ରେବ ନଦୀରେ ବୁଡ଼ି ନାବାଳିକା ମୃତ, ଅଳ୍ପକେ ବର୍ତ୍ତିଲେ ୩ ଜଣ

Aug 23, 2026 - 16:36

ରେବ ନଦୀରେ ବୁଡ଼ି ନାବାଳିକା ମୃତ, ଅଳ୍ପକେ ବର୍ତ୍ତିଲେ ୩ ଜଣ

ନନ୍ଦିଘୋଷ ବ୍ୟୁରୋ : ଭଦ୍ରକ ଜିଲ୍ଲା ଧାମନଗର ଦଇପୁରରେ ରେବ ନଦୀରେ ବୁଡ଼ି ଜଣେ ନାବାଳିକାଙ୍କ ମୃତ୍ୟୁ ହୋଇଛି। ଏହି ଅଘଟଣରେ ଅନ୍ୟ ୩ ଜଣ ଅଳ୍ପକେ ରକ୍ଷା ପାଇଛନ୍ତି। ଶୌଚ ପାଇଁ ନଦୀକୁ ଯାଇଥିବା ବେଳେ ନଦୀ ତୁଠରେ ଗୋଡ଼ ଖସିଯିବାରୁ ୪ ଜଣ ପାଣିରେ ବୁଡ଼ି ଯାଇଥିଲେ।

ସୂଚନା ଅନୁସାରେ, ନାରାୟଣପୁର ଗାଁର ଇପ୍ସିତା ନାଥ ଶୌଚ ପାଇଁ ନଦୀକୁ ଯାଇଥିଲେ। ଏହି ସମୟରେ ତାଙ୍କ ଗୋଡ଼ ଖସିଯିବାରୁ ସେ ନଦୀର ପ୍ରଖର ସ୍ରୋତରେ ଭାସି ଯାଇଥିଲେ। ଇପ୍ସିତାଙ୍କୁ ଉଦ୍ଧାର କରିବାକୁ ଯାଇ ଅନ୍ୟ ୩ ଜଣ ଝିଅ ମଧ୍ୟ ପାଣିରେ ଭାସି ଯାଇଥିଲେ। ସ୍ଥାନୀୟ ଲୋକେ ତୁରନ୍ତ ୩ ଜଣଙ୍କୁ ଉଦ୍ଧାର କରିଥିଲେ। ତେବେ ଇପ୍ସିତାଙ୍କୁ ତୁରନ୍ତ ଉଦ୍ଧାର କରାଯାଇପାରିନଥିଲା। ପରେ ତାଙ୍କୁ ଉଦ୍ଧାର କରାଯାଇଥିଲେ ମଧ୍ୟ ସେତେବେଳକୁ ତାଙ୍କ ଜୀବନ ଚାଲିଯାଇଥିଲା। ଘଟଣାକୁ ନେଇ ଦଇପୁର ଅଞ୍ଚଳରେ ଶୋକର ଛାୟା ଖେଳିଯାଇଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।