MLA Parag Shah: ଦିନକ ପାଇଁ ଭିକାରି ସାଜି ମୁମ୍ବାଇ ରାସ୍ତାରେ ବୁଲିଲେ ବିଧାୟକ

"ମୁମ୍ବାଇ: ମହାରାଷ୍ଟ୍ରର ସବୁଠାରୁ ଧନୀ ବିଧାୟକ ପରାଗ ଶାହ ଦିନକ ପାଇଁ ଭିକାରି ସାଜି ମୁମ୍ବାଇର ରାସ୍ତାରେ ବୁଲିଥିଲେ।

ଏହି ସମୟରେ ସେ ଲୋକଙ୍କୁ ଭିକ୍ଷା ମାଗିଥିଲେ।

ଲୋକମାନେ ତାଙ୍କ ହାତରେ ମୋଟ ୮୪ ଟଙ୍କା ଦେଇଥିଲେ।

ଏହି ବିଷୟରେ ପରାଗ ଶାହ ନିଜେ ସୂଚନା ଦେଇଛନ୍ତି।

ସେ କହିଛନ୍ତି ଯେ, ତାଙ୍କ ଜୈନ ଗୁରୁ ତାଙ୍କୁ ଦିନକ ପାଇଁ ଭିକାରି ହୋଇ ଜୀବନକୁ ଅନୁଭବ କରିବାକୁ ପରାମର୍ଶ ଦେଇଥିଲେ।

ଏହା ପରେ ସେ ଏଭଳି କାମ କରିବାକୁ ନିଷ୍ପତ୍ତି ନେଇଥିଲେ।Advertisment ପରାଗ ଶାହଙ୍କ କହିବା ଅନୁସାରେ, ସେ ପ୍ରାୟ ୪ ଘଣ୍ଟା ଧରି ମୁମ୍ବାଇର ରାସ୍ତାରେ ଭିକ୍ଷା ମାଗିଥିଲେ।

ଏହି ସମୟରେ ଲୋକମାନେ ତାଙ୍କୁ ମୋଟ ୮୪ ଟଙ୍କା ଦେଇଥିଲେ।

ଭିକାରି ଭାବେ ବୁଲିବା ସମୟର ଅନୁଭବ ବିଷୟରେ ସେ କହିଛନ୍ତି ଯେ, ଏହି ସମୟରେ ତାଙ୍କୁ ଅନୁଭବ ହୋଇଥିଲା ଯେ ସେ କେବଳ ଜଣେ ସାଧାରଣ ମଣିଷ।

ତାଙ୍କର କୌଣସି ଜାତି କିମ୍ବା ଧର୍ମ ନାହିଁ।

ପରାଗ ଶାହ ଜଣେ ବିଜେପି ବିଧାୟକ ଏବଂ ତାଙ୍କର ପ୍ରାୟ ୪,୦୦୦ କୋଟି ଟଙ୍କାର ସମ୍ପତ୍ତି ଥିବା କୁହାଯାଉଛି।

ଷ୍ଟେସନରେ ସନ୍ଦେହ କରିଥିଲା ପୁଲିସ ପରାଗ ଶାହ କହିଛନ୍ତି, "ମୁଁ ଘରୁ ବାହାରି ରେଳ ଷ୍ଟେସନରେ ଯାଇ ବସିଥିଲି।

ଏହି ସମୟରେ ପୁଲିସ ମୋତେ ସନ୍ଦେହ ଦୃଷ୍ଟିରେ ଦେଖୁଥିଲା।

ମୋର ଗୁରୁଦେବ ଶ୍ରୀ ନମ୍ରମୁନି ମହାରାଜଙ୍କ କଥା ଅନୁସାରେ ମୁଁ ଦିନକ ପାଇଁ ଭିକାରି ହେବାକୁ ନିଷ୍ପତ୍ତି ନେଇଥିଲି।

ଏହି ଅନୁଭବ ମୋତେ ଜୀବନର ଅନେକ ଗୁରୁତ୍ୱପୂର୍ଣ୍ଣ ଶିକ୍ଷା ଦେଇଛି।

କେହି ଘଉଡ଼ାଇଦେଲେ, ଆଉ କେହି ସାହାଯ୍ୟ କଲେ କିଛି ଲୋକ ମୋତେ ଘଉଡ଼ାଇ ଦେଇଥିଲେ।

କିଛି ଲୋକ ମୋତେ ଅଣଦେଖା କରିଥିଲେ।

ଆଉ କିଛି ଲୋକ ମୋ ବିଷୟରେ କିଛି ନଜାଣି ମଧ୍ୟ ସାହାଯ୍ୟର ହାତ ବଢ଼ାଇଥିଲେ।

ଏହି ଘଟଣାରୁ ସ୍ପଷ୍ଟ ହେଲା ଯେ ପଦ, ଟଙ୍କା ଏବଂ ପ୍ରତିଷ୍ଠାରୁ ମିଳୁଥିବା ସମ୍ମାନ ସବୁବେଳେ ସ୍ଥାୟୀ ନୁହେଁ।

କିନ୍ତୁ ଯଦି ଆପଣ ସମାଜରେ ମାନବିକତା ପାଇଁ ସମ୍ମାନ ପାଆନ୍ତି, ତେବେ ସେହି ସମ୍ମାନ ହିଁ ପ୍ରକୃତ ଏବଂ ସ୍ଥାୟୀ ସମ୍ପତ୍ତି ହେବ।

ଏହି ଅନୁଭବ ମୋତେ ଶିଖାଇଛି ଯେ ମୁମ୍ବାଇ କେବଳ ସ୍ୱପ୍ନର ସହର ନୁହେଁ, ବରଂ ମାନବିକତାର ମଧ୍ୟ ସହର।

ଏହି ଅନୁଭବକୁ ମୁଁ ସାରା ଜୀବନ ମନେ ରଖିବି।" ଇସ୍ରାଏଲର ଭୟଙ୍କର ଯୋଜନା: ଭୋକିଲା କୁମ୍ଭୀରଙ୍କୁ ଜେଲ୍ ବାହାର ଖାଇରେ ରଖାଯିବ...

"