Pollution: ‘ଦିଲ୍ଲୀ-ଏନ୍‌ସିଆର’ରେ ବାୟୁ ଗୁଣବତ୍ତା ଖରାପ! ଲାଗୁ ହେଲା ଜିଆରଏପି-୧ କଟକଣା

"ନୂଆଦିଲ୍ଲୀ: ଦିଲ୍ଲୀ ଏବଂ ଏହାର ଉପକଣ୍ଠରେ ଥଣ୍ଡା ସହିତ ପ୍ରଦୂଷଣ ବଢ଼ିବା ଆରମ୍ଭ ହୋଇଯାଇଛି।

ପବନର ଗତି ହ୍ରାସ ପାଇଛି।

ବାୟୁମଣ୍ଡଳରେ ଧୂଳି ଜମା ହେଉଛି।

ବାୟୁ ଗୁଣବତ୍ତା ଖରାପ ହେବାର ଆଶଙ୍କା ଦେଖାଯାଉଛି।

ଯାହା ଜଣାପଡୁଛି, ପାଣିପାଗରେ ବିଶେଷ ପରିବର୍ତ୍ତନ ହେବା ଆଶଙ୍କା କମ୍‌।

ପବନର ଗତି ହ୍ରାସ ପାଉଥିବାରୁ ଦିଲ୍ଲୀ-ଏନ୍‌ସିଆରର ଲୋକଙ୍କୁ ପ୍ରଦୂଷଣରୁ ଆଶ୍ବସ୍ତି ମିଳିବାର ଆଶା କମ୍ ହୋଇଯାଇଛି।

Advertisment ବାୟୁ ଗୁଣବତ୍ତା ଖରାପ ହେବା କାରଣରୁ ବାୟୁ ଗୁଣବତ୍ତା ପରିଚାଳନା ଆୟୋଗ (ସିଏକ୍ୟୁଏମ୍‌) ବୁଧବାର ଦିନ ପୂରା ଜାତୀୟ ରାଜଧାନୀ କ୍ଷେତ୍ର (ଏନ୍‌ସିଆର)ରେ ଗ୍ରେଡେଡ୍‌ ରେସ୍‌ପନ୍ସ ପ୍ଲାନ (ଜିଆରଏପି)ର ପ୍ରଥମ ପର୍ଯ୍ୟାୟ ଅର୍ଥାତ ଜିଆରଏପି-୧ ଲାଗୁ କରି ଦେଇଛି।

ଆୟୋଗ ପକ୍ଷରୁ ସମସ୍ତ ସଂପର୍କିତ ସଂସ୍ଥାକୁ ପ୍ରଦୂଷଣ ଉପରେ ନିୟନ୍ତ୍ରଣ କରିବା ପାଇଁ ପଦକ୍ଷେପ ନେବା ଏବଂ ବାୟୁ ଗୁଣବତ୍ତା ଉପରେ କ୍ରମାଗତ ଭାବରେ ନଜର ରଖିବାକୁ ନିର୍ଦ୍ଦେଶ ଦେଇଛି।

ସିଏକ୍ୟୁଏମ୍‌ ଆଦେଶ ଅନୁସାରେ ଦିଲ୍ଲୀର ବାୟୁ ଗୁଣବତ୍ତା କ୍ରମାଙ୍କ (ଏକ୍ୟୁଆଇ) ଅକ୍ଟୋବର ୨୦ରେ ୧୭୯ ଥିଲା, ଯାହା ମଡରେଟ କାଟାଗରିରେ ଆସିଥାଏ।

କିନ୍ତୁ ଅକ୍ଟୋବର ୨୧ ତାରିଖ ଅପରାହ୍ଣ ୨ଟାରେ ଏହା ବଢ଼ି ୨୪୪ରେ ପହଞ୍ଚି ଯାଇଥିଲା।

ଏଥି ସହିତ ଦିଲ୍ଲୀର ବାୟୁ ଖରାପ ବର୍ଗରେ ରେକର୍ଡ କରାଯାଇଛି।

Delhi Pollution Politics: ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଅନନ୍ୟ ଜ୍ଞାନ: ବାୟୁ ଗୁଣବତ୍ତା ସୂଚକାଙ୍କ ହେଲା ତାପମାତ୍ରା!

ଭାରତୀୟ ପାଣିପାଗ ବିଭାଗ ଏବଂ ଆଇଆଇଟିଏମ୍‌ର ପୂର୍ବାନୁମାନ ଅନୁସାରେ, ଆଗାମୀ ଦିନରେ ଦିଲ୍ଲୀର ବାୟୁ ଖରାପ ବର୍ଗରେ ରହିପାରେ।

ପ୍ରଦୂଷଣର ବର୍ତ୍ତମାନ ସ୍ଥିତି ଏବଂ ପାଣିପାଗର ପୂର୍ବାନୁମାନର ସମୀକ୍ଷା ପରେ ଜିଆରଏପି ଉପକମିଟି ପୂରା ଏନ୍‌ସିଆରରେ ପ୍ରଥମ ପର୍ଯ୍ୟାୟର ଉପାୟ ଜରୁରୀକାଳୀନ ଭାବେ ଲାଗୁ କରିବାକୁ ନେଇ ନିଷ୍ପତ୍ତି ନେଇଛି।

ସିଏକ୍ୟୁଏମ୍‌ର ଉପକମିଟି ପୂ୍ଦୂଷଣର ସ୍ଥିତି ଏବଂ ପାଣିପାଗର ପୂର୍ବାନୁମାନର କ୍ରମାଗତ ସମୀକ୍ଷା କରିବ।

ବାୟୁର ଗୁଣବତ୍ତାରେ ପରିବର୍ତ୍ତନ ଆଧାରରେ ଆଗାମୀ ପଦକ୍ଷେପ ଉପରେ ନିଷ୍ପତ୍ତି ନିଆଯିବ।

ଜିଆରଏପି-୧ ଲାଗୁ କରିବାର ଦିଲ୍ଲୀ, ହରିୟାଣା, ଉତ୍ତରପ୍ରଦେଶ ଏବଂ ରାଜସ୍ଥାନର ସଂପକିର୍ତ ଅଧିକାରୀଙ୍କୁ ମଧ୍ୟ ଆଦେଶ ପଠାଯାଇଛି।"