Indonesia Earthquake: ଗୋଟିଏ ଦିନରେ ୩ ଥର ଥରିଲା ଇଣ୍ଡୋନେସିଆ: ମୃତ୍ୟୁ ସଂଖ୍ୟା ୪୭ ଛୁଇଁଲା

"ଜାକର୍ତ୍ତା: ଦକ୍ଷିଣ-ପୂର୍ବ ଏସୀୟ ରାଷ୍ଟ୍ର ଇଣ୍ଡୋନେସିଆରେ ଗୋଟିଏ ଦିନରେ ୩ ଥର ଭୂମିକମ୍ପ ଅନୁଭୂତ ହୋଇଛି।

ଶନିବାର ସକାଳେ ଏକ ଶକ୍ତିଶାଳୀ ୭.୭ ତୀବ୍ରତାଯୁକ୍ତ ଭୂମିକମ୍ପ ଅନୁଭୂତ ହୋଇଥିଲା।

୭.୭ ତୀବ୍ରତାର ଏହି ଭୂମିକମ୍ପରେ ୪୭ ଜଣଙ୍କର ମୃତ୍ୟୁ ହୋଇଛି ଏବଂ ୨୦ ରୁ ଅଧିକ ଆହତ ହୋଇଛନ୍ତି।

ମୃତାହତଙ୍କ ସଂଖ୍ୟା ବଢ଼ିବାର ଆଶଙ୍କା ରହିଛି।

ଅନେକ କୋଠା ଭୁଶୁଡ଼ି ପଡ଼ିଛି।

ପ୍ରଭାବିତ ଅଞ୍ଚଳରେ ମୃଦୁ ଭୂମିକମ୍ପ ନିରନ୍ତର ଅନୁଭୂତ ହେଉଛି।

ଉପକୂଳବର୍ତ୍ତୀ ଅଞ୍ଚଳରେ ଗୋଟିଏ ମିଟର ଉଚ୍ଚ ଢେଉ ଉଠୁଛି।

ସୁନାମିର ଆଶଙ୍କା ଏପର୍ଯ୍ୟନ୍ତ ଟଳି ନାହିଁ।

ବନ୍ଦର ସହର ମାଉମେରେ ଭୂମିକମ୍ପରେ ସର୍ବାଧିକ କ୍ଷତିଗ୍ରସ୍ତ ହୋଇଛି, ୨୦ ଜଣଙ୍କର ମୃତ୍ୟୁ ହୋଇଛି, ଛଅ ଜଣ ଆହତ ହୋଇଛନ୍ତି ଏବଂ ଦୁଇ ଜଣ ଏବେ ବି ଭଗ୍ନାବଶେଷ ତଳେ ଫସି ରହିଛନ୍ତି।ଇଣ୍ଡୋନେସିଆର ଜାତୀୟ ବିପର୍ଯ୍ୟୟ ପରିଚାଳନା ଏଜେନ୍ସିର ମୁଖ୍ୟ ସୁହାର୍ୟନ୍ତୋ କହିଛନ୍ତି ଯେ ପ୍ରାୟ ୨ ହଜାର ଲୋକଙ୍କୁ ସ୍ଥାନାନ୍ତର କରାଯାଇଛି।

ସେ ଆହୁରି ମଧ୍ୟ କହିଛନ୍ତି ଯେ କ୍ଷତିଗ୍ରସ୍ତ କୋଠାଗୁଡ଼ିକର ଭଗ୍ନାବଶେଷ ତଳେ ଅନେକ ଲୋକ ଫସି ରହିଥିବା ସୂଚନା ମିଳିଛି।

ଭୂସ୍ଖଳନ ଏବଂ କ୍ଷତିଗ୍ରସ୍ତ ରାସ୍ତା ଯୋଗୁଁ ଭୂମିକମ୍ପ ପ୍ରଭାବିତ ଅନେକ ଅଞ୍ଚଳରେ ଉଦ୍ଧାର ଦଳ ପହଞ୍ଚି ପାରିନାହାଁନ୍ତି।

