ସରିଲାଣି ଡେଡଲାଇନ, ସରୁନି କାମ

ନନ୍ଦିଘୋଷ ବ୍ୟୁରୋ : ସରିଲାଣି ଡେଡଲାଇନ, ସରୁନି କାମ । ମନ୍ଥର ଗତିରେ ଚାଲିଛି ୫ ପ୍ରକଳ୍ପ । ବିପଦଶଙ୍କୁଳ ସେତୁ ପାଲଟିଛି ଯୋଗାଯୋଗର ମାଧ୍ୟମ ।… ବର୍ଷା ଦିନେ ନଦୀ ନାଳରେ ପାଣି ବଢିଲେ ମାଲକାନଗିରି ଜିଲ୍ଲାର ଅନେକ ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଏ । ପୋଲ ଉପରେ ପାଣି ଚାଲେ । ଯାହାକୁ ଦୃଷ୍ଟିରେ ରଖି ୭୯ କୋଟି ଟଙ୍କାର ବ୍ୟୟ ବରାଦ ହୋଇଥିଲା । ପୋଟେରୁ, ପାଙ୍ଗାମ, କାଙ୍ଗୁରୁକଣ୍ଡା, ଏମଭି – ୯୦ ଓ ଏମଭି – ୯୬ ଭଳି ସ୍ଥାନରେ ପୋଲ ନିର୍ମାଣ କାମ ଆରମ୍ଭ ହୋଇଥିଲା । ଚଳିତ ବର୍ଷ ଜୁଲାଇ ସୁଦ୍ଧା କାମ ସାରିବାକୁ ଲକ୍ଷ୍ୟ ଧାର୍ଯ୍ୟ ହୋଇଥିଲା । ହେଲେ ଏବେ ସୁଦ୍ଧା ୨୦ ପ୍ରତିଶତ କାମ ସରିଛି । କେତେକ ସ୍ଥାନରେ କାମ ବନ୍ଦ ରହିଛି ତ ଆଉ କେଉଁଠି ମନ୍ଥର ଗତିରେ ଚାଲିଛି ବ୍ରିଜ କାମ ।…

ବ୍ରିଜ କାମ ଯେତିକି ବିଳମ୍ବ ହେଉଛି । ଲୋକଙ୍କ ଚିନ୍ତା ସେତିକି ବଢୁଛି । ବର୍ଷାରେ ପୁଣି ବନ୍ଦ ହୋଇଯିବ କି ରାସ୍ତା ? ବିଭିନ୍ନ ଗାଁକୁ ହୋଇଯିବ କି ଯୋଗଯୋଗ ବିଚ୍ଛିନ୍ନ ? ଏଭଳି ଆଶା ଆଶଙ୍କାରେ ଅଞ୍ଚଳବାସୀ । ଅନ୍ୟପଟେ ପୋଲ ନିର୍ମାଣ ପାଇଁ ଟାର୍ଗେଟ ଧାର୍ଯ୍ୟ କରାଯାଇଛି । ଗୋଟିଏ ପୋଲର ଟେଣ୍ଡର ବାତିଲ ହୋଇଛି । ପୁଣି ଟେଣ୍ଡର କରାଯାଇ ଶୀଘ୍ର କାମ ଆରମ୍ଭ କରାଯିବ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ ।…

କେବେ ପ୍ରଶାସନର ପ୍ରତିଶୃତି ବାସ୍ତବ ରୂପ ନେଉଛି ? ମାଲକାନଗିରି ବାସୀ କେବେ ଦୁର୍ଦ୍ଦଶାରୁ ମୁକ୍ତି ପାଉଛନ୍ତି ? ତାହା ଦେଖିବାକୁ ବାକି ରହିଲା ।