛନ୍ତି। ସେ ଏହି ବିଜୟ ପାଇଁ ବାଙ୍କିପୁରର ଲୋକମାନଙ୍କୁ ଧନ୍ୟବାଦ ଦେଇଛନ୍ତି। ଜିତିବା ପରେ ପ୍ରଶାନ୍ତ କିଶୋର ଭାଜପା ଏବଂ ମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀଙ୍କୁ ଟାର୍ଗେଟ୍ କରିଛନ୍ତି।
ପ୍ରଶାନ୍ତ କିଶୋର କହିଛନ୍ତି, ଏହି ନିର୍ବାଚନ ଫଳାଫଳ ଭାଜପାକୁ ଏକ ବାର୍ତ୍ତା ଦେଉଛି ଯେ ବିହାରକୁ ଭଲ ନେତୃତ୍ୱର ଆବଶ୍ୟକତା ଅଛି। ଯଦି NDA ବିଫଳ ହୁଏ, ତେବେ ସେମାନେ ଏମିତି ଫଳାଫଳର ସମ୍ମୁଖୀନ ହେବେ।
ସେ ଜୋର ଦେଇ କହିଛନ୍ତି ଯେ, ଜଣେ ଅପରାଧୀକୁ ମୁଖ୍ୟମନ୍ତ୍ରୀ କରିବା ଦ୍ୱାରା ଏପରି ଫଳାଫଳ ମିଳିଥାଏ। ବ୍ୟକ୍ତି କିମ୍ବା ଦଳ ନିର୍ବିଶେଷରେ ବିହାରର ବିକାଶ ସର୍ବୋପରି। ସେ ସମ୍ରାଟଙ୍କୁ ହଟାଇ ଅନ୍ୟ କାହାକୁ ମୁଖ୍ୟମନ୍ତ୍ରୀ ଭାବରେ ନିଯୁକ୍ତ କରିବାକୁ ଭାଜପାକୁ ଅନୁରୋଧ କରିଥିଲେ।
ପ୍ରଶାନ୍ତ କିଶୋର କହିଛନ୍ତି, ଏହା ବାଙ୍କିପୁର ଲୋକଙ୍କ ପାଇଁ ଏକ ବିଜୟ। ଏହି ନିର୍ବାଚନ କେବଳ ଜଣେ ବିଧାୟକଙ୍କୁ ନିର୍ବାଚିତ କରିବା ପାଇଁ ନୁହେଁ; ଏହା ଭାଜପାର କେନ୍ଦ୍ରୀୟ ନେତୃତ୍ୱକୁ ଜଣେ ଯୋଗ୍ୟ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ ଭାବରେ ନିଯୁକ୍ତ କରିବା ପାଇଁ ଏକ ବାର୍ତ୍ତା। ଜନସାଧାରଣ ଆପଣଙ୍କ ୨୦୨ ଜଣ ବିଧାୟକଙ୍କୁ ନିର୍ବାଚିତ କରିଛନ୍ତି; ଦୟାକରି ବିହାରର ନେତୃତ୍ୱ ଜଣେ ଅପରାଧୀ କିମ୍ବା ସନ୍ଦେହଜନକ ଚରିତ୍ର ଥିବା ବ୍ୟକ୍ତିଙ୍କୁ ଦିଅନ୍ତୁ ନାହିଁ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