ହେଲିକପ୍ଟର ଯୋଗେ ଏପରି ଅଞ୍ଚଳକୁ ଦଳ ପଠାଇବା ପାଇଁ ପ୍ରୟାସ ଚାଲିଛି।Advertisment ସୁନାମିର ଆଶଙ୍କା ଟଳି ନାହିଁ ନ୍ୟାସନାଲ ସେଣ୍ଟର ଫର୍ ସିସମୋଲୋଜି କହିଛି ଯେ ଶନିବାର ସ୍ଥାନୀୟ ସମୟ ରାତି ୯ଟା ୫୫ରେ ଟୋମିନି ଉପସାଗରରେ ୬.୦ ତୀବ୍ରତାଯୁକ୍ତ ଭୂମିକମ୍ପ ଅନୁଭୂତ ହୋଇଥିଲା।

ଏହାର କେନ୍ଦ୍ର ଭୃପୃଷ୍ଠର ୬୮ କିଲୋମିଟର ତଳେ ଥିବା ଭୂମିକମ୍ପ ଗବେଷଣା କେନ୍ଦ୍ର ପକ୍ଷରୁ କୁହାଯାଇଛି।

ସିବିଏସ୍ ନ୍ୟୁଜ୍ ରିପୋର୍ଟ କରିଛି ଯେ ଶନିବାର ସ୍ଥାନୀୟ ସମୟ ଅପରାହ୍ନ ୫ଟା ୫୮ରେ ଇଣ୍ଡୋନେସିଆରେ ୬.୫ ତୀବ୍ରତାଯୁକ୍ତ ଭୂମିକମ୍ପ ଅନୁଭୂତ ହୋଇଥିଲା।

ଏହାର କେନ୍ଦ୍ରସ୍ଥଳ ପୂର୍ବ ନୁସା ତେଙ୍ଗାରା ପ୍ରଦେଶର ଏଣ୍ଡେ ସହରରୁ ପ୍ରାୟ ୬୮ କିଲୋମିଟର ଉତ୍ତର-ଉତ୍ତରପଶ୍ଚିମରେ ଅବସ୍ଥିତ ଥିଲା।

ପ୍ରାରମ୍ଭିକ ଭୂମିକମ୍ପ ପରେ ଅନେକ ପରବର୍ତ୍ତୀ ଝଟକା ଅନୁଭୂତ ହୋଇଥିଲା।

Murder: ପ୍ରେମ ସଂପର୍କ ପାଇଁ ହତ୍ୟା!

ଯୁବକଙ୍କ ଉପରେ କାର୍‌ ଚଢ଼ାଇ ଦେଲେ ଚାଳକ ମାଉମେରେ ସର୍ଚ୍ଚ ଆଣ୍ଡ୍ ରେସକ୍ୟୁ ଏଜେନ୍ସିର ମୁଖ୍ୟ ଫଥୁର ରହମାନ କହିଛନ୍ତି ଯେ ଭୂମିକମ୍ପ ଯୋଗୁଁ ହୋଇଥିବା ଭୂସ୍ଖଳନ ପରେ ଉଦ୍ଧାରକାରୀମାନେ କାଦୁଆ ତଳେ ପୋତି ହୋଇଥିବା ଲୋକଙ୍କୁ ଖୋଜାଖୋଜି ଜାରି ରଖିଛନ୍ତି।

ପୂର୍ବ ନୁସା ତେଙ୍ଗାରା ପୁଲିସ ମୁଖ୍ୟ ରୁଡି ଡାର୍ମୋକୋ କହିଛନ୍ତି ଯେ ଭୂମିକମ୍ପରେ ଗୁରୁତର କ୍ଷୟକ୍ଷତି ହୋଇଛି ଏବଂ କୋଠାଗୁଡ଼ିକ ଭୁଶୁଡ଼ି ପଡ଼ିଛି।

ସହର ଏବଂ ଗ୍ରାମଗୁଡ଼ିକରେ ବିଦ୍ୟୁତ୍ ବିଭ୍ରାଟ ଯୋଗାଯୋଗ ବିଚ୍ଛିନ୍ନ କରିଛି ଏବଂ ସନ୍ଧାନ ଏବଂ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରିଛି।

ଇଣ୍ଡୋନେସିଆର ଜାତୀୟ ବିପର୍ଯ୍ୟୟ ପରିଚାଳନା ସଂସ୍ଥା ପକ୍ଷରୁ ସ୍ଥାନାନ୍ତର ସମେତ ଲଜିଷ୍ଟିକ୍ସ ଏବଂ ଜରୁରୀକାଳୀନ ପ୍ରତିକ୍ରିୟା କାର୍ଯ୍ୟରେ ସହାୟତା ପାଇଁ ଏକ ହେଲିକପ୍ଟର ନିୟୋଜିତ କରାଯାଇଛି।

"