RBI: ରିଜର୍ଭ ବ୍ୟାଙ୍କ ବୋର୍ଡରେ ମହିନ୍ଦ୍ରା, ସୋମନାଥଙ୍କୁ ନିଯୁକ୍ତି

"ମୁମ୍ବାଇ: ଭାରତୀୟ ରିଜର୍ଭ ବ୍ୟାଙ୍କର କେନ୍ଦ୍ରୀୟ ବୋର୍ଡରେ ମହିନ୍ଦ୍ରା ଗ୍ରୁପ୍‌ର ଅଧ୍ୟକ୍ଷ ଆନନ୍ଦ ମହିନ୍ଦ୍ରାଙ୍କୁ ପୁଣିଥରେ ଅସ୍ଥାୟୀ ନନ୍ ଅଫିସିଆଲ୍ ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି।

ଏଥିସହ ପୂର୍ବତନ ଇସ୍ରୋ ଅଧ୍ୟକ୍ଷ ଏସ୍.

ସୋମନାଥଙ୍କୁ ମଧ୍ୟ ନନ୍ ଅଫିସିଆଲ୍ ନିର୍ଦ୍ଦେଶକ ଭାବେ ସାମିଲ କରାଯାଇଛି।

ଉଭୟଙ୍କ ନିଯୁକ୍ତି ୨୦୧୬ ଅଗଷ୍ଟ ୨୦ରୁ ୪ ବର୍ଷ ପାଇଁ କାର୍ଯ୍ୟକାରୀ ହେବ କିମ୍ବା ପରବର୍ତ୍ତୀ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ଏହା ବଳବତ୍ତର ରହିବ।Advertisment ବିଭିନ୍ନ କ୍ଷେତ୍ରର ଅଭିଜ୍ଞତା ଆନନ୍ଦ ମହିନ୍ଦ୍ରାଙ୍କୁ ପ୍ରଥମେ ୨୦୨୨ ଜୁନ୍‌ରେ ରିଜର୍ଭ ବ୍ୟାଙ୍କ୍ ବୋର୍ଡରେ ନିଯୁକ୍ତ କରାଯାଇଥିଲା।

ଏବେ ତାଙ୍କୁ ଆଉ ଏକ ୪ ବର୍ଷିଆ କାର୍ଯ୍ୟକାଳ ପାଇଁ ପୁନଃ ନିଯୁକ୍ତି ଦିଆଯାଇଛି।

ମହିନ୍ଦ୍ରା ଗ୍ରୁପ୍‌ର ଅଧ୍ୟକ୍ଷ ଭାବେ ସେ ଅଟୋମୋବାଇଲ୍, କୃଷି ଉପକରଣ, ଆଇଟି, ଆର୍ଥିକ ସେବା, ରିଅଲ୍ ଇଷ୍ଟେଟ୍, ଲଜିଷ୍ଟିକ୍ସ ଓ ହସ୍ପିଟାଲିଟି ଭଳି ବିଭିନ୍ନ କ୍ଷେତ୍ରର ଅଭିଜ୍ଞତା ରଖିଛନ୍ତି।

ତାଙ୍କ ପୁନଃ ନିଯୁକ୍ତି ରିଜର୍ଭ ବ୍ୟାଙ୍କ ବୋର୍ଡରେ ଶିଳ୍ପ ଓ ବ୍ୟବସାୟ କ୍ଷେତ୍ରର ଅଭିଜ୍ଞତାକୁ ଜାରି ରଖିବ ବୋଲି ମନେ କରାଯାଉଛି।

ARM: ବାପାଙ୍କୁ ହରାଇବା ପରେ ପାଠପଢ଼ାରେ ଆର୍ଥିକ ବାଧା, ମାଗଣା ବସ୍‌ ପାସ୍‌ ସହ ଛାତ୍ରୀଙ୍କ ଶିକ୍ଷା ଖର୍ଚ୍ଚ ବହନ କରିବେ ଏଆରଏମ୍‌ ଅନ୍ୟପକ୍ଷରେ ଏସ୍.

ସୋମନାଥ ଜଣେ ଏରୋସ୍ପେସ୍ ଇଞ୍ଜିନିୟର ଏବଂ ୨୦୨୨ ଜାନୁଆରୀରୁ ୨୦୨୫ ଜାନୁଆରୀ ପର୍ଯ୍ୟନ୍ତ ଇସ୍ରୋର ଅଧ୍ୟକ୍ଷ ଓ ମହାକାଶ ବିଭାଗର ସଚିବ ଭାବେ କାର୍ଯ୍ୟ କରିଥିଲେ।

ତାଙ୍କ ନେତୃତ୍ୱ ସମୟରେ ଭାରତର ଐତିହାସିକ ଚନ୍ଦ୍ରଯାନ-୩ ମିଶନ ସଫଳ ହୋଇଥିଲା।

୨୦୨୫ ଜାନୁଆରିରେ ଇସ୍ରୋରୁ ଅବସର ନେବା ପରେ ସେ ବେଙ୍ଗାଲୁରୁ ନିକଟସ୍ଥ ଚାଣକ୍ୟ ୟୁନିଭର୍ସିଟିର କୁଳାଧିପତି ଭାବେ ନିଯୁକ୍ତ ହୋଇଥିଲେ।

ଆରବିଆଇର କେନ୍ଦ୍ରୀୟ ବୋର୍ଡ ହେଉଛି କେନ୍ଦ୍ରୀୟ ବ୍ୟାଙ୍କର ସର୍ବୋଚ୍ଚ ନିଷ୍ପତ୍ତି ନେବା ସଂସ୍ଥା।

ଏଥିରେ ରିଜର୍ଭ ବ୍ୟାଙ୍କ ଗଭର୍ଣ୍ଣର, ଡେପୁଟି ଗଭର୍ଣ୍ଣରଙ୍କ ସହ ସରକାରଙ୍କ ଦ୍ୱାରା ନିଯୁକ୍ତ ଅଫିସିଆଲ୍ ଓ ନନ୍-ଅଫିସିଆଲ୍ ନିର୍ଦ୍ଦେଶକ ରହିଥାନ୍ତି।

ସୋମନାଥଙ୍କ ସାମିଲ ହେବା ଫଳରେ ଆରବିଆଇ ବୋର୍ଡରେ ପ୍ରଯୁକ୍ତି ଓ ବିଜ୍ଞାନ କ୍ଷେତ୍ରର ଅଭିଜ୍ଞତା ବଢ଼ିବ।

ବିଶେଷକରି ଡିଜିଟାଲ୍ ପେମେଣ୍ଟ, ଆର୍ଥିକ ଭିତ୍ତିଭୂମିର ସୁଦୃଢ଼ତା ଓ ଉଦୀୟମାନ ପ୍ରଯୁକ୍ତି ସହ ଜଡ଼ିତ ଝୁମ୍ପକୁ ନେଇ ଆରବିଆଇର ବଢ଼ୁଥିବା ଗୁରୁତ୍ୱ ଦୃଷ୍ଟିରୁ ଏହି ନିଯୁକ୍ତିକୁ ଗୁରୁତ୍ୱପୂର୍ଣ୍ଣ ମନାଯାଉଛି।

"