Kumar Purnima: କୁମାର ପୂର୍ଣ୍ଣିମା ୨୦୨୬: କ୍ଷୀରି ଖାଇବାର କ’ଣ ରହିଛି ମହତ୍ତ୍ବ ଜାଣନ୍ତୁୂ

"ଓଡ଼ିଶାର ଏକ ପ୍ରମୁଖ ପର୍ବ ହେଉଛି କୁମାର ପୂର୍ଣ୍ଣିମା।

ଆଶ୍ୱିନ ମାସର ପୂର୍ଣ୍ଣିମା ତିଥିରେ ପାଳିତ ହେଉଥିବା ଏହି ପର୍ବକୁ ନେଇ ଯୁବତୀ ଓ ନୂତନ ବିବାହିତ ମହିଳାଙ୍କ ମଧ୍ୟରେ ବିଶେଷ ଉତ୍ସାହ ଦେଖିବାକୁ ମିଳେ।

ଏହି ଦିନ ଚନ୍ଦ୍ର ପୂଜା ସହ ଖିରି ଭୋଗ ଲଗାଇବାର ମଧ୍ୟ ପରମ୍ପରା ରହିଛି।

ତେବେ ୨୦୨୬ରେ କୁମାର ପୂର୍ଣ୍ଣିମା କେବେ ପାଳନ କରାଯିବ ଏବଂ ଖିରି କେଉଁ ରାତିରେ ଚନ୍ଦ୍ରାଲୋକରେ ରଖାଯିବ, ତାହାକୁ ନେଇ ଅନେକଙ୍କ ମନରେ ପ୍ରଶ୍ନ ରହିଛି।Advertisment ପଞ୍ଜିକା ଅନୁଯାୟୀ, ପୂର୍ଣ୍ଣିମା ତିଥି ୨୦୨୬ ଅକ୍ଟୋବର ୨୫ ତାରିଖ ସକାଳ ୧୧ଟା ୫୫ ମିନିଟ୍ରୁ ଆରମ୍ଭ ହୋଇ ଅକ୍ଟୋବର ୨୬ ତାରିଖ ସକାଳ ୯ଟା ୪୧ ମିନିଟ୍ରେ ଶେଷ ହେବ ବୋଲି ଦିଆଯାଇଥିବା ଉଲ୍ଲେଖ ରହିଛି।

ଏହି ତିଥି ଅନୁସାରେ, ୨୫ ଅକ୍ଟୋବର ରାତିରେ ଚନ୍ଦ୍ର ପୂଜା ଓ ଖିରି ଭୋଗ କରିବାର ତିଥି ରହିଛି।

କିନ୍ତୁ ପାଳନର ନିର୍ଦ୍ଦିଷ୍ଟ ତାରିଖ ଓ ପୂଜା ସମୟ ପାଇଁ ସ୍ଥାନୀୟ ପଞ୍ଜିକା ଅନୁସରଣ କରିବା ଜରୁରୀ।

ସକାଳେ ସୂର୍ଯ୍ୟ ପୂଜା, ସନ୍ଧ୍ୟାରେ ଚନ୍ଦ୍ର ପୂଜା ଏହି ଦିନ କୁମାର କାର୍ତ୍ତିକେୟଙ୍କ ପୂଜା କରାଯିବା ସହ ଚନ୍ଦ୍ରଙ୍କୁ ଅର୍ଘ୍ୟ ଦେବାର ପରମ୍ପରା ରହିଛି।

ବିଷେଶ କରି ଅବିବାହିତ ଯୁବତୀମାନେ ଉତ୍ତମ ଜୀବନସାଥୀ ପାଇବାର କାମନା କରି ଏହି ପର୍ବ ପାଳନ କରନ୍ତି।

ଏହି ପର୍ବରେ ସକାଳେ ସୂର୍ଯ୍ୟ ପୂଜା, ସନ୍ଧ୍ୟାରେ ଚନ୍ଦ୍ର ପୂଜା, ଭୋଗ ଅର୍ପଣ ଓ ପାରମ୍ପରିକ ରୀତିନୀତିର ବିଶେଷ ମହତ୍ତ୍ୱ ରହିଛି।

ଯୁବତୀମାନେ ସକାଳୁ ସ୍ନାନ କରି ନୂଆ ବସ୍ତ୍ର ପିନ୍ଧି ସୂର୍ଯ୍ୟଙ୍କୁ ଖଇ ଆଞ୍ଜୁଳି ଦେଇ ପୂଜା କରନ୍ତି।

ସନ୍ଧ୍ୟାରେ ଚନ୍ଦ୍ର ଦର୍ଶନ ପରେ ଚନ୍ଦ୍ରଙ୍କୁ ଭୋଗ ଅର୍ପଣ କରନ୍ତି।

Vijayadashami at Shrimandir ଶ୍ରୀମନ୍ଦିରରେ ଆୟୁଧ ପୂଜା ଓ ସୁନାବେଶରେ ଦର୍ଶନ ଦେଲେ ଚତୁର୍ଦ୍ଧାମୂର୍ତ୍ତି କେତେକ ସ୍ଥାନରେ ଚନ୍ଦ୍ର ପୂଜା ପରେ ଖିରି ଭୋଗ ଲଗାଇବାର ପରମ୍ପରା ରହିଛି।

ପୂର୍ଣ୍ଣିମା ତିଥି ରାତିରେ ରହୁଥିବାରୁ ୨୫ ଅକ୍ଟୋବର ରାତିରେ ଖିରି ଚନ୍ଦ୍ରାଲୋକରେ ରଖିବାକୁ ଉତ୍ତମ ମନାଯାଇପାରେ।

ତେବେ ପୂର୍ଣ୍ଣିମାର ତାରିଖ ଓ ମୁହୂର୍ତ୍ତ ନିଶ୍ଚିତ କରିବା ପାଇଁ ସ୍ଥାନୀୟ ପଞ୍ଜିକା ଯାଞ୍ଚ କରନ୍ତୁ।"