Temple stampede: ଶିବ ମନ୍ଦିରରେ ଦଳାଚକଟା: ୭ ଶ୍ରଦ୍ଧାଳୁ ମୃତ, ୧୨ରୁ ଊର୍ଦ୍ଧ୍ବ ଆହତ

"ଲଖିସରାଇ: ପବିତ୍ର ଶ୍ରାବଣ ମାସର ତୃତୀୟ ସୋମବାରରେ ବିହାରର ଲଖିସରାଇ ଜିଲ୍ଲାର ଅଶୋକ ଧାମ ମନ୍ଦିର ପରିସରରେ ଦଳାଚକଟା ଯୋଗୁଁ ୭ ଶ୍ରଦ୍ଧାଳୁଙ୍କର ମୃତ୍ୟୁ ଘଟିଛି।

ଘଟଣାରେ ୧୨ରୁ ଅଧିକ ଆହତ ହୋଇଛନ୍ତି।

ମୃତାହତଙ୍କ ସଂଖ୍ୟା ବଢ଼ିବା ଆଶଙ୍କା କରାଯାଉଛି।

ଶ୍ରଦ୍ଧାଳୁମାନେ ବାବା ଭୋଲେନାଥଙ୍କୁ ଜଳ ଅର୍ପଣ କରିବା ପାଇଁ ମନ୍ଦିରରେ ପହଞ୍ଚିଥିଲେ।

ଦଳାଚକଟା‌ରେ ମୃତ୍ୟୁବରଣ କରିଥିବା ଶ୍ରଦ୍ଧାଳୁଙ୍କ ମଧ୍ୟରୁ ଅଧିକାଂଶ ମହିଳା ଅଛନ୍ତି।

ଆହତମାନଙ୍କୁ ଚିକିତ୍ସା ଲାଗି ସଦର ହସ୍ପିଟାଲରେ ଭର୍ତ୍ତି କରାଯାଇଛି।

Advertisment ସୂଚନା ଅନୁଯାୟୀ, ତୃତୀୟ ସୋମବାର ଦିନ ପ୍ରାୟ ୫୦ ହଜାର ଶ୍ରଦ୍ଧାଳୁ ଜଳାଭିଷେକ କରିବାକୁ ପହଞ୍ଚିଥିଲେ।

ଫଳରେ ଦଳାଚକଟା ହୋଇଥିଲା।

ଶ୍ରଦ୍ଧାଳୁମାନେ ଏଣେତେଣେ ଦୌଡ଼ିବାକୁ ଲାଗିଥିଲେ।

ଅନେକ ଲୋକ ତଳେ ଚାପି ହୋଇଯାଇଥିଲେ।

ସୂଚନା ପାଇ ପ୍ରଶାସନିକ ଦଳ ଉଦ୍ଧାର କାର୍ଯ୍ୟ ଚଳାଇଛି।

ସୋମବାର ସକାଳେ ଅଶୋକ ଧାମରେ ​​ପୂଜା ସମୟରେ ଏକ ଗୁଜବ ପ୍ରଚାରିତ ହୋଇଥିଲା ଯେ ଏକ ବିଦ୍ୟୁତ୍ ଖୁଣ୍ଟ ଭାଙ୍ଗି ପଡ଼ିଛି ଏବଂ ବିଦ୍ୟୁତ୍ କରେଣ୍ଟ ଚାର୍ଜ ହୋଇଯାଇଛି।

ଯାହା ଫଳରେ ଲୋକମାନେ ବିଦ୍ୟୁତ୍ ଆଘାତରୁ ନିଜକୁ ବଞ୍ଚାଇବା ପାଇଁ ଏଣେତେଣେ ଦୌଡ଼ିବାକୁ ଲାଗିଥିଲେ।

CM Vijay: ମୁଁ ପୁଲିସ ଉପରେ ବିଶ୍ବାସ କଲି; ସେମାନେ ମୋତେ ଦଳାଚକଟା ପାଇଁ ଦୋଷୀ କଲେ: ବିଜୟ ଘଟଣା ସମ୍ପର୍କରେ, ଜିଲ୍ଲା ମାଜିଷ୍ଟ୍ରେଟ୍ କହିଛନ୍ତି ଯେ ସମଗ୍ର ପୁଲିସ ଏବଂ ପ୍ରଶାସନ ଦଳ ଭୋର୍ ୩ଟାରୁ ସାଢ଼େ ୩ଟା ପର୍ଯ୍ୟନ୍ତ ଘଟଣାସ୍ଥଳରେ ଉପସ୍ଥିତ ଥିଲେ ଏବଂ ପ୍ରାୟ ୬ଟା ୪୫ ପର୍ଯ୍ୟନ୍ତ ସେଠାରେ ରହିଥିଲେ।

ସବୁକିଛି ବ୍ୟବସ୍ଥିତ ଥିଲା।

ହଠାତ୍ ଏକ ଅପ୍ରତ୍ୟାଶିତ ଭିଡ଼ ଜମା ହୋଇଯାଇଥିଲା।

ଏହି ସମୟରେ ସକାଳ ସାଢ଼େ ୬ ରୁ ଋଟା ୪୫ ମଧ୍ୟରେ ଦୁଇଟି ଟ୍ରେନ୍ ଅଟକିଥିଲା।

ଯାହା ଫଳରେ ମନ୍ଦିରରେ ଭିଡ଼ ଅଧିକ ହୋଇଯାଇଥିଲା।

ମନ୍ଦିରରେ ପୂର୍ବରୁ ଭିଡ଼ ଥିଲା, ଏବଂ ଟ୍ରେନ୍‌ଗୁଡ଼ିକର ଆଗମନ ଭିଡ଼କୁ ପୁଣି ବୃଦ୍ଧି କରିଥିଲା।

ଜିଲ୍ଲା ମାଜିଷ୍ଟ୍ରେଟ୍ କହିଛନ୍ତି, ଗୋଟିଏ ପାର୍ଶ୍ୱର ଏକ କ୍ଷେତରୁ ଏକ ଭିଡ଼ ମାଡ଼ି ଅସିଥିଲେ।

ଯାହା ଫଳରେ ବ୍ୟାରିକେଡ୍ ଭାଙ୍ଗି ଯାଇଥିଲା ଏବଂ ଲୋକମାନେ ପରସ୍ପର ଉପରେ ପଡ଼ିବାକୁ ଲାଗିଥିଲେ ଯାହା ଫଳରେ ଦଳାଚକଟା ହୋଇଥିଲା।

"