Strait of Hormuz: ହୋର୍ମୁଜରେ ଇରାନର ପୁଣି ଆକ୍ରମଣ; ୨ଟି ଜାହାଜକୁ କଲା ମିସାଇଲ ମାଡ଼, ବିପଦରେ ଶାନ୍ତିଚୁକ୍ତି
ନୂଆଦିଲ୍ଲୀ,୦୭/୦୭; ହୋର୍ମୁଜ ପ୍ରଣାଳୀରେ ପୁଣି ଥରେ ଉତ୍ତେଜନା ବୃଦ୍ଧି ପାଇଛି । ଆମେରିକୀୟ ଅଧିକାରୀଙ୍କ ଅନୁଯାୟୀ, ସୋମବାର ରାତିରେ ଇରାନୀ ସେନା ହୋର୍ମୁଜ ପ୍ରଣାଳୀ ଦେଇ ଯାଉଥିବା ଦୁଇଟି ବାଣିଜ୍ୟିକ ଜାହାଜ ଉପରେ କ୍ଷେପଣାସ୍ତ୍ର ମାଡ଼ କରିଛି । ହୋର୍ମୁଜ ପ୍ରଣାଳୀରେ ଆକ୍ରମଣ ବନ୍ଦ କରିବା ପାଇଁ ଆମେରିକା ଏବଂ ଇରାନ ମଧ୍ୟରେ ଏକ ସପ୍ତାହ ଧରି ଚାଲିଥିବା ଚୁକ୍ତିନାମାର ଅବଧି ଶେଷ ହେବାର କିଛି ଦିନ ପରେ ଏହି ଆକ୍ରମଣ ହୋଇଛି । ଏହି ଆକ୍ରମଣ ପ୍ରାୟ ତିନି ସପ୍ତାହ ପୂର୍ବେ ଆମେରିକା ଏବଂ ଇରାନ ମଧ୍ୟରେ ସ୍ୱାକ୍ଷରିତ ୧୪-ସୂତ୍ରୀ ବୁଝାମଣାପତ୍ର (MoU)କୁ ମଧ୍ୟ ବିପଦରେ ପକାଇଛି । ଆମେରିକା ଏବେ ଇରାନୀ ଲକ୍ଷ୍ୟସ୍ଥଳ ବିରୁଦ୍ଧରେ ପ୍ରତିଶୋଧମୂଳକ ଆକ୍ରମଣ କରିପାରେ । ପୁଣି ଦୁଇ ଦେଶ ମଧ୍ୟରେ ଯୁଦ୍ଧ ଆଶଙ୍କା ବଢିଛି । ଏହି ଆକ୍ରମଣ ଆମେରିକା ଏବଂ ଇରାନ ମଧ୍ୟରେ ଯୁଦ୍ଧ ଶେଷ କରିବାକୁ ହୋଇଥିବା ଆଲୋଚନା ଉପରେ ପ୍ରଭାବ ପକାଇପାରେ ।
ଏହା ବି ପଢନ୍ତୁ...ଖାମେନେଇଙ୍କ ଅନ୍ତିମ ଯାତ୍ରାରେ ସାମିଲ ହେଲେ ହମାସ, ହିଜବୁଲା ଏବଂ ହୁତି ବିଦ୍ରୋହୀ, ଏବେ ବି ସକ୍ରିୟ ‘ଆକ୍ସିସ୍ ଅଫ୍ ରେଜିଷ୍ଟାନ୍ସ’
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
