Congress: ମତଦାନକୁ ମୌଳିକ ଅଧିକାର କରିବାକୁ ଦାବି କଲା କଂଗ୍ରେସ, କହିଲା ଏହା ଗଣତନ୍ତ୍ରର ସୁରକ୍ଷା ପାଇଁ ଜରୁରୀ

"ନୂଆଦିଲ୍ଲୀ: ଭୋଟ୍ ଦେବାର ଅଧିକାରକୁ ଏକ ମୌଳିକ ଅଧିକାର କରିବା ପାଇଁ କଂଗ୍ରେସ ରବିବାର ଦାବି କରିଛି।

ଏହା ଯୁକ୍ତି ବାଢ଼ିଛି ଯେ ଏଭଳି ପଦକ୍ଷେପ ମନମୁଖି ଅଯୋଗ୍ୟତା ବିରୋଧରେ ଦୃଢ଼ ସୁରକ୍ଷା ପ୍ରଦାନ କରିବ ଯାହା ସ୍ୱତନ୍ତ୍ର ଇଣ୍ଟେନସିଭ୍ ରିଭିଜନ (ଏସ୍ଆଇଆର୍) ଅଧୀନରେ ବିଭିନ୍ନ ରାଜ୍ୟରେ ଘଟିଛି।Advertisment କଂଗ୍ରେସ ନେତା ଜୟରାମ ରମେଶ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ନିର୍ଦ୍ଦେଶରେ କାର୍ଯ୍ୟ କରୁଥିବା ଭାରତୀୟ ନିର୍ବାଚନ ଆୟୋଗ ଖୋଲାଖୋଲି ପକ୍ଷପାତିତା କରୁଛି।

ତେଣୁ ଭୋଟ୍ ଦେବାର ଅଧିକାରକୁ ଏକ ମୌଳିକ ଅଧିକାର ଭାବରେ ଉନ୍ନୀତ କରିବାର ସମୟ ଆସିଛି, ଯାହା ଏହାକୁ ସର୍ବୋଚ୍ଚ ସ୍ତରର ନ୍ୟାୟିକ ସମୀକ୍ଷା ଓ ସୁରକ୍ଷା ପ୍ରଦାନ କରିବ।

ରମେଶ ନିକଟରେ ସୁପ୍ରିମ୍‌କୋର୍ଟଙ୍କ ଏକ ରାୟ ବିଷୟରେ ଉଲ୍ଲେଖ କରିଛନ୍ତି, ଯେଉଁଥିରେ ଦୁଇଜଣିଆ ଖଣ୍ଡପୀଠ ଫୁଟ୍‌ପାଥ୍‌ରେ ଚାଲିବା ଅଧିକାରକୁ ସମ୍ବିଧାନ ଅନୁଯାୟୀ ମୌଳିକ ଅଧିକାର ବୋଲି ଘୋଷଣା କରିଛନ୍ତି।

ଗଣତନ୍ତ୍ର ପାଇଁ ଗୁରୁତ୍ୱପୂର୍ଣ୍ଣ ଭୋଟ୍ ଅଧିକାରକୁ କାହିଁକି ସମାନ ସ୍ୱୀକୃତି ମିଳିବା ଉଚିତ ନୁହେଁ ବୋଲି ସେ ପ୍ରଶ୍ନ କରିଛନ୍ତି।

ଆହୁରି ପଢନ୍ତୁ: MLA driver arrested ନାବାଳିକାଙ୍କୁ ଅସଦାଚରଣ କରି ଗିରଫ ହେଲେ ବିଧାୟକଙ୍କ ଡ୍ରାଇଭର କଂଗ୍ରେସ ନେତା ମନେ ପକାଇ ଦେଇଛନ୍ତି ଯେ, ସର୍ଦ୍ଦାର ପଟେଲଙ୍କ ଅଧ୍ୟକ୍ଷତାରେ ସମ୍ବିଧାନ ସଭା ମୌଳିକ ଅଧିକାର, ସଂଖ୍ୟାଲଘୁ ଓ ଆଦିବାସୀ ତଥା ବିଚ୍ଛିନ୍ନ ଅଞ୍ଚଳ ଉପରେ ଏକ ପରାମର୍ଶଦାତା କମିଟି ଗଠନ କରିଥିଲା।

୧୯୪୭ ମସିହା ଏପ୍ରିଲ ୨୧-୨୨ ତାରିଖରେ ଅନୁଷ୍ଠିତ ବୈଠକରେ କମିଟି ମତଦାନ ଅଧିକାରକୁ ଏକ ମୌଳିକ ଅଧିକାର କରାଯିବା ଉଚିତ କି ନାହିଁ ସେ ବିଷୟରେ ଏକ ବ୍ୟାପକ ଆଲୋଚନା କରିଥିଲା।

ରମେଶଙ୍କ ଅନୁଯାୟୀ, ଡ.

ବିଆର୍ ଆମ୍ବେଡ଼କର ଏବଂ ବାବୁ ଜଗଜୀବନ ରାମ ମତଦାନ ଅଧିକାରକୁ ଏକ ମୌଳିକ ଅଧିକାର କରିବାକୁ ଦୃଢ଼ ସମର୍ଥନ କରୁଥିବାବେଳେ ସର୍ଦ୍ଦାର ପଟେଲ, ସି ରାଜଗୋପାଳଚାରୀ ଓ ଅନ୍ୟମାନେ ଯୁକ୍ତି କରିଥିଲେ ଯେ, ଏପରି ପଦକ୍ଷେପ ଦେଶୀୟ ରାଜ୍ୟଗୁଡ଼ିକୁ ଭାରତୀୟ ସଂଘରେ ଯୋଗଦେବାକୁ ଦ୍ୱିଧାବୋଧ ଜନ୍ମାଇପାରେ।

ସେମାନେ ବିଶ୍ୱାସ କରୁଥିଲେ ଯେ ସମ୍ବିଧାନରେ ସର୍ବଭାରତୀୟ ବୟସ୍କ ମତାଧିକାର ପ୍ରଦାନ କରିବା ଯଥେଷ୍ଟ ହେବ।

ସର୍ଦ୍ଦାର ପଟେଲ ମତ ଦେଇଥିଲେ ଯେ ସର୍ବଭାରତୀୟ ପ୍ରାପ୍ତବୟସ୍କ ମତାଧିକାର ଏକ ଅନ୍ତର୍ନିହିତ ମୌଳିକ ଅଧିକାର।

ଆହୁରି ପଢନ୍ତୁ: Petrol: ପେଟ୍ରୋଲ, ଡିଜେଲ ଶସ୍ତା ହେବ!

କମ୍‌ ଦାମ୍‌ରେ କିଣାଯାଇଥିବା ତେଲ ପହଞ୍ଚିବା ପରେ କମିବ ରମେଶ କହିଛନ୍ତି ଯେ ଲୋକ ପ୍ରତିନିଧିତ୍ୱ ଅଧିନିୟମ, ୧୯୫୧ ଅନୁଯାୟୀ ଭୋଟ୍ ଦେବାର ଅଧିକାର ଏକ ବୈଧାନିକ ଅଧିକାର ନା ଏକ ମୌଳିକ ଅଧିକାର ସେ ବିଷୟରେ ବିତର୍କ ସାତ ଦଶନ୍ଧିରୁ ଅଧିକ ସମୟ ଧରି ଚାଲିଛି।

ସେ ଆହୁରି କହିଛନ୍ତି ଯେ ସୁପ୍ରିମ୍‌କୋର୍ଟ ଭୋଟ୍ ସହିତ ଜଡିତ ଅନେକ ଅଧିକାରକୁ ସ୍ୱୀକୃତି ଦେଇସାରିଛନ୍ତି, ଯେଉଁଥିରେ ଭୋଟରଙ୍କର ପ୍ରାର୍ଥୀଙ୍କ ଆପରାଧିକ ପୃଷ୍ଠଭୂମି, ସେମାନଙ୍କର ଆର୍ଥିକ ସ୍ୱାର୍ଥ ଓ ରାଜନୈତିକ ପାଣ୍ଠିର ଉତ୍ସ ଜାଣିବାର ଅଧିକାର ରହିଛି।

ରମେଶ କହିଛନ୍ତି ଯେ ଭୋଟ୍ ଦେବାର ଅଧିକାରକୁ କେବଳ ବୈଧାନିକ ଅଧିକାରରୁ ମୌଳିକ ଅଧିକାରକୁ ଉନ୍ନୀତ କରିବା ଗଣତାନ୍ତ୍ରିକ ସୁରକ୍ଷାକୁ ମଜବୁତ କରିବ।"