Nobel for 3 scientists: ‘ଅପ୍ଟୋଜେନେଟିକ୍ସ’ ଗବେଷଣା ପାଇଁ... ୩ ବୈଜ୍ଞାନିକଙ୍କୁ ନୋବେଲ

"ଷ୍ଟକହୋମ୍: ଚଳିତ ବର୍ଷର ଚିକିତ୍ସା ବିଜ୍ଞାନ କ୍ଷେତ୍ରରେ  ନୋବେଲ ପୁରସ୍କାର  ଆଜି ଘୋଷଣା କରାଯାଇଛି।

କାର୍ଲ ଡେସେରୋଥ୍‌, ପିଟର ହେଗେମ୍ୟାନ୍ ଏବଂ ଜର୍ଜ ନାଗେଲ୍‌ଙ୍କୁ ସେମାନଙ୍କର "ଲାଇଟ୍-ଗେଟେଡ୍ ଆୟନ ଚ୍ୟାନେଲ୍ସ" ଏବଂ "ଅପ୍ଟୋଜେନେଟିକ୍ସ" ଗବେଷଣା ପାଇଁ ମିଳିତ ଭାବେ ଏହି ସମ୍ମାନଜନକ ପୁରସ୍କାର ପ୍ରଦାନ କରାଯିବ।

ଚଳିତ ବର୍ଷ ପୁରସ୍କାର ବିଜେତା (ବ୍ୟକ୍ତି, ଗୋଷ୍ଠୀ କିମ୍ବା ସଂଗଠନ)ମାନଙ୍କୁ ମୋଟ ୧୨ ମିଲିୟନ ସ୍ୱିଡିସ କ୍ରୋନର (ପ୍ରାୟ ୧.୨ ମିଲିୟନ ଡଲାର)ର ପୁରସ୍କାର ରାଶି ପ୍ରଦାନ କରାଯିବାର ବ୍ୟବସ୍ଥା ରହିଛି।Advertisment Liver Transplantation: ଯକୃତ ପ୍ରତିରୋପଣ‌ରେ ଷ୍ଟାର୍‌ ହସ୍ପିଟାଲ୍‌ର ସଫଳତା ଆଲୋକ ଦ୍ୱାରା ମସ୍ତିଷ୍କର ସ୍ନାୟୁ କୋଷକୁ ନିୟନ୍ତ୍ରଣ କରିବା ପ୍ରଯୁକ୍ତି ପାଇଁ ୨ ଜର୍ମାନ ଓ ଜଣେ ଆମେରିକୀୟ ପୁରସ୍କୃତ ନୋବେଲ କମିଟି ପକ୍ଷରୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସୂଚନା ଦିଆଯାଇଛି ଯେ, ଚିକିତ୍ସା କ୍ଷେତ୍ରରେ ବୈଜ୍ଞାନିକମାନଙ୍କର ଏହି ଗବେଷଣା ମାଧ୍ୟମରେ ଏକ ଜୀବନ୍ତ ମସ୍ତିଷ୍କ ଭିତରେ ଥିବା  ସ୍ନାୟୁ କୋଷ (ନର୍ଭ ସେଲ୍ସ)ର ସକ୍ରିୟତାକୁ ଆଲୋକ ସାହାଯ୍ୟରେ ଚାଲୁ କରାଯାଇପାରିବ କିମ୍ବା ବନ୍ଦ କରାଯାଇପାରିବ।

ବର୍ତ୍ତମାନ ଏହି ଅତ୍ୟାଧୁନିକ ପଦ୍ଧତି ସାରା ବିଶ୍ୱର ବିଭିନ୍ନ ଗବେଷଣାଗାରରେ ମସ୍ତିଷ୍କର ଅନେକ ରହସ୍ୟ ଉନ୍ମୋଚନ କରିବା ପାଇଁ ବ୍ୟବହୃତ ହେଉଛି ବୋଲି କମିଟି ପ୍ରଶଂସା କରିଛି।

