Building collapses: ପ୍ରବଳ ବର୍ଷାରେ ମୁମ୍ବାଇ ବେହାଲ, ବର୍ଷା ଯୋଗୁଁ ଚାରିମହଲା ଘର ଭୁଶୁଡ଼ି ୬ ମୃତ
ମୁମ୍ବାଇ, ୦୬/୦୭: ମୁମ୍ବାଇର ମାନଖୁର୍ଦ ଅଞ୍ଚଳରେ ଏକ ଚାରିମହଲା ଘର ଭୁଶୁଡ଼ିବା ଯୋଗୁ ୬ ଜଣଙ୍କ ମୃତ୍ୟୁ ଘଟିଛି । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି । ଚାପି ହୋଇ ୬ ଜଣଙ୍କର ମୃତ୍ୟୁ ହୋଇଛି ଏବଂ ଜଣେ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୪ ମହିଳା ଅଛନ୍ତି ।
ବିଏମ୍ସି ଅଧିକାରୀଙ୍କ ଅନୁସାରେ, ରବିବାର ରାତି ପ୍ରାୟ ୮ଟା ୩୦ରେ ମାନଖୁର୍ଦ ଅନ୍ତର୍ଗତ ଜନତା ନଗରସ୍ଥିତ ହନୁମାନ ମନ୍ଦିର ପଛ ‘ଚାଲ୍ ନମ୍ବର-୫’ରେ ଘଟିଛି । ଏହି ଚାଲ୍ (ଘର)ର ଭଗ୍ନାବଶେଷ ମଧ୍ୟରେ ଫସି ୬ ଜଣ ପ୍ରାଣ ହରାଇଛନ୍ତି । ଲଗାଣ ବର୍ଷା ଯୋଗୁ ଘରଟିର କିଛି ଅଂଶ ଭୁଶୁଡ଼ି ପଡ଼ିଥିଲା । ଘଟଣା ପରେ ଅଗ୍ନିଶମ ବିଭାଗ, ପୁଲିସ, ବିଏମ୍ସି ୱାର୍ଡ କର୍ମଚାରୀ ଏବଂ ୧୦୮ ଆମ୍ବୁଲାନ୍ସ ପହଞ୍ଚିଥିଲା । ଭଗ୍ନାବଶେଷ ମଧ୍ୟରୁ ଲୋକଙ୍କ ଉଦ୍ଧାର ଅଭିଯାନ ଆରମ୍ଭ ହୋଇଥିଲା । ୬ ଜଣଙ୍କୁ ମୃତାବସ୍ଥାରେ ଉଦ୍ଧାର କରାଯାଇଥିଲା । ମୃତକଙ୍କ ମଧ୍ୟରେ ୪ ଜଣ ମହିଳା ଅଛନ୍ତି ।
STORY | Six killed, one injured in chawl collapse in Mumbai's Mankhurd: Officials
— Press Trust of India (@PTI_News) July 5, 2026
At least six persons were killed and one sustained injuries when a three-storey chawl (row tenement) collapsed in Mumbai’s Mankhurd area amid heavy rains on Sunday night, officials said.
READ:… pic.twitter.com/zJLPRwrNXx
ମୁମ୍ବାଇରେ ମୁସଳଧାରାରେ ବର୍ଷା ଯୋଗୁ ଜୀନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦରରେ ପ୍ରାୟ ୧ ଘଣ୍ଟା ପର୍ଯ୍ୟନ୍ତ ବିମାନ ଚଳାଚଳ ପ୍ରଭାବିତ ହୋଇଛି । ଅନେକ ରାସ୍ତା ବୁଡ଼ିଯାଇଛି । ସହରସାରା ଗଛ ଉପୁଡ଼ିବା ଘଟଣା ବି ସାମ୍ନାକୁ ଆସିଛି । ପାଣିପାଗ ବିଭାଗ ମୁମ୍ବାଇ ଲାଗି ରେଡ୍ ଆଲର୍ଟ ଜାରି କରିଥିଲା । ଅତ୍ୟଧିକ ବର୍ଷା ନେଇ ବି ସତର୍କ କରାଇଥିଲା । ୨୪ ଘଣ୍ଟା ମଧ୍ୟରେ ମୁମ୍ବାଇରେ ୨୦୦ ମିମିରୁ ଅଧିକ ବର୍ଷା ରେକର୍ଡ କରାଯାଇଛି । କିଛି ସ୍ଥାନରେ ଏହା ୩୦୦ ମିମିଠାରୁ ଅଧିକ ହୋଇଛି ।
