DSP Death: ହୋଟେଲ ରୁମରୁ ମୁଖ୍ୟମନ୍ତ୍ରୀଙ୍କ ଭିଜିଲାନ୍ସ ସେଲ୍ ଡିଏସପିଙ୍କ ମୃତଦେହ ଉଦ୍ଧାର

ବୋଙ୍ଗାଇଗାଁ: ଆସାମର ବୋଙ୍ଗାଇଗାଁ ଜିଲ୍ଲାର ଏକ ହୋଟେଲ ରୁମରୁ ମୁଖ୍ୟମନ୍ତ୍ରୀଙ୍କ ଭିଜିଲାନ୍ସ ସେଲରେ କାର୍ଯ୍ୟରତ ଜଣେ ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ୍ ପୁଲିସ (ଡିଏସପି)ଙ୍କ ମୃତଦେହ ଉଦ୍ଧାର କରାଯାଇଛି।

ମୃତ ପୁଲିସ ଅଫିସର ଜଣକ ଖର୍ଗେଶ୍ୱର ରଭା ବୋଲି ଚିହ୍ନଟ ହୋଇଛନ୍ତି।

ଗୁରୁବାର ହୋଟେଲ ଜାହ୍ନବୀ ରେଜେନ୍ସିର ଗୋଟିଏ କୋଠରୀରୁ ତାଙ୍କର ଗଳିତ ମୃତଦେହ ପୁଲିସ ଉଦ୍ଧାର କରିଛି।

Advertisment ମିଳିଥିବା ସୂଚନା ଅନୁଯାୟୀ, ଡିଏସପି ରଭା ଗତ ଅକ୍ଟୋବର ୧୮ ତାରିଖରେ ଏହି ହୋଟେଲରେ ରହିବା ପାଇଁ ଆସିଥିଲେ।

ଦୀର୍ଘ ସମୟ ଧରି କୋଠରୀରୁ କୌଣସି ଚଳପ୍ରଚଳ ନଦେଖିବା ଏବଂ କୋଠରୀ ଭିତରୁ ଦୁର୍ଗନ୍ଧ ବାହାରିବାରୁ ହୋଟେଲ କର୍ମଚାରୀମାନେ ସନ୍ଦେହ କରି ପୁଲିସକୁ ଖବର ଦେଇଥିଲେ।

ଖବର ପାଇ ସ୍ଥାନୀୟ ସିନିୟର ପୁଲିସ ଅଫିସରମାନେ ଘଟଣାସ୍ଥଳରେ ପହଞ୍ଚି ଅଞ୍ଚଳକୁ ସିଲ୍ କରିବା ସହ ଫରେନ୍ସିକ୍ ପ୍ରମାଣ ସଂଗ୍ରହ କରି ମୃତଦେହକୁ ଉଦ୍ଧାର କରିଥିଲେ।

ମୃତ୍ୟୁର ସଠିକ୍ କାରଣ ସ୍ପଷ୍ଟ ହୋଇନାହିଁ ଏହି ସଂକ୍ରାନ୍ତରେ ସିନିୟର ସୁପରିଣ୍ଟେଣ୍ଡେଣ୍ଟ ଅଫ୍ ପୁଲିସ (ଏସଏସପି) ନୁମଲ ମାହାତୋ ପ୍ରାଥମିକ ତଥ୍ୟ ଦେଇ କହିଛନ୍ତି ଯେ, ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଅଫିସରଙ୍କ ମୃତ୍ୟୁ ହୋଇଥାଇପାରେ ବୋଲି ପ୍ରାଥମିକ ଭାବେ ଅନୁମାନ କରାଯାଉଛି।

ତେବେ ମୃତ୍ୟୁର ସଠିକ୍ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ଏବଂ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ପ୍ରକୃତ ଘଟଣା ପଦାକୁ ଆସିବ।

କୌଣସି ପ୍ରକାର ଚଞ୍ଚକତା କିମ୍ବା ହତ୍ୟା ଆଶଙ୍କାକୁ ଏଡ଼ାଇ ଦେବା ପାଇଁ ପୁଲିସ ପକ୍ଷରୁ ସମ୍ପୂର୍ଣ୍ଣ ତଦନ୍ତ ପ୍ରକ୍ରିୟା ଜାରି ରହିଛି।

ECI Controversy: ନିର୍ବାଚନ କମିଶନରଙ୍କ ଅଭିଯୋଗ ଉପରେ କାର୍ଯ୍ୟାନୁଷ୍ଠାନକୁ ମନା କଲେ କ୍ୟାବିନେଟ୍ ସଚିବାଳୟ