Jannat Zubair-Elvish Yadav dating: ଜନ୍ନତ ଜୁବୈର-ଏଲଭିଶ ଯାଦବ ଡେଟିଂ ଚର୍ଚ୍ଚା, ସମ୍ପର୍କକୁ ନେଇ ମୁହଁ ଖୋଲିଲେ ଅଭିନେତ୍ରୀ

ଟିଭି ଓ ରିୟଲିଟି ଶୋ’ ଜଗତର ଚର୍ଚ୍ଚିତ ନାମ ଜନ୍ନତ ଜୁବୈର ଏବଂ ଏଲଭିଶ ଯାଦବଙ୍କ ସମ୍ପର୍କକୁ ନେଇ ଚାଲିଥିବା ଗୁଜବ ଉପରେ ଏବେ ବିରାମ ଲାଗିଛି। ଦୁହେଁ ଡେଟ୍ କରୁଥିବା ଖବରକୁ ନେଇ ଅନେକ ଆଲୋଚନା ହେଉଥିବା ବେଳେ, ଶେଷରେ ଜନ୍ନତ ନିଜେ ଏହା ଉପରେ ମୁହଁ ଖୋଲିଛନ୍ତି।

ଜନ୍ନତ ସ୍ପଷ୍ଟ କରିଛନ୍ତି ଯେ, ଏଲଭିଶଙ୍କ ସହ ତାଙ୍କ ସମ୍ପର୍କ କେବଳ ବନ୍ଧୁତା ଏବଂ ପ୍ରୋଫେସନାଲ୍ ଯୋଗାଯୋଗ ମଧ୍ୟରେ ସୀମିତ। ଦୁହେଁଙ୍କ ମଧ୍ୟରେ କୌଣସି ପ୍ରେମ ସମ୍ପର୍କ ନାହିଁ।

‘ଲିଙ୍କ୍-ଅପ୍ କରିବା ଟିକିଏ ଅଧିକ ହୋଇଯାଏ’

ଏକ ସାକ୍ଷାତକାରରେ ଜନ୍ନତ କହିଛନ୍ତି ଯେ, ଦର୍ଶକମାନେ ଯେତେବେଳେ ଦୁଇ ଜଣ କଳାକାରଙ୍କ କେମିଷ୍ଟ୍ରି ପସନ୍ଦ କରନ୍ତି, ସେମାନେ ପ୍ରାୟତଃ ସେମାନଙ୍କୁ ଯୋଡ଼ିବା ଆରମ୍ଭ କରନ୍ତି। କିନ୍ତୁ ଏହାକୁ ପ୍ରେମ ସମ୍ପର୍କ ଭାବିବା ଠିକ୍ ନୁହେଁ।

ସେ କହିଛନ୍ତି, ଦୁଇ ସହ-କଳାକାରଙ୍କ ବନ୍ଧୁତାକୁ ଲୋକମାନେ ପସନ୍ଦ କରିବା ସ୍ୱାଭାବିକ, ଫ୍ୟାନ୍ ଏଡିଟ୍ ଓ ରୀଲ୍ସ ତିଆରି କରିବା ମଧ୍ୟ ଭଲ କଥା। କିନ୍ତୁ ଏହାକୁ ନେଇ ଅଧିକ କଳ୍ପନା କରିବା ଠିକ୍ ନୁହେଁ।

‘ଲାଫଟର ସେଫ୍ସ ୩’ରୁ ଆରମ୍ଭ ହୋଇଥିଲା ଚର୍ଚ୍ଚା

ଭାରତୀ ଓ ଅନ୍ୟ କଳାକାରଙ୍କ ସହ ଶୋ’ ‘ଲାଫଟର ସେଫ୍ସ ସିଜନ୍ ୩’ରେ ଜନ୍ନତ ଓ ଏଲଭିଶଙ୍କ ମଜାଦାର କେମିଷ୍ଟ୍ରି ଦର୍ଶକଙ୍କୁ ବେଶ ପସନ୍ଦ ଆସିଥିଲା। ଏହା ପରେ ସୋସିଆଲ ମିଡିଆରେ ଦୁହେଁଙ୍କ ନାମକୁ ନେଇ ଅନେକ ଫ୍ୟାନ୍ ଏଡିଟ୍ ଓ ଚର୍ଚ୍ଚା ଆରମ୍ଭ ହୋଇଥିଲା। ତେବେ ଜନ୍ନତ ଏବେ ସ୍ପଷ୍ଟ କରିଛନ୍ତି ଯେ, ଏହା କେବଳ ଫ୍ୟାନ୍‌ମାନଙ୍କ ଭଲପାଇବା, ବାସ୍ତବ ଜୀବନର ସମ୍ପର୍କ ନୁହେଁ।

ଜନ୍ନତ ଓ ଏଲଭିଶଙ୍କ କ୍ୟାରିୟରରେ ନୂଆ ଅଧ୍ୟାୟ

‘ଲାଫଟର ସେଫ୍ସ ୩’ରେ ଜନ୍ନତ ବିଜେତା ହୋଇଥିଲେ। ଏହା ପୂର୍ବରୁ ସେ ଅନେକ ଟିଭି ଶୋ’ ଓ ୱେବ୍ ପ୍ରୋଜେକ୍ଟରେ କାମ କରି ନିଜର ପରିଚୟ ସୃଷ୍ଟି କରିଛନ୍ତି।

ଅନ୍ୟପଟେ, ବିଗ୍ ବସ୍ OTT ୨ ବିଜେତା ଏଲଭିଶ ଯାଦବ ମଧ୍ୟ ୟୁଟ୍ୟୁବ୍ ବ୍ୟତୀତ ଅଭିନୟ ଓ ଟେଲିଭିଜନ କ୍ଷେତ୍ରରେ ନିଜର ସ୍ଥାନ ମଜବୁତ କରୁଛନ୍ତି। ଖୁବ୍ ଶୀଘ୍ର ସେ ବଲିଉଡ୍‌ରେ ଡେବ୍ୟୁ କରିବାକୁ ଯାଉଛନ୍ତି।