ସୋର ପୌରପାଳିକା ଆଗରେ କଂଗ୍ରେସର ଅଭିନବ ପ୍ରତିବାଦ।

Aug 29, 2026 - 12:34

ନନ୍ଦିଘୋଷ ବ୍ୟୁରୋ : ସୋର ପୌରପାଳିକା ଆଗରେ କଂଗ୍ରେସର ଅଭିନବ ପ୍ରତିବାଦ। ଆଲୋକୀକରଣ ଦାବିରେ ଖୋଲିଲେ ଫାଷ୍ଟଫୁଡ୍ ଦୋକାନ l ଦୀର୍ଘ ଦିନ ଧରି ଦାବି କରିବା ସତ୍ତ୍ୱେ ଶୁଣିଲେନି ସରକାର କି ପ୍ରଶାସନ। ଶେଷରେ ଲୋକଙ୍କ ସମସ୍ୟା ଦୂର କରିବା ପାଇଁ ଅଭିନବ ଉପାୟରେ ପ୍ରତିବାଦ କରିଛି କଂଗ୍ରେସ। ସୋର ପୌରପାଳିକା ଅଞ୍ଚଳରେ 19ଗୋଟି ୱାର୍ଡ ଦୀର୍ଘ ଦିନ ଧରି ରାସ୍ତାଘାଟରେ ଆଲୋକୀକରଣ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି।

ଏନେଇ ସ୍ଥାନୀୟ କଂଗ୍ରେସ ନେତା ଓ କର୍ମୀମାନେ ପୌର ପ୍ରଶାସନ ଏବଂ ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳିନଥିଲା। ଏହାର ପ୍ରତିବାଦରେ ଆଜି କଂଗ୍ରେସ ପକ୍ଷରୁ ପୌରପାଳିକା କାର୍ଯ୍ୟାଳୟ ଆଗରେ ହିଁ ଏକ ଫାଷ୍ଟଫୁଡ୍ ଦୋକାନ ଖୋଲାଯାଇଛି। ଅର୍ଥ ଅଭାବରୁ ପ୍ରଶାସନ ଆଲୋକୀକରଣ କରିପାରୁନାହିଁ, ତେବେ କଂଗ୍ରେସ ନିଜେ ବିକ୍ରି କରିଥିବା ଫାଷ୍ଟଫୁଡ୍ ରୋଜଗାରରୁ ଯେଉଁ ଲାଭ ଟଙ୍କା ମିଳିବ, ସେଥିରେ ସହରର ଆଲୋକୀକରଣ ବ୍ୟବସ୍ଥା କରିବ ବୋଲି କଂଗ୍ରେସ ନେତା ରାଜେନ୍ଦ୍ର ମହାନ୍ତି କହିଛନ୍ତି।କଂଗ୍ରେସର ଏହି ଅଭିନବ ପ୍ରତିବାଦ ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚାର ବିଷୟ ପାଲଟିଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।