Lionel Messi: ଅନ୍ତର୍ଜାତୀୟ ଫୁଟବଲ୍‌ରୁ ଅବସର ନେଲେ ଲିଓନେଲ ମେସି, ଭାବପ୍ରବଣ ଚିଠି ସେୟାର କରି କହିଲେ- 'ହୃଦୟ ଭାଙ୍ଗିଗଲା'

"ବୁଏନସ୍‌ ଏରିସ୍‌: ଫିଫା ବିଶ୍ବକପ୍‌ ଫାଇନାଲ୍‌ରେ ହାରିଯିବାର କିଛି ଦିନ ପରେ ନିଜ ପିତାଙ୍କୁ ବି ହରାଇଥିଲେ।

ଏବେ ନିଜ ପ୍ରିୟ ଖେଳ ଫୁଟ୍‌ବଲ୍‌ର ଅନ୍ତର୍ଜାତୀୟ ଦୃଶ୍ୟପଟ୍ଟରୁ ବି ଦୂରେଇଗଲେ।

ବିଶ୍ବବ୍ୟାପୀ କୋଟି କୋଟି ଫୁଟ୍‌ବଲ୍‌ ପ୍ରଶଂସକଙ୍କ ହୃଦୟ ଜିତିଥିବା ଲିଓନେଲ୍‌ ମେସି ଆଉ ଅନ୍ତର୍ଜାତୀୟ ଫୁଟ୍‌ବଲ୍‌ ଖେଳିବେ ନାହିଁ ବୋଲି ସୋମବାର ଘୋଷଣା କରି ଦେଇଛନ୍ତି।Advertisment ୩୯ ବ‌ର୍ଷ ବୟସରେ ବି ପଡ଼ିଆ ଭିତରେ ପଶିବା ମାତ୍ରେ ପ୍ରଶଂସକଙ୍କୁ ତାଙ୍କ ପ୍ରତିଟି ଗତି, ଡ୍ରିବଲ୍‌, ବଲ୍‌ ଟଚ୍‌, କିକ୍‌, ଫ୍ରି-କିକ୍‌ରେ ରୋମାଞ୍ଚିତ କରୁଥିବା ଏହି ମହାନ ଖେଳାଳିଙ୍କୁ ଏବେ ସେମାନେ ମିସ୍‌ କରିବେ।

ଅନେକ ଗୌରବ ଓ ରେକର୍ଡର ଅଧିକାରୀ ବିଶ୍ବ ଫୁଟ୍‌ବଲ୍‌ର ମହାନ ଖେଳାଳି ତଥା ଏହି କିଂବଦନ୍ତି ପୁରୁଷ ଜୁଲାଇ ୧୯ ତାରିଖରେ ସ୍ପେନ୍‌ ନିକଟରୁ ଆର୍ଜେଣ୍ଟିନାର ବିଶ୍ବକପ୍‌ ପରାଜୟ ପରେ ଅବସର ଆଭାସ ଦେଇଥିଲେ।

ଫିଫା ବିଶ୍ବକପ୍‌: ଗୋଲ୍‌ଡେନ୍‌ ବୁଟ୍‌ ଦୌଡ ଆଗରେ ଲିଓନେଲ୍‌ ମେସି।

ଚଳିତ ବିଶ୍ବକପ୍‌ରେ ୬ଟି ଗୋଲ୍‌ କରି ଆଗରେ।

ବିଶ୍ବକପ୍‌ ଇତିହାସରେ ୧୨ ଗୋଲ୍‌ କରି ପେଲେଙ୍କ ସମକକ୍ଷ।

କ୍ରମାଗତ ବିଶ୍ବକପ୍‌ ତୋଳି ଧରିବାର ସ୍ବପ୍ନ ଚୂରମାର ହୋଇଯିବା ପରେ ସେ "ଅବସର ଲେଖା" ପ୍ରସ୍ତୁତ କରି ସାରିଥିଲେ ମଧ୍ୟ ପିତାଙ୍କ ଦେହାନ୍ତ ପାଇଁ ବିଳମ୍ବରେ ଏହା ଘୋଷଣା କରିଛନ୍ତି।

ଏଥି ସହିତ ବିଶ୍ବ ଫୁଟ୍‌ବଲ୍‌ର ପୁଣି ବିଖ୍ୟାତ ୧୦ ନମ୍ବର ଜର୍ସି ସଂଗ୍ରାହଳୟକୁ ଚାଲିଯିବାକୁ ପ୍ରସ୍ତୁତ ହୋଇଛି।

ଏକ ଜାଜୁଲ୍ୟମାନ ଖେଳ ଜୀବନର ଅବସାନ ଘଟିଛି।

ମାତ୍ର ୭ ବର୍ଷରେ ଫୁଟ୍‌ବଲ୍‌ ଖେଳିବା ଆରମ୍ଭ କରିଥିବା ମେସି ୩୨ ବ‌ର୍ଷ ଧରି ଫୁଟ୍‌ବଲ୍‌ ପଡ଼ିଆରେ ବିତାଇଥିଲେ।

ଅନେକ ଥର ବିଶ୍ବର ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ ମଧ୍ୟ ୨୦୨୨ ମସିହାରେ ଫିଫା ବିଶ୍ବକପ୍‌ ସ୍ବପ୍ନ ସାକାର କରିଥିଲେ।

ତେବେ ୧୦୦୦ ଗୋଲ୍‌ ମାଇଲଖୁଣ୍ଟଠାରୁ ମାତ୍ର ୨୨ ଦୂରରେ ରହିଯାଇଥିଲେ।

କ୍ଲବ୍‌ ଫୁଟ୍‌ବଲ୍‌ ଜାରି ରଖିଲେ ସେ ଏହି ସ୍ବପ୍ନ ପୂରଣ କରିବେ ବୋଲି ରହିଛି।

ମେସି କହିଛନ୍ତି, ଏବେ ମୁଁ ଆପଣମାନଙ୍କୁ ସମସ୍ତଙ୍କୁ କହିବାକୁ ଚାହୁଁଛି ଯେ ମୁଁ ଜାତୀୟ ଦଳରୁ ଅବସର ନେଉଛି।

ଏହା ଏକ ନିଷ୍ପତ୍ତି ଥିଲା ଯାହା ମୋତେ ସମ୍ପୂର୍ଣ୍ଣ ଭାଙ୍ଗି ଦେଇଥିଲା ଏବଂ ଏବେ ବି କଷ୍ଟ ଦେଉଛି।

ହୃଦୟ ଭାଙ୍ଗି ଯାଇଛି।

କିନ୍ତୁ ମୁଁ ଅନୁଭବ କରୁଛି ଯେ ଏବେ ଅବସର ନେବାର ସଠିକ୍ ସମୟ।

ମୁଁ ଶପଥ କରୁଛି ଯେ ମୁଁ ସବୁବେଳେ ମୋର ସର୍ବସ୍ୱ ଦେଇଥିଲି।

କେବଳ ଗତ କିଛି ବର୍ଷରେ ନୁହେଁ ଯେତେବେଳେ ଆମେ ସବୁକିଛି ଜିତିଥିଲୁ, ବରଂ ତା'ପୂର୍ବରୁ ମଧ୍ୟ।

ମୁଁ ସର୍ବଦା ଏହି ଜର୍ସି ପାଇଁ ଲଢ଼ିଥିଲି ଏବଂ ମୋର ସର୍ବସ୍ୱ ଦେଇଥିଲି - ଫୁଟବଲ୍ ମାଧ୍ୟମରେ ଦର୍ଶକଙ୍କୁ ଖୁସି ଦେବା ଏବଂ ଆର୍ଜେଣ୍ଟିନାର ଖେଳାଳି ହେବା ପାଇଁ ଗର୍ବ ଅନୁଭବ କରୁଛି।

ମୁଁ ସବୁବେଳେ ଜାତୀୟ ଦଳ ସହିତ ରହିବାକୁ ଚାହୁଁଥିଲି, ମୁଁ ଚାହୁଁଛି, ଏବଂ ମୁଁ ସବୁବେଳେ ଚାହୁଁବି।

ମୁଁ ନିଜକୁ ସମ୍ପୂର୍ଣ୍ଣ ଭାବରେ ଦେଇଛି।

ଏବେ ମୋର ଦେବାକୁ କିଛି ନାହିଁ।

ଏହା ବ୍ୟତୀତ, ଅନେକ ଯୁବ ଖେଳାଳି ଆସୁଛନ୍ତି ଯେଉଁମାନେ ସମାନ ଭାବରେ ଚମତ୍କାର ଏବଂ ଏହି ଦଳରେ ସ୍ଥାନ ପାଇବାକୁ ଯୋଗ୍ୟ।

ଏହି ୨୦ ବର୍ଷର ପ୍ରେମ ଏବଂ ସ୍ନେହ ପାଇଁ ସମସ୍ତଙ୍କୁ ଧନ୍ୟବାଦ।

ଷ୍ଟାଡିୟମ ଭିତରୁ ଦର୍ଶକମାନଙ୍କ ସ୍ୱର ଶୁଣିବା ମୁଁ ମିସ୍ କରିବି।

ଏବେ ଆପଣମାନଙ୍କ ମଧ୍ୟରୁ ଜଣେ ଭାବରେ, ମୁଁ ବାହାରୁ ଦଳକୁ ଉତ୍ସାହିତ ଏବଂ ସମର୍ଥନ କରିବି - ଭଲ ସମୟରେ ଏବଂ ଖରାପ ସମୟରେ ମଧ୍ୟ।

ମୋ ପରିବାରକୁ ଧନ୍ୟବାଦ, ଯେଉଁମାନେ ସବୁବେଳେ ମୋ ପାଇଁ ଅଛନ୍ତି ଏବଂ ଏହି ସୁନ୍ଦର କିନ୍ତୁ କଷ୍ଟକର ଯାତ୍ରାରେ ମୋତେ ସମର୍ଥନ କରିଛନ୍ତି।

ସମସ୍ତ ପ୍ରଶିକ୍ଷକ, ସାଥୀ ଖେଳାଳି ଏବଂ ଅଧିକାରୀଙ୍କୁ ମଧ୍ୟ ଧନ୍ୟବାଦ, ଯେଉଁମାନଙ୍କ ସହ ମୁଁ କାମ କରିବାର ଏବଂ ଯାତ୍ରା ବାଣ୍ଟିବାର ସୁଯୋଗ ପାଇଲି।

ମୁଁ ମୋ ସହିତ ସ୍ମୃତି ଏବଂ ମୁହୂର୍ତ୍ତଗୁଡ଼ିକୁ ନେଇଯାଏ ଯାହାକୁ ମୁଁ କେବେ ଭୁଲିପାରିବି ନାହିଁ।

ମୁଁ ସେହି ଶାନ୍ତି ଏବଂ ଗର୍ବର ସହିତ ବିଦାୟ ନେଉଛି।

ମ ସହିତ ବଞ୍ଚିବା ଏକ ଅତି ସୁନ୍ଦର ଅଭିଜ୍ଞତା ଥିଲା।

ମୁଁ ତୁମ ସମସ୍ତଙ୍କୁ ଭଲ ପାଏ!

ପରମେଶ୍ୱରଙ୍କୁ ଧନ୍ୟବାଦ ଯେ ସେ ମୋତେ ଜଣେ ଆର୍ଜେଣ୍ଟିନା ଖେଳାଳି କରିଛନ୍ତି।

"