US Plan: ୧୦ ଦେଶ ଉପରେ ୧୦୦% ଶୁଳ୍କ ଲଗାଇବାକୁ ଯୋଜନା କରୁଛି ଆମେରିକା

"ୱାସିଂଟନ: ଜଣେ ଆମେରିକୀୟ ସାଂସଦ ରୁଷ ଉପରେ କଟକଣା ଲାଗୁ କରିବା ପାଇଁ ଏକ ବିଲ୍‌ରେ ସଂଶୋଧନ ପ୍ରସ୍ତାବ ଦେଇଛନ୍ତି, ଯେଉଁଥିରେ ଭାରତ ସମେତ ରୁଷର ପ୍ରମୁଖ ବାଣିଜ୍ୟିକ ଅଂଶୀଦାରଙ୍କ ନାମ ଅନ୍ତର୍ଭୁକ୍ତ କରିବାକୁ ଦାବି କରାଯାଇଛି। "ଲିଣ୍ଡସେ ଓ.

ଗ୍ରାହାମ ସୀଙ୍କସନ୍ସିଂ ରୁଷ ଆଣ୍ଡ ଇରାନ ଆକ୍ଟ" ନାମକ ଏହି ବିଲ୍ ଗତ ମାସରେ ଆମେରିକା ସିନେଟ୍ ଦ୍ୱାରା ବଡ଼ ବହୁମତରେ ଗୃହୀତ ହୋଇଥିଲା।

ଏହାର ସପକ୍ଷରେ ୮୬ ଜଣ ସାଂସଦ ଭୋଟ୍ ଦେଇଥିବା ବେଳେ ୧୧ ଜଣ ବିପକ୍ଷରେ ଭୋଟ୍ ଦେଇଥିଲେ।

ଏହି ବିଲ୍ ରୁଷର ନେତୃତ୍ୱ ଏବଂ ଏହାର ଶକ୍ତି କ୍ଷେତ୍ର ଉପରେ କଟକଣା ଲଗାଇବା ସହିତ ତୈଳ ବିକ୍ରୟ କଟକଣାକୁ ଏଡ଼ାଇବା ପାଇଁ ରୁଷ ବ୍ୟବହାର କରୁଥିବା ଛାୟା ଫ୍ଲିଟ୍ ଜାହାଜଗୁଡ଼ିକ ଉପରେ କଟକଣା ଲଗାଇବା ପାଇଁ ଲକ୍ଷ୍ୟ ରଖିଛି।

ଆମେରିକା କହିଛି ଯେ, ରୁଷ ଅଶୋଧିତ ତେଲ ବିକ୍ରୟ କରି ଯେଉଁ ଟଙ୍କା ରୋଜଗାର କରୁଛି ତାହା ୟୁକ୍ରେନ ବିରୋଧରେ ଯୁଦ୍ଧରେ ବ୍ୟବହୃତ ହେଉଛି।ଏହି ବିଲ୍‌ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଚୀନ୍ ଏବଂ ଭାରତ ସମେତ ପ୍ରମୁଖ ରୁଷୀୟ ତୈଳ କ୍ରେତାମାନଙ୍କ ଉପରେ ୧୦୦% ପର୍ଯ୍ୟନ୍ତ ଶୁଳ୍କ ଲଗାଇବାର କ୍ଷମତା ପ୍ରଦାନ କରିବାର ପ୍ରସ୍ତାବ ମଧ୍ୟ ଦିଆଯାଇଛି।

ଅଗଷ୍ଟ ୭ ତାରିଖରେ ଆମେରିକା ସିନେଟ୍ ଦ୍ୱାରା ଗୃହୀତ ଏହି ବିଲ୍‌ରେ ରୁଷର ବାଣିଜ୍ୟିକ ଅଂଶୀଦାରଙ୍କ ନାମ ନାହିଁ।

ତେବେ ଏଥିରେ ପରିମାଣ ଅନୁସାରେ ବିଶ୍ୱର ପାଞ୍ଚଟି ସର୍ବବୃହତ ତୈଳ ଏବଂ ଗ୍ୟାସ୍ କ୍ରେତାଙ୍କ ନାମ ଉଲ୍ଲେଖ ଅଛି।

ଏହାକୁ ରାଷ୍ଟ୍ରପତି ଟ୍ରମ୍ପଙ୍କ ନିକଟକୁ ପଠାଇବା ପୂର୍ବରୁ ଆମେରିକାର ପ୍ରତିନିଧି ସଭା ଦ୍ୱାରା ମଧ୍ୟ ଗୃହୀତ କରିବାକୁ ପଡ଼ିବ।

ଆମେରିକାର ମଧ୍ୟବର୍ତ୍ତୀକାଳୀନ ନିର୍ବାଚନ ନଭେମ୍ବର ୩ ତାରିଖରେ ହେବାକୁ ଯାଉଛି।

ଏହା ପୂର୍ବରୁ ପ୍ରତିନିଧି ସଭାର ସାଧାରଣ କାର୍ଯ୍ୟ କେବଳ ଚାରି ଦିନ ବାକି ଅଛି।Advertisment ଏବେ ଡେମୋକ୍ରାଟିକ୍ କଂଗ୍ରେସମ୍ୟାନ୍ ଷ୍ଟେନି ହୋଇୟର ବିଲ୍‌ରେ ଏକ ସଂଶୋଧନ ଆଗତ କରିଛନ୍ତି, ଯେଉଁଥିରେ ସ୍ପଷ୍ଟ ଭାବରେ ୧୦୦% ପର୍ଯ୍ୟନ୍ତ ଶୁଳ୍କ ଲାଗୁ ହେଉଥିବା ଦେଶଗୁଡ଼ିକର ନାମ ଉଲ୍ଲେଖ କରିବାକୁ ଦାବି ହୋଇଛି।

ଭାରତ ସମେତ ୧୦ଟି ଦେଶର ନାମ ଯୋଡିବାକୁ ଦାବି କରାଯାଇଛି।

ସେସବୁ ଦେଶଗୁଡ଼ିକ ମଧ୍ୟରେ ଚୀନ୍, ଭାରତ, ତୁର୍କୀ, ଆଜରବାଇଜାନ, ହଙ୍ଗେରୀ, ସ୍ଲୋଭାକିଆ ଗଣରାଜ୍ୟ, ସଂଯୁକ୍ତ ଆରବ ଏମିରେଟ୍ସ (ୟୁଏଇ),ସିଙ୍ଗାପୁର,କାଜାଖସ୍ତାନ ଏବଂ କିର୍ଗିଜସ୍ତାନ ଅଛନ୍ତି।

ଏହି ବିଲ୍‌ଟି ରୁଷର ତୈଳ ଏବଂ ଗ୍ୟାସ୍ ବାଣିଜ୍ୟ ଉପରେ ଚାପ ବୃଦ୍ଧି କରିବା ପାଇଁ ଉଦ୍ଦିଷ୍ଟ।

ଭାରତ ରୁଷର ଅଶୋଧିତ ତୈଳର ଏକ ପ୍ରମୁଖ କ୍ରେତା।

ତେଣୁ ଭାରତ ଉପରେ ପ୍ରଭାବ ପଡ଼ିବାର ଆଶଙ୍କା ରହିଛି।

ଆଶ୍ଚର୍ଯ୍ୟଜନକ କଥା ହେଉଛି, କିଛି ଡେମୋକ୍ରାଟିକ୍ ସାଂସଦ ମଧ୍ୟ ରୁଷର ବାଣିଜ୍ୟିକ ଅଂଶୀଦାରମାନଙ୍କ ଉପରେ ଅଧିକ ଶୁଳ୍କ ଲାଗୁ କରିବାର ଅଧିକାର ଟ୍ରମ୍ପଙ୍କୁ ଦେବାକୁ ବିରୋଧ କରୁଛନ୍ତି।

ଡେମୋକ୍ରାଟିକ୍ କଂଗ୍ରେସମ୍ୟାନ୍ ଗ୍ରେଗୋରୀ ମିକ୍ସ ଏକ ପୃଥକ ସଂଶୋଧନ ଆଗତ କରିଛନ୍ତି ଯାହା ବିଲ୍‌ରୁ "ନିୟମ ୧୧୩"କୁ ସମ୍ପୂର୍ଣ୍ଣ ଭାବରେ ହଟାଇବା ପାଇଁ ଆହ୍ୱାନ କରୁଛି।

ଏହି ନିୟମ ରାଷ୍ଟ୍ରପତିଙ୍କୁ ରୁଷର ବାଣିଜ୍ୟିକ ଅଂଶୀଦାରମାନଙ୍କ ଉପରେ ୧୦୦% ପର୍ଯ୍ୟନ୍ତ ବ୍ୟାପକ ଅତିରିକ୍ତ ଶୁଳ୍କ ଲାଗୁ କରିବାକୁ ଅଧିକାର ଦେଉଛି।

ସ୍ତ୍ରୀକୁ ହତ୍ୟା ଅଭିଯୋଗରେ ସ୍ୱାମୀ ଅଟକ "