The balance of the earth: ଭୂତଳ ଜଳ ଶୋଷଣ ଯୋଗୁଁ ପୃଥିବୀର ସନ୍ତୁଳନ ବିଗୁଡୁଛି: ଜଳ ବ୍ୟବହାରରେ ଭାରତ-ଆମେରିକା ଶୀର୍ଷରେ

"ନୂଆଦିଲ୍ଲୀ: ମାନବୀୟ କାର୍ଯ୍ୟକଳାପ, ଅତ୍ୟଧିକ ଶିଳ୍ପାୟନ ଏବଂ ବ୍ୟାପକ ଜଳ ଶୋଷଣ ଯୋଗୁଁ ପୃଥିବୀର ଭୌଗୋଳିକ ସନ୍ତୁଳନ ଏବେ ବିପର୍ଯ୍ୟସ୍ତ ହେବାରେ ଲାଗିଛି।

ଏକ ସଦ୍ୟତମ  ବୈଜ୍ଞାନିକ ଗବେଷଣାରୁ ଚାଞ୍ଚଲ୍ୟକର ତଥ୍ୟ ସାମନାକୁ ଆସିଛି।

ଏହି ଅଧ୍ୟୟନ ଅନୁଯାୟୀ, ମଣିଷ ଦ୍ୱାରା କରାଯାଉଥିବା ଅତ୍ୟଧିକ ଭୂତଳ ଜଳ ନିଷ୍କାସନ ଏବଂ ପୃଥିବୀର ଘୂର୍ଣ୍ଣନ ଅକ୍ଷ  ସ୍ଥାନାନ୍ତର ମଧ୍ୟରେ ଏକ ପ୍ରତ୍ୟକ୍ଷ ସମ୍ପର୍କ ରହିଛି।

ଗବେଷକମାନେ ସ୍ପଷ୍ଟ କରିଛନ୍ତି ଯେ, ୧୯୯୩ ରୁ ୨୦୧୦ ମସିହା ମଧ୍ୟରେ ବିଶ୍ୱବ୍ୟାପୀ ପ୍ରାୟ ୩୧.୫ ଇଞ୍ଚ (୮୦୦ ମିଲିମିଟର) ଭୂତଳ ଜଳ ସମ୍ପୂର୍ଣ୍ଣ ରୂପେ ଶେଷ ହୋଇଯାଇଛି।

ଏହି ବିପୁଳ ପରିମାଣର ଜଳ ଶୋଷଣ ମାମଲାରେ ଭାରତ ଏବଂ ଆମେରିକା ସାରା ବିଶ୍ୱରେ ସବୁଠାରୁ ଆଗରେ ରହିଛନ୍ତି।

Advertisment Neglect: ରୋଗୀଙ୍କ ଯନ୍ତ୍ରଣା ଠାରୁ ବଳି ପଡୁଛି ରୋଗୀକୁ ଖଟିଆରେ ବୋହୁଥିବା ଲୋକଙ୍କ କଷ୍ଟ ସମୁଦ୍ର ପତ୍ତନ ବୃଦ୍ଧି ନେଇ  ଗମ୍ଭୀର ଚେତାବନୀ ବିଜ୍ଞାନୀମାନଙ୍କ ମୁତାବକ, ପୂର୍ବରୁ ମାଟି ତଳେ ସୁରକ୍ଷିତ ଭାବେ ଗଚ୍ଛିତ ଥିବା ଏହି ବିପୁଳ ଜଳରାଶିକୁ ବାହାର କରିବା ପରେ ତାହା ପୁନଃବଣ୍ଟନ ପ୍ରକ୍ରିୟାରେ ସମୁଦ୍ରରେ ଯାଇ ମିଶୁଛି।

ଏହା ଦ୍ୱାରା ପୃଥିବୀର ବସ୍ତୁତ୍ୱ ସନ୍ତୁଳନ (ମାସ୍‌ ବାଲାନ୍ସ)ରେ ଏକ ବଡ଼ଧରଣର ପରିବର୍ତ୍ତନ ଆସିଛି।

ଭୂ-ଭୌତିକ ମଡେଲ୍‌ ଏବଂ ୧୯୯୦ ତଥା ୨୦୦୦ ଦଶକର ସାଟେଲାଇଟ୍ ତଥ୍ୟକୁ ଆଧାର କରି ବୈଜ୍ଞାନିକମାନେ ଏହି ପରିବର୍ତ୍ତନକୁ ଚିହ୍ନଟ କରିଛନ୍ତି।

ପୃଥିବୀର ଏହି  ପରିବର୍ତ୍ତନ ବା ଢଳିବା ପ୍ରକ୍ରିୟା ଗ୍ଲେସିୟର ଓ ବରଫ ଚାଦର  ତରଳିବା ଦ୍ୱାରା ହେଉଥିବା ପ୍ରଭାବ ସହିତ ସମାନ ବୋଲି ପ୍ରମାଣିତ ହୋଇଛି।

