Trump's Major Revelation: ଟ୍ରମ୍ପଙ୍କ ବଡ଼ ଖୁଲାସା:ପାକିସ୍ତାନର ଅନୁରୋଧରେ ଇରାନକୁ ମିଳିଛି ସମୟ

"ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମନ୍ତବ୍ୟ ପୁଣି ଥରେ ବିଶ୍ୱ ରାଜନୀତିରେ ଆଲୋଡ଼ନ ସୃଷ୍ଟି କରିଛି।

ୱାସିଂଟନରେ ଗଣମାଧ୍ୟମ ସହିତ କଥାବାର୍ତ୍ତା ସମୟରେ ଟ୍ରମ୍ପ ପାକିସ୍ତାନକୁ ପ୍ରଶଂସା କରିଛନ୍ତି।

ପାକିସ୍ତାନର ଶୀର୍ଷ ନେତୃତ୍ୱଙ୍କ ଅନୁରୋଧରେ ସେ ଇରାନ ବିରୋଧରେ ତାଙ୍କର ଆଭିମୁଖ୍ୟକୁ କୋହଳ କରିଥିବା ପ୍ରକାଶ କରିଛନ୍ତି।

ସେ ଦାବି କରିଛନ୍ତି ଯେ, ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ଏବଂ ଫିଲ୍ଡ ମାର୍ଶାଲ ଅସୀମ ମୁନିର ତାଙ୍କୁ ଇରାନକୁ କିଛି ସମୟ ଦେବାକୁ ଅନୁରୋଧ କରିଥିଲେ, ଯାହାକୁ ସେ ଗ୍ରହଣ କରିଥିଲେ।

Advertisment ଟ୍ରମ୍ପଙ୍କ ଦାବି, ନିଜକୁ ନିଜେ ଦେଲେ ଶ୍ରେୟ ଟ୍ରମ୍ପଙ୍କ ଅନୁସାରେ, ପାକିସ୍ତାନର ଇରାନ ସହିତ ଘନିଷ୍ଠ ସମ୍ପର୍କ ରହିଛି ଏବଂ ପାକିସ୍ତାନୀ ନେତୃତ୍ୱ ଇରାନକୁ ସଠିକ୍ ରାସ୍ତାରେ ଆସିବାକୁ ପ୍ରେରଣା ଦେବାକୁ ଚେଷ୍ଟା କରୁଛନ୍ତି।

ହ୍ୱାଇଟ୍ ହାଉସରେ ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ଟ୍ରମ୍ପ କହିଛନ୍ତି, ମୁଁ ପାକିସ୍ତାନକୁ ସାହାଯ୍ୟ କରିଛି।

ସେମାନଙ୍କ ପ୍ରଧାନମନ୍ତ୍ରୀ ଏବଂ ଫିଲ୍ଡ ମାର୍ଶାଲଙ୍କ ଅନୁରୋଧରେ, ମୁଁ ଇରାନକୁ କିଛି ଆଶ୍ୱସ୍ତି ଦେଇଛି।

ଟ୍ରମ୍ପ ପୁଣିଥରେ ଦକ୍ଷିଣ ଏସିଆରେ ଶାନ୍ତି ପାଇଁ ନିଜକୁ ନିଜେ ଶ୍ରେୟ ଦେଇଛନ୍ତି।

ସେ ଦାବି କରିଛନ୍ତି ଯେ, ଯଦି ମୁଁ ହସ୍ତକ୍ଷେପ କରିନଥାନ୍ତି, ତେବେ ଭାରତ ଏବଂ ପାକିସ୍ତାନ ମଧ୍ୟରେ ଏକ ବଡ଼ ପରମାଣୁ ଯୁଦ୍ଧ ହୋଇଥାନ୍ତା।

ଆମେ ସେମାନଙ୍କୁ ଯୁଦ୍ଧ କରିବାକୁ ରୋକିଥିଲୁ।

ଯଦି ମୁଁ ନ ଥାଆନ୍ତି, ତେବେ ଏହା ପରମାଣୁ ଯୁଦ୍ଧରେ ପରିଣତ ହୋଇଥାଆନ୍ତା।

ତେବେ ଏହି ଦାବିକୁ ସମର୍ଥନ କରିବା ପାଇଁ ସେ କୌଣସି ନିର୍ଦ୍ଦିଷ୍ଟ ତଥ୍ୟ ପ୍ରକାଶ କରି ନାହାନ୍ତି।

ଇରାନ ଉପରେ ପୁଣି ଆକ୍ରମଣ କଲା ଆମେରିକା: ସୂର୍ଯ୍ୟୋଦୟ ପୂର୍ବରୁ ଏୟାର ଷ୍ଟ୍ରାଇକ୍ ହୋଇଥିବା କହିଲା ସେଣ୍ଟକମ୍ "