ଏହି ୩ ଜଣିଆ ବିଜେତାଙ୍କ ମଧ୍ୟରେ ଦୁଇଜଣ ଜର୍ମାନୀର ଏବଂ ଜଣେ ଆମେରିକୀୟ ଗବେଷକ ସାମିଲ ଅଛନ୍ତି, ଯେଉଁମାନେ ଚିକିତ୍ସା ବିଜ୍ଞାନ କ୍ଷେତ୍ରରେ ଏହି ଯୁଗାନ୍ତକାରୀ ଆବିଷ୍କାର କରିଛନ୍ତି।

Flydubai attack: ଫ୍ଲାଏଦୁବାଇ ଆକ୍ରମଣ ପ୍ରସଙ୍ଗରେ ଚାଞ୍ଚଲ୍ୟକର ତଥ୍ୟ: ବେନ୍ ଗୁରିଅନ୍ ବିମାନବନ୍ଦରରେ ଆତ୍ମଘାତୀ ଆକ୍ରମଣ ପାଇଁ ଥିଲା ଯୋଜନା ନୋବେଲ କମିଟିର ସୂଚୀ ଅନୁଯାୟୀ, ମଙ୍ଗଳବାର ପଦାର୍ଥ ବିଜ୍ଞାନ, ବୁଧବାର ରସାୟନ ବିଜ୍ଞାନ ଏବଂ ଗୁରୁବାର ସାହିତ୍ୟ କ୍ଷେତ୍ରରେ ନୋବେଲ ପୁରସ୍କାର ଘୋଷଣା କରାଯିବ।

ଏହାପରେ ଆସନ୍ତା ଶୁକ୍ରବାର ଦିନ  ନୋବେଲ ଶାନ୍ତି ପୁରସ୍କାର ପ୍ରଦାନ କରାଯିବାର କାର୍ଯ୍ୟକ୍ରମ ରହିଛି।

ଅକ୍ଟୋବର ୧୨ ତାରିଖ ଦିନ ଅର୍ଥଶାସ୍ତ୍ର କ୍ଷେତ୍ରରେ ବିଜେତାଙ୍କ ନାମ ଘୋଷଣା ସହ ଚଳିତ ବର୍ଷର ନୋବେଲ ପୁରସ୍କାର ପ୍ରଦାନ ପ୍ରକ୍ରିୟା ସମ୍ପୂର୍ଣ୍ଣ ହେବ।

ଗତବର୍ଷ  ଚିକିତ୍ସା ବିଜ୍ଞାନ କ୍ଷେତ୍ରରେ ବି ୩ ଜଣ ବୈଜ୍ଞାନିକ ମେରୀ ଇ.

ବ୍ରୁନକୋ, ଫ୍ରେଡ୍ ରାମସଡେଲ୍ ଏବଂ  ସିମୋନ ସାକାଗୁଚି ନୋବେଲ ପୁରସ୍କାର ପାଇଥିଲେ।

ସେମାନେ ଶରୀରର ରୋଗ ପ୍ରତିରୋଧକ ଶକ୍ତି କିଭଳି ଭୂତାଣୁ କିମ୍ବା ଜୀବାଣୁ ଉପରେ ଆକ୍ରମଣ କରିବା ସହ ନିଜ ଶରୀରର କୋଷଗੁଡ଼ିକୁ ସୁରକ୍ଷିତ ରଖେ, ସେ ନେଇ ଗବେଷଣା କରିଥିଲେ।

ସେମାନଙ୍କ ଆବିଷ୍କାର ରୋଗ ପ୍ରତିରୋଧକ ଶକ୍ତିକୁ ନିୟନ୍ତ୍ରଣରେ ରଖୁଥିବା ଏକ ମୁଖ୍ୟ ପଦ୍ଧତି "ପେରିଫେରାଲ ଇମ୍ୟୁନ ଟଲରେନ୍ସ"କୁ ଉନ୍ମୋଚନ କରିଥିଲା।"