ବିଜ୍ଞାନ ଇତିହାସରେ ପ୍ରଥମ ଥର ପାଇଁ ଭୂତଳ ଜଳର ହ୍ରାସକୁ ପୃଥିବୀର ଅକ୍ଷ ବଦଳିବା ସହ ପ୍ରତ୍ୟକ୍ଷ ଭାବେ ଯୋଡ଼ାଯାଇଛି।

ଏହି ସୂକ୍ଷ୍ମ କିନ୍ତୁ ଭୌଗୋଳିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ପାଇଁ ଭାରତ ଓ ଆମେରିକାର ଜଳ ବ୍ୟବହାର ନୀତି ମୁଖ୍ୟତଃ ଦାୟୀ।

Cricket: ଯଦୁପୁର କ୍ରିକେଟ୍‌ ଏକାଡେମୀର ସହଜ ବିଜୟ: ସିଦ୍ଧାନ୍ତ ସ୍ମାରକୀ ପାରାମାଉଣ୍ଟ୍‌ କପ୍‌ ଆରମ୍ଭ ଭାରତରେ କୃଷି କାର୍ଯ୍ୟ ପାଇଁ ହେଉଥିବା ସେଚନ ଏବଂ ପାନୀୟ ଜଳର ଆବଶ୍ୟକତା ମେଣ୍ଟାଇବା ପାଇଁ ଭୂତଳ ଜଳର ସର୍ବାଧିକ ବ୍ୟବହାର କରାଯାଏ, ଯେଉଁଠାରେ ଦେଶର ପ୍ରାୟ ୬୦ ପ୍ରତିଶତରୁ ଅଧିକ ଜଳସେଚନ କେବଳ ଏହି ଜଳ ଉପରେ ନିର୍ଭର କରେ।

ଅପରପକ୍ଷରେ, ଆମେରିକାରେ ବୃହତ୍‌ ସ୍ତରର ବ୍ୟାପାରିକ ଚାଷ ଏବଂ ବିଭିନ୍ନ ଶିଳ୍ପାଞ୍ଚଳର ଆବଶ୍ୟକତା ପାଇଁ ମାଟି ତଳୁ ବ୍ୟାପକ ପରିମାଣର ଜଳ ନିଷ୍କାସନ କରାଯାଉଛି, ଯାହା ସେଠାକାର ମୋଟ ମଧୁରଜଳ ବ୍ୟବହାରର ପ୍ରାୟ ୨୫ ପ୍ରତିଶତ ଅଟେ।

ଏହି ଅଧ୍ୟୟନ ବିଶ୍ୱବାସୀଙ୍କୁ ଏକ ବଡ଼ ଚେତାବନୀ ଦେଇଛି।

ପୃଥିବୀର ବେଗ ଓ ଢଳିବା ପ୍ରକ୍ରିୟାରେ ଏହି ପରିବର୍ତ୍ତନ ଭବିଷ୍ୟତରେ ବିଶ୍ୱର ଜଳବାୟୁ ପ୍ରଣାଳୀ ଏବଂ ସମୁଦ୍ର ପତ୍ତନ ବୃଦ୍ଧି ଉପରେ ଦୀର୍ଘକାଳୀନ କୁପ୍ରଭାବ ପକାଇବ।

ମାନବ ସମାଜ ଯେ ବର୍ତ୍ତମାନ ପୃଥିବୀର ପ୍ରାକୃତିକ ଓ ଭୌତିକ ପ୍ରକ୍ରିୟାକୁ ବଦଳାଇବା ପାଇଁ ଏକ ଶକ୍ତିଶାଳୀ କାରଣ ସାଜିଛି, ଏହି ଗବେଷଣା ତାହାର ସ୍ପଷ୍ଟ ପ୍ରମାଣ ଦେଇଛି।

ଯଦି ବିଶ୍ୱବ୍ୟାପୀ ଜଳ ସଂରକ୍ଷଣ ଏବଂ ସୁଦୂରପ୍ରସାରୀ ଜଳ ପରିଚାଳନା ନୀତିକୁ ତୁରନ୍ତ ଲାଗୁ କରାନଯାଏ, ତେବେ ଆଗାମୀ ଦିନରେ ଏହି ଭୂତଳ ଜଳର ଅହେତୁକ ଶୋଷଣ ବିଶ୍ୱରେ ସମୁଦ୍ର ପତ୍ତନ ବୃଦ୍ଧି  ପ୍ରକ୍ରିୟାକୁ ଆହୁରି ତୀବ୍ର କରିବ ବୋଲି ବୈଜ୍ଞାନିକମାନେ ଆଶଙ୍କା ପ୍ରକାଶ କରିଛନ୍ତି।"