Kriti Sanon: କ୍ରିତି ସାନନଙ୍କ ପୋଷାକକୁ ନେଇ ବିବାଦ: ରକ୍ଷାବନ୍ଧନ ବିଜ୍ଞାପନକୁ ହଟାଇଲା ‘ଜିଭା’ ଅଳଙ୍କାର ବ୍ରାଣ୍ଡ

"ନୂଆଦିଲ୍ଲୀ: ଅଳଙ୍କାର ବ୍ରାଣ୍ଡ ଜିଭା ବଲିଉଡ୍ ଅଭିନେତ୍ରୀ କୃତି ସାନନଙ୍କୁ ନେଇ ପ୍ରସ୍ତୁତ ରକ୍ଷା ବନ୍ଧନ ବିଜ୍ଞାପନକୁ ହଟାଇ ଦେଇଛି।

କୃତି ସାନନଙ୍କ ପୋଷାକକୁ ନେଇ ବିବାଦ ସୃଷ୍ଟି ହୋଇଥିଲା।

ସୋସିଆଲ ମିଡିଆରେ ୟୁଜରମାନେ ରକ୍ଷାବନ୍ଧନ ବିଜ୍ଞାପନରେ ପିନ୍ଧିଥିବା ପୋଷାକ ପାଇଁ କୃତି ସାନନଙ୍କୁ ଟ୍ରୋଲ୍ କରିଥିଲେ।

ଜିଭା ବୁଧବାର ଏକ ବିବୃତି ଜାରି କରି କହିଛି,ଆମେ ଭାରତୀୟ ସଂସ୍କୃତି, ପରମ୍ପରା ଏବଂ ପର୍ବଗୁଡ଼ିକୁ ଗଭୀର ଭାବରେ ସମ୍ମାନ କରୁ।

ଏକ ବ୍ରାଣ୍ଡ ଭାବରେ, ଆମେ ସର୍ବଦା ସମଗ୍ର ପରିବାର ସହିତ ଖୁସିର ମୁହୂର୍ତ୍ତ ପାଳନ କରିବାରେ ବିଶ୍ୱାସ କରିଆସିଛି।

କିନ୍ତୁ, ବିବୃତିରେ ପୋଷାକ ବିଷୟରେ କିଛି ଉଲ୍ଲେଖ କରାଯାଇ ନାହିଁ।କମ୍ପାନି କହିଛି, ଏଥର, ଆମେ ଆମର ପାଳିତ ପ୍ରାଣୀମାନଙ୍କୁ ପ୍ରେମ ଏବଂ ଉତ୍ସବ ମଧ୍ୟରେ ସାମିଲ କରିବାକୁ ଚାହୁଁଥିଲୁ।

ଯଦି ଆମର ସାମ୍ପ୍ରତିକ ବିଜ୍ଞାପନ ଅଜାଣତରେ ସମାଜର କୌଣସି ବର୍ଗଙ୍କର ଭାବନାକୁ ଆଘାତ ଦେଇଛି, ତେବେ ଏହା କେବେ ଆମର ଉଦ୍ଦେଶ୍ୟ ନଥିଲା।

ସମ୍ମାନ ସ୍ୱରୂପ, ଆମେ ସମସ୍ତ ମିଡିଆ ପ୍ଲାଟଫର୍ମରୁ ବିଜ୍ଞାପନଟିକୁ ହଟାଇ ଦେଇଛୁ।Advertisment ଅଭିନେତ୍ରୀ କୃତି ସାନନଙ୍କୁ ରାହୁଲ ଗାନ୍ଧୀଙ୍କ ସମର୍ଥନ ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ବିଜ୍ଞାପନକୁ ନେଇ ବିବାଦରେ ଫସିଥିବା ଅଭିନେତ୍ରୀ କୃତି ସାନନଙ୍କୁ ସମର୍ଥନ କରି କହିଥିଲେ ଯେ, ମହିଳାମାନଙ୍କୁ ସେମାନଙ୍କର ସ୍ୱାଧୀନତା ବ୍ୟବହାର କରିବା ପାଇଁ ଟାର୍ଗେଟ କରାଯିବା ଉଚିତ୍ ନୁହେଁ।

ସେ କହିଛନ୍ତି ଯେ ମହିଳାଙ୍କ ପୋଷାକ, କାମ ଏବଂ ଯେକୌଣସି ସ୍ଥାନକୁ ଯିବାଆସିବା ସେମାନଙ୍କର ଅଧିକାର।

କ୍ରିତି ସାନନଙ୍କ ଇନଷ୍ଟାଗ୍ରାମ ଷ୍ଟୋରୀକୁ ନିଜ ଆକାଉଣ୍ଟରେ ସେୟାର କରି ରାହୁଲ ଗାନ୍ଧୀ ଲେଖିଥିଲେ,ମହିଳାମାନେ କ"ଣ ପିନ୍ଧନ୍ତି, କ"ଣ କରନ୍ତି ଏବଂ କେଉଁଠାକୁ ଯାଆନ୍ତି ତାହା ସେମାନଙ୍କର ପସନ୍ଦ।

ମହିଳାମାନଙ୍କୁ ସେମାନଙ୍କର ସ୍ୱାଧୀନତା ବ୍ୟବହାର କରିବା ପାଇଁ ଟ୍ରୋଲ୍ କରିବା ବନ୍ଦ କରନ୍ତୁ।

କଂଗ୍ରେସ ନେତା ଗୌରବ ଗୋଗୋଇ ମଧ୍ୟ ଏହି ପ୍ରସଙ୍ଗରେ ଏକ ଗୁରୁତ୍ୱପୂର୍ଣ୍ଣ ପ୍ରତିକ୍ରିୟା ଦେଇଛନ୍ତି।

ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ ସେୟାର କରି ସେ ଲେଖିଛନ୍ତି, ଏକ ଟିଭି ବିଜ୍ଞାପନକୁ ନେଇ ଜଣେ ମହିଳାଙ୍କ ଉପରେ ସାର୍ବଜନୀନ ବିତର୍କ ହେଉଛି।

ଯେଉଁ ପୁରୁଷମାନଙ୍କର ନିଷ୍ପତ୍ତି ଯୋଗୁଁ ବିଜ୍ଞାପନ ପ୍ରକାଶିତ କରାଯାଇଥିଲା ​​ସେମାନଙ୍କ ବିଷୟରେ ବିତର୍କ କାହିଁକି ହେଉନି।

No More: ଅଜୟ ଦେବଗନଙ୍କୁ ବ୍ରେକ୍ ଦେଇଥିବା ନିର୍ଦ୍ଦେଶକ କୁକୁ କୋହଲି ଆଉ ନାହାନ୍ତି "