ସୁବର୍ଣ୍ଣପୁରରେ ଧୁମଧାମରେ ପାଳିତ ହୋଇଛି କୁଣ୍ଢିକାଚି ଖେଳ ଓ ଲଙ୍କାପୋଡ଼ି ପର୍ବ

Sep 13, 2026 - 17:28

ନନ୍ଦିଘୋଷ ବ୍ୟୁରୋ : ସୁବର୍ଣ୍ଣପୁରରେ ଧୁମଧାମରେ ପାଳିତ ହୋଇଛି କୁଣ୍ଢି କାଚି ଖେଳ ଓ ଲଙ୍କା ପୋଡ଼ି ପର୍ବ। ଭାଦ୍ରବ ମାସ ସପ୍ତପୁରୀ ଅମାବାସ୍ୟାରେ ଲଙ୍କା ପୋଡ଼ି ଉତ୍ସବ ପାଳନ ହୋଇଥାଏ। ଏହି ଦିନ କୁମ୍ଭାର ମାନଙ୍କ ଦ୍ୱାରା ତିଆରି ହନୁମାନ ମୂର୍ତ୍ତିକୁ ସଂଧ୍ୟାରେ ଛୋଟ ପିଲାମାନେ ସାରା ସହରରେ ବୁଲାଇଥାନ୍ତି । ଏହି ମାଟି ତିଆରି ହନୁମାନର ଲାଙ୍ଗୁଡ଼ରେ ନିଆଁ ଲଗାଇ ବୁଲାଉଥିବା ଦୃଶ୍ୟ ବେଶ ଆକର୍ଷଣୀୟ ହୋଇଥାଏ । ଲଙ୍କାପୋଡ଼ି ଉତ୍ସବର ମୁଖ୍ୟ ଆକର୍ଷଣ ଏହି ଟେରାକୋଟା ହନୁମାନ । ଯାହାର ନିର୍ମାଣ ଶୈଳୀ ସୁବର୍ଣ୍ଣପୁର ଛଡ଼ା ଅନ୍ୟ କେଉଁଠି ଦେଖିବାକୁ ମିଳେନାହିଁ ।

ଏଠାକାର ଆଉ ଏକ ନିଆରା ପର୍ବ ହେଲା ପୁରାଉଆଁସ । କୁନି କୁନି ଝିଅ ମାନେ ମାଟି ତିଆରି କୁଣ୍ଢିକାଚି ଧରି ଖେଳିଥାନ୍ତି । ସେହିପରି ପୁଅମାନେ ମାଟି ଓ କାଠ ତିଆରି ଘୋଡା,ହାତୀ ଧରି ଏହି ପର୍ବ ପାଳନ କରିଥାନ୍ତି । ପୌରାଣିକ କଥାକୁ ଉଜ୍ଜୀବିତ ରଖିବା ପାଇଁ ଏହି ଉତ୍ସବ ପାଳନ କରାଯାଇଥାଏ । ହନୁମାନଙ୍କର ଲଙ୍କା ପୋଡ଼ି ସ୍ମୃତିକୁ ଉଜ୍ଜୀବିତ କରିବା ପାଇଁ ସୁବର୍ଣ୍ଣପୁର ବାସୀ ପ୍ରତିବର୍ଷ ଲଙ୍କା ପୋଡ଼ି ଉତ୍ସବ ପାଳନ କରିଆସୁଛନ୍ତି ।

ଏହି ମାଟି ତିଆରି ହନୁମାନ ବିଦେଶରେ ଅନେକ ମ୍ୟୁଜିୟମରେ ସଂରକ୍ଷିତ ହୋଇ ରହିଛି

